Fakamatala'ea Makehe hono 10 ma'a Tonga Featured
FAKAMATALA’EA MAKEHE HONO 10 MA’A TONGA FEKAU’AKI MO E SAIKOLONE FAKATALOPIKI MALOHI KO HALOTI (KALASI 4) ‘I HONO TUKU ATU
MEI HE SENITA FAKAMATALA FAKASAIKOLONE ‘A TONGA ‘I FUA’AMOTU ‘I HE TAIMI 9:00PM PULELULU 08 ‘EPELELI 2020
FAKATOKANGA KI HA SAIKOLONE FAKATALOPIKI.
KO E NGAAHI FAKATOKANGA:
‘OKU KEI TU’U PE HA FAKATOKANGA AFAA MALOHI KI HE NGAAHI VAHE FONUA MO E POTUTAHI ‘O TONGATAPU MO ‘EUA.
‘OKU KEI TU’U PE FAKATOKANGA MATANGI MALOHI FAKATUPU MAUMAU KI HE NGAAHI VAHE FONUA MO E POTUTAHI ‘O HA’APAI, TELE-KI-TONGA MO TELE-KI-TOKELAU.
‘OKU KEI TU’U PE FAKATOKANGA HAKOHAKO KI HE NGAAHI VAHE FONUA MO E POTUTAHI ‘O E ONGO NIUA MO VAVA’U.
‘OKU KEI TU’U PE ‘A E FAKATOKANGA ‘UHA LAHI MO TAFEA KI HE KOTOA E NGAAHI VAHE FONUA ‘O E ‘OTU TONGA.
‘OKU KEI TU’U PE ‘A E FAKATOKANGA PEAU AAKE MALOHI MALAVA KE NE FAKATUPU HA MAUMAU MO E FALE’I KI HE FANGA KI’I VAKA IIKI KE ‘OUA ‘E FAI HA OO KI TAHI KI HE KOTOA E NGAAHI POTUTAHI ‘O E ‘OTU TONGA.
‘OKU KEI TU’U PE HA FAKATOKANGA TAHI LAHI KI HE KOTOA E NGAAHI MATAFANGA ‘O E ‘OTU TONGA ‘O A’U KI HE ‘AHO TOKONAKI.
TU’UNGA ‘O E ‘EA
KO E SAIKOLONE FAKATALOPIKI MALOHI KO “HALOTI” (KALASI 4) NA’E FE’UNGA HONO UHOUHONGA MO E LATITUTE 19.6 FAKA-TONGA, LONGITUTE 179.8 FAKA-HAHAKE, PE KO E 185KM TOKELAU-HIHIFO ‘O ONO-I-LAU (FISI), 540KM HIHIFO TOKELAU-HIHIFO ‘O NUKU’ALOFA, PE 575KM HIHIFO TOKELAU-HIHIFO ‘O ‘EUA PE 605KM HIHIFO ‘O HA’APAI ‘I HE TAIMI 7:00PM HE EFIAFI NI.
KO E SAIKOLONE FAKATALOPIKI MALOHI KO “HALOTI” ‘OKU NE NGA’UNU FAKA-HAHAKE TONGA-HAHAKE ‘I HE VAVE KO E MAILETAHI ‘E 21 KI HE HOUA (42KM/HOUA). KO E MALOHI ‘O E HAVILI OFI KI HONO UHOUHONGA ‘OKU ‘AU KI HE MAILETAHI ‘E 100 KI HE HOUA (200KM/HOUA) PEA TŌ TAKUTAKU ‘O A’U KI HE MAILETAHI ‘E 140 KI HE HOUA (260KM/HOUA).
‘I HONO HALANGA LOLOTONGA, ‘OKU FAKAFUOFUA KO E SAIKOLONE FAKATALOPIKI MALOHI KO “HALOTI” ‘E TOKA ‘I HE 325KM HIHIFO ‘O NUKU’ALOFA, 350KM HIHIFO TOKELAU-HIHIFO ‘O ‘OHONUA ‘EUA KI HE TAIMI 1:00AM ‘AHENGIHENGI. LOLOTONGA KO IA, KO HA ‘ALOTAMAKI ‘UHA LAHI ‘OKU NE KEI TOKA MO NGA’UNU MAMALIE ‘I VAVA’U, HA’APAI, TONGATAPU MO ‘EUA. KO HA ‘AO’AOFIA, ‘UHA FAKATAIMI MO HA MATANGI HAKOHAKO TE NE UESIA ‘A E ‘OTU TONGA ‘I HE POONI MO ‘APONGIPONGI.
KI TONGATAPU MO ‘EUA:
ANGI E MATANGI MEI HE TOKELAU MO E TOKELAU-HAHAKE MAILETAHI ‘E 15-20 KI HE HOUA (30-40KM/HOUA) PEA HIKI HAKE ‘O A’U KI HE MAILETAHI ‘E 25-30 KI HE HOUA (50-60KM/HOUA) KI HE POONI PEA ‘OKU FAKA’AU PE KE TEKA ‘O ANGI MEI HE TOKELAU MO E TOKELAU-HIHIFO ‘I HE MALOHI FAKATUPU MAUMAU MAILETAHI ‘E 50-60 KI HE HOUA (100-120KM/HOUA) PEA TŌ TAKUTAKU ‘O A’U KI HE AFAA MALOHI ‘I HE MAILETAHI ‘E 75-95 KI HE HOUA (150-190KM/HOUA) ‘APONGIPONGI. FAKAPOPO’ULI E LANGI MO HA ‘UHA FAKATAIMI, FAKA’AU PE KE TOE ‘UHA LAHI ANGE KI HE POONI PEA MO HA MANAMANA KI ‘APONGIPONGI.
MA’OLUNGA KE MA’OLUNGA ‘AUPITO E TAHI (A’U KI HE MITA ‘E 6-14). AAKE MALOHI E PEAU FAKATUPU MAUMAU MEI HE TOKELAU-HIHIFO (A’U KI HE MITA ‘E 6).
‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA. TAFEA ‘A E NGAAHI FEITU’U ‘OKU MA’ULALO ANGE MO E NGAAHI MATAFANGA TUPU MEI HE ‘UHA LAHI MO E AAKE MALOHI ‘A E PEAU FAKATUPU MAUMAU ‘O HAKE MAI ‘A E TAHI ‘O TAFEA MAI KI ‘UTA.
KI HA’APAI:
ANGI E MATANGI MEI HE TOKELAU MO E TOKELAU-HAHAKE MAILETAHI ‘E 15-20 KI HE HOUA (30-40KM/HOUA) PEA HIKI HAKE ‘O A’U KI HE MAILETAHI ‘E 25-30 KI HE HOUA (50-60KM/HOUA) ‘I HE POONI.
FAKA’AU KE TEKA ‘O ANGI MEI HE TOKELAU-HIHIFO ‘I HE MALOHI FAKATUPU MAUMAU, MAILETAHI ‘E 34-47 KI HE HOUA (63-87KM/HOUA) PEA TŌ TAKUTAKU ‘O A’U KI HE MAILETAHI ‘E 55-60 KI HE HOUA (110-120KM/HOUA) ‘AHENGIHENGI. FAKAPOPO’ULI E LANGI MO HA ‘UHA FAKATAIMI, LOLO LAHI HA NGAAHI TAIMI MO HA MANAMANA.
HOU ‘AUPITO KE MA’OLUNGA E TAHI (MITA ‘E 4-9). AAKE MALOHI E PEAU FAKATUPU MAUMAU MEI HE TOKELAU-HIHIFO (A’U KI HE MITA ‘E 6).
‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA. TAFEA ‘A E NGAAHI FEITU’U ‘OKU MA’ULALO ANGE MO E NGAAHI MATAFANGA TUPU MEI HE ‘UHA LAHI MO E AAKE MALOHI ‘A E PEAU FAKATUPU MAUMAU ‘O HAKE MAI ‘A E TAHI ‘O TAFEA MAI KI ‘UTA.
KI TELE-KI-TONGA MO TELE-KI-TOKELAU:
ANGI E MATANGI MEI HE HAHAKE MO E TOKELAU-HAHAKE MAILETAHI ‘E 25-30 KI HE HOUA (50-60KM/HOUA). FAKA’AU KE TEKA ‘O ANGI MEI HE TONGA-HAHAKE ‘I HE MALOHI FAKATUPU MAUMAU ‘I HE MAILETAHI ‘E 34-47 KI HE HOUA (63-87KM/HOUA) PEA TŌ TAKUTAKU ‘O A’U KI HE MAILETAHI ‘E 55-60 KI HE HOUA (110-120KM/HOUA) HE POONI KI ‘AHENGIHENGI.
FAKAPOPO’ULI E LANGI MO HA ‘UHA FAKATAIMI, LOLO LAHI HA NGAAHI TAIMI MO HA MANAMANA.
MA’OLUNGA KE MA’OLUNGA ‘AUPITO E TAHI (MITA ‘E 6-14). AAKE MALOHI E PEAU FAKATUPU MAUMAU MEI HE TOKELAU-HIHIFO (A’U KI HE MITA ‘E 6). ‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA.
KI HE ONGO NIUA MO VAVA’U:
ANGI E MATANGI MEI HE TOKELAU MO E TOKELAU-HIHIFO MAILETAHI ‘E 20-30 KI HE HOUA (40-60KM/HOUA), PEA HIKI HAKE ‘O A’U KI HE MATANGI MALOHI FAKATUPU MAUMAU ‘I HE MAILETAHI 34-47 KI HE HOUA (63-87KM/HR) HA NGAAHI TAIMI ‘APONGIPONGI. FAKAPOPO’ULI E LANGI MO HA ‘UHA FAKATAIMI, LOLO LAHI HA NGAAHI TAIMI MO HA MANAMANA.
HOU ‘AUPITO KE MA’OLUNGA E TAHI (MITA ‘E 4-9). PEA AAKE MAMALOHI E PEAU MEI HE TOKELAU-HIHIFO (A’U KI HE MITA ‘E 5) TAUTEFITO KI HE NGAAHI POTUTAHI ‘O VAVA’U. ‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA.
TAFEA ‘A E NGAAHI FEITU’U ‘OKU MA’ULALO ANGE MO E NGAAHI MATAFANGA TUPU MEI HE ‘UHA LAHI MO E AAKE MALOHI ‘A E PEAU FAKATUPU MAUMAU ‘O HAKE MAI ‘A E TAHI ‘O TAFEA MAI KI ‘UTA.
HU’A MO E MAMAHA ‘O E TAHI
MAHATOKA : 02:00AM (‘AHENGIHENGI)
TAHI LAHI : 08:15AM (‘APONGIPONGI)
KO E FUA E PALOMETA ‘I HE MALA’E VAKAPUNA FUA’AMOTU HE TAIMI 9:00PM NA’E MILIPA E 1007.3 PEA KO E HAUHAU ‘O E ‘EA NA’E PESETI ‘E 95%.
KO E FAKAMATALA’EA MAKEHE HONO HOKO MA’A TONGA FEKAU’AKI MO E SAIKOLONE FAKATALOPIKI MALOHI KO HALOTI ‘E TUKU ATU IA HE TAIMI 12:00AM TU’APO ‘O E POONI PE OFI KI AI.
