Faka'ofa Homau Ngaohi Featured
Faka'ofa Homau Ngaohi
20 Sanuali, 2016.
‘Etita,
Kataki pe ‘i he fakahoha’a ka koe fie’ilo pe kiha tafa’aki ‘e ala fai mai ai ha tokoni pea ‘oku ou tui ‘e le’olahi ange ‘a e mitia ia ke fakaa’u atu homau le’o.
Koau ‘oku ou kau au he kau sou ‘a e 'Unuaki ‘o Tonga ka oku ‘ikai keu loto au ke ‘asi hoku hingoa. Ko e kau sou ‘eni ‘a e senita fakafonua (‘Unuaki ‘o Tonga) meihe kamata’anga ‘o e kamata e faiva ki mala’e vakapuna Fua’amotu ‘i he 2015 na’a ku kau au ai.
Na’a mau ‘osi alea mo ‘Akosita Lavulavu koe $200 ‘i he vakapuna ‘a ia koe vakapuna kotoa pe e $200 pea kapau ko e vaka ‘e ua ‘i he aho ni ‘a ia ko e $400 ia pea oku vahevahe leva ia kihe toko 10 oku alu ki malae ‘a ia ko e kau tame’a mo e ongoua fefine kena tau’olunga.
Ko e me’a leva ‘oku hoko nemau ‘osi alea mo ‘Akosita Lavulavu ko e $20 ‘a e tokotaha he vakapuna pea ko e me’a oku mau sio kiai ko e ‘aho na’a mau fuofua vahe ai ne mau fika atu mautolu kihe $20 he vaka fe ‘emau hu atu kia ‘Akosita ke ma’u ‘emau vahe kuo ne fakahalaki mai ‘e ia ‘a e $20 talamai leva ‘e ia ko e $10 he vakapuna ‘uhinga he ‘oku ‘ikai ke ‘oange kakato koaa e pa’anga ia mei he Takimamata.
Ko e me’a ‘oku mau sio ki ai ‘oku mau hela kimautolu kae 'ikai ha houga kae ma’u fiemalie pe ‘e ‘Akosita ia ‘a e pa’anga. ‘Oku ou ou fakme’apango'ia he fa’ahinga ‘ulungaaga pehee kae toe fai atu mu’a ha ki’i ‘eke he koe tu’u he taimi ni ‘oku mo’ua mai ‘a ‘Akosita ia kiate kimautolu.
‘Oku ou loto pe heni ke ‘oatu ‘eku ki’i tohi ni ke ‘ilo kiai e kakai telia na’a tokoni mai ha taha ki homau faingata’a’ia ni. 'Ikai ngata ai 'oku fai e sio atu ki he fu'u pa'anga kuo totongi kia 'Akosita mo e 'Unuaki 'o Tonga.
Koia pe Malo
Tau'olunga Vakapuna
3 comments
-
'Oku 'i ai 'ena ngoue meleni 'anaua 'i Vava'u 'ai pe seniti ke puke 'aki 'a 'Akosita na'a si'i li'aki e Minisita ia kae toe he kuo vave mai hono 'aho fakamui.
-
lau ai leva ia ko e ngaue 'ofa
tuku atu a 'a e fu'u $ ia ko 'ena ma'a 'Akosita ke kumi 'aki ha'ane fo'i Meleni
Pea ke fai pe ho'o ngaue 'ofa ke ongo ki Langi, pea 'ofa pe ke si'i tokoni mai 'a Langi ki ho'o faingta'a
"Mo'oni Ia" -
'Oku te'eki lava 'e ha taha 'o tanu e hisitolia 'o 'Etuate kamou tu'u atu o ngaue kiai. Pea koeha oku toe fakapuli ai ho hingoa 'i he 'ave holo ho'o mamahi? Kou tui ko e taha tatau pe eni na ne 'ave ki he Letio Tonga e me'a tatau. Ko e toe fakapuli koeha? Na ko ha toe fo'i Lavulavu pe ena.