Hoko ‘a Manumatavai Tupou Roosen ko e Talekita Seniale ‘o e Kautaha Toutai ‘a e Pasifiki (FFA) ^Featured

Ko hono fotu’u ko’eni ‘o Manumatavai ‘oku ne hoko ai koe fuofua fefine ia kene ‘ulu ‘i he Kautaha ko’eni ‘a e Pasifiki.

Na’e fakaha ‘e he Sekeli Seniale ‘o e Kautaha ‘a e kau taki ‘o e Pasifiki (Pacific Islands Forum) fefine Papua New Guinea ko Dame Meg Taylor koe ongoongo fakafiefia ‘eni hono ma’u pe ‘a e lakanga ni mei he tukui motu ‘o e Pasifiki.

Na’e ngaue pe foki ‘a Manumatavai koe fale’i fakalao ‘a e kautaha ni pea ‘oku ‘i ai ‘ene taukei mo ‘ene ‘ilo lahi ki he fatongia fakatatau ki he fakamatala ‘a Taylor.

Na’e fokotu’u foki ‘a Manumatavai ki he lakanga fo’ou ko’eni lolotonga ‘a e fakataha ‘a e kau Minisita Toutai ‘a e Pasifiki na’e fakahoko ki Cook Island ‘i he uike kuo ‘osi.

Ko Manumatavai koe ‘ofeine ia ‘o Lord Tupou mo Saane Tupou pea ‘oku ‘ikai sola ha taha ki he famili ko’eni ‘i hono ngaue’i mo hono mamahi’i ‘o e fonua.

Ko Manumatavai kuo ‘osi ma’u hono faka’ilonga koe Toketa Filosefa he mala’e ‘o e Lao.