‘Oku ‘ikai poupou ‘a Vava’u 16 ki he Kākā mo e Faihala 'a Lavulavu, Featured
Vava'u 16
23 'Okatopa 2015
‘Etita,
‘Oku ou faka’apa’apa mo fakahoko atu he tohi ni ke fakamahino ki he kakai ‘o Tonga ni kotoa ‘oku ‘ikai ke poupou ‘a e Vāhenga Vava’u 16 ki he kākā, kai pa’anga mo e ngāue hala’aki ‘o e mafai. ‘Oku mau fiema’u foki he taimi tatau ke mahino ki he Palēmia ‘oku ‘ikai kemau poupou ki he ngaue hala ‘a ‘Etuate Lavulavu he kuo mau maama mo ako pea 'oku mau lotu.
‘Oku mau ongo’i maa mo’oni pea ‘oku mau ‘ilo ko e kakai ‘oku telefoni ki he felāfoaki ‘o poupou ki he pango mo e loi ‘a e Minisitā ko’eni ko hono fāmili ofi pe mo hono kau poupou 'oku nau lele kuikui mo ofi kiate ia pea ‘oku ma’u ha’anau paku’i mā mei he Ministā kākā lahi ko’eni.
‘Oku mau faka’amu ke fakatokanga’i ‘e he fonua koe tokolahi taha ‘o e Vahenga Vava’u 16 na’e ‘ikai fili ia kia ‘Etuate Lavulavu pea na’a nau fili ki he kau kanititeiti kehe ‘a ia koe meimei peseti ia ‘e 70 ‘o e Vahenga 16 na’e fili kehe.'Oku tokolahi 'a e kau Faifekau, kau Ako, kau Tauhifonua, kau Mateaki mo 'Ofa Fonua, kau matapule, kakai mamahi'i me'a moe kakai masiva 'i homau vahenga pea 'oku 'ikai pea he'ikai kemau muimui mo poupou ki ha me'a 'oku hala mo 'ikai totonu.
‘Oku mau faka’amu ange mai ke ‘ilo’ia mai ‘e he kakai ‘o e fonua ‘a ‘emau ta’elata ‘i hono tukulalo’i mo faka’aluma’i ‘aki kimautolu ‘a e kākā homau fakafofonga pea ko hono mo’oni ‘oku mau loto ke fakahoko kiate ia ‘a e pule ‘a lao pea tuku ki tu’a he ‘oku ‘ikai tui ‘a e kakai homau vahenga ki he faihala.
‘Oku mau ongo’i hono me’angaue’aki kimautolu ki he’ene lelei fakafo’i tuitui pea kuo mau fanongo mo ‘ilo mei he letiō ‘a e lipooti ‘a e ‘atita ‘o ‘ilo lelei mei ai ‘ene ngāuehala ‘aki mo hono mali ‘Akosita Lavulavu mo hono foha ko Paea Lavulavu ‘a e pa’anga ‘a e fonua. 'Oku 'ikai lau kiai 'a e ngaahi faihala kehekehe pea 'e po'uli mo 'aho 'oku te'eki ke 'osi hono fakalau.
Na’a mau pehe koe maka ‘oku ta’e totongi ki he’ene tanu hala ka ta koaa ‘oku tu’umalie tokotaha pe ia mo hono famili. ‘Oku ‘afio hifo ‘a Sihova kihomau loto pea 'oku ‘ikai temau poupou’i ‘a e kovi.
Faka’apa’apa Atu
‘Ofa Fonua
Vava’u 16
27 comments
-
Koe pango foki Siaosi he koe 87.5 koe fu'u loungutu ia 'o 'Akilisi moe PTOA, he ko ena kuo lahi ange ngaahi me'a fakapule'anga ia 'oku 'oange kihe letio ko ia he letio 'ae pule'anga. Kau ai pe 87.5 ia he fangota fakavave he totongi tukuhau 'ae kakai masiva 'o Tonga. Tau hoha'a'ia he kau pule moe kau ngaue 'ae 87.5 he vakili e faihala 'ae kakai moe ngaahi pule'anga ki mu'a atu , kae fakasiosiokehe ia mei he fu'u 'u 'otu faihala, corruption, nepotism, fakapone moe ha fua etc etc. 'oku lolotonga hoko he ki'i pule'anga katuni ko eni 'ae PTOA. Hange koe lau, 'uluaki vaku 'e koe hoku tu'a kau toki vau 'e au ho tu'a mo fakafonu 'eku 'akauni pangikee !!! sai ke tau 'ilo.
-
Ko e ongoongo tatau pe 'aneuhu 'a e tukuange fakapalataha mai ai e Luseane 'a e hopo 'a Lavulavu. 'Oku maalie 'a e 'ikai ke ne toe hanga 'eia 'o 'omai e ngaahi fehu'i fakafihi na'e fai 'e Clive. He'ikai ke toe 'osi 'a hono poupou'i 'e he ki'i letio fakalotu koeni 'a e faihala 'a Lavulavu. Kau toki manatu'i hake ko Lavu na ne 'ave 'a 'Anau mo 'enau letio ki Vava'u ke tukuange mai 'a e hopo. Kalasi me'a tatau pe eni na'e 'uhinga kiai 'a Eke, ta 'oku 'ikai ko e totonu ko e mafai 'oku 'alu ai e Temo, tatau tofu pe mo e ki'i letio ko'eni.
-
Vakai lelei atu foki na Koe Kainga kotoa Pe ena o Lavulavu tenau fakamo'oni he tohitangi koena. Teeki keu mamata ha motua ngaueaki e me'a Koe tohitangi. Koe ma'u lelei Pe ene kakaa Kae la'e fefeka Pe hala ha fakatomala ia. Koene eneene hao Pe kuo Ne tangi mo vetehia. Oku MoU sio kiai kihe me'a koe ngangau ae fkkaukau. Vakai pe na kuo sii tanu maka koaa e atamai ia. Ofa mai aa famili moe kainga o Lavulavu o Mou Ofa mo'oni homou kii motu'a Kae tuku homou sii teke kovii aipe I hoomou manumanu paanga. Tuku a e kii motua ke foki mai Ki api heene kei sai mo foki lelei... ke akonakii ke tuku ene pau'u lotu oku kovi aupito ia. Koena temou fakamooni e kui kihe fangamokopuna he tohi tangi Kae sii fengataliaki e motua ia moe faingataa. Ofa atu Lavulavu neu pehe Teke fai ha me'a lelei ho taimi Kae Ta koaa hoto fakapo Oku alu Pe taimi moe tapupu hoo kakaa moe loi.
-
Ko hono tukutuku peheni holo e he PM 'a Lavu ke hokohoko atu 'ene maa'imoa faka'auha e faifai pea mu'a fakahifo e PM ia kae kei ma'u pe 'e Lavu ia hono Sea. Tau ta pe mo laka he 'oku fele 'a e ngaahi me'a ia.
-
Koe tohitangi ;eni 'oku vilo holo heni koe kole tokua ke 'oua 'e fakahifo e Fakafofonga mei he Minisita. Koe fakafofonga pe 'oku ne kole ki he kakai ke 'ai e tohi tangi pea 'oku 'ikai ke mahino ki he tokolahi pe koe ha e me'a 'oku nau fakamo'oni ai. 'Oku kau moe tamaiki ako he fakamo'oni. He'ikai pe toe tuku e faiva ia.........
-
Oku pehee e Vaituulilo nae ikai haohaoa e fakafofonga malolo pea kohono famili. Koe fehu'i Vaituulilo omai ha tonounou ae fakafofonga malolo. Na'e mio'i mo loi mo kakaa e fakafofonga malolo? O hange Ko Lavu mo hono foha?
Koe ha ku ohofi pehe'i ai ehe famili o Lavulavu e fakafofonga malolo? Koe kakaa moe ngaue hala nae fai Ai hono faka'ilo homou taki moe tu'i kakaa. Kuo tuku e poini ia kamou ohofi personal emoutolu e fakafofonga malolo. Ai kemou ngalipoto moe ilo ai homou fakalangata'aki. Longo kemou ngalipoto. -
Vai tuu lilo oua teke taemahino. Koho taaki mai e kuohili ke fakatonuhia'i aki ho uncle mahino mai Ai ho ngangau tatau moho uncle. Oku hoata malie mai ene fai kovi pea ne toe vete hia kiai ke toe fakapulou'i fefe'i pea tuku ho'o kapa kihe me'a masila nake lavea Pe Koe Ai. Oku osi mahino e fo'i setesi koia Koe ikai ha taha e haohaoa. Koetau hoko koe fakafofonga falealea pea tau feinga ke haohaoa ke tatau hoto ngutu moe tuhu. Tuku a e ta'emahino ko hono faka'ilo ho uncle Koe mio'i kakaa moe lohiaki'i e kakai. Na'e ikai kemau poupou kiai i mu'a Ka koena kuo fakamo'oni'i 'ene halaia pea oku totonu ke ngaue kiai e fkmaautotonu heku ikai fiema'u ha kakaa loi moe mio'i he falealea. Koe ngaue tatau Pe e fiema'u ke fakahoko kiha taha pe Ka koe pango oku hoko tonu pea toutou fai ia ho'o uncle pea kuo taimi kene hangatonu he hala Ki api.
Tomua kamata atu e folofola ia koe pe ke fakatonutonu koe naa hangamalie Ai ho uto ke tokoni atu kiho uncle moe fakama pea kapau ikai keke ma pea mo o a kihe alonga tatakoto kiai moe efiefi emau sio. Tuku e loi kuke famili mo Viliami Latu ke fkalinga lelei kihe kakai Kole atu tuku pe mio'i moe loi moe kakaa ke fai Pe ho uncle. Malo -
Ko 'etau Fakafofonga 'ena ne feinga ke hu louifi ki he Tu'i ka 'oku 'ikai mokoi e Tama Tu'i ke sio ki he 'ata totonu e kakaa 'i mamani. Koe ongoongo fakamuimui ia mei he lolo...
-
Totonu,
POloto 'oku ou kole fakamolemole atu tuku mu'a e hanu kae takitaha kai pe uku 'ene fonu,na'a mou 'osi 'ilo lelei pe siana he na'a ne kakaa'i 'a Amelika Lahi,toe kakai La'a kuo unga fonua (hufanga he fakatapu)pe na'e ikai fakapuloui pea kuo mo'oni pe 'ene lau koe tuai pe mahua mai fu'u poulu hui kuo mou 'oho ai kae si'i ngalo 'a Viliami Uasike na'a 'ikai kaiha'a pe toho pa'anga hono hoa.Poloto koe me'a 'ena ia 'oku faingofua koe tanaki pe ho mou vahe pea fai ha tohi tangi ki he'ene 'Afio ke fakahifo pea tuli 'aaupito mei falealea he kuo mate ho mou ma he'ene ngaue kaka,na'a mo'oni e lau e tama ko e e tangi moe homihomi he 'aho ni kae 'e kata mo kaikaila 'apongipongi. -
Pea vakai ange, ta kuo holoholo'anga ia he kakai 'o Vava'u 16, na'e 'i ai pe foki 'ene fa'a fakahua kimu'a he taimi 'o e kemipeini 'e taha 'i he kei fili fakatokolahi, ko Vava'u ku hange ha fanga kulii, tuai pe lii'i atu ha poulu hui kuo na 'oho, kae 'ai 'o vakai'i na ko 'ene 'uhinga kia kitautolu Vava'u 16.
Ka ko e me'a lahi ia 'o fa'aki kiai e sio 'a e kakai tokolahi, siofi e 'asi pehee mai 'a e tomotomo enau kau fakafofonga, kae 'ikai kenau siololoto atu ki he anga 'o e performance 'i loto fale alea, 'i he tipeiti'i ha fo'i lao he ko e ngaue mo e ta'engaue 'a e lao tene uesia 'etau nofo. Ka kuo pakihi pe 'a e sio ia he tanuhala 'aki e maka kehe, 'a e me'angaue kehe, kae 'ikai kenau sio atu ki he quality 'o e tipeiti pe na'e tu'u 'enau fakafofonga he tafa'aki fe? Mahalo kuo taimi ke toe ki'i ako'i 'etau kau fili he anga 'o e sio, ke sio fakapotopoto 'oua 'e sio fakavalevale e!