Tali ‘a e ‘Eiki Palemia, Samuela ‘Akilisi Pohiva kia Sione Fonua Featured
Samuela 'Akilisi Pohiva
12 'Epeleli, 2018. Oku ou fakamalo atu ki he tali na’e tuku mai ‘e Sione Fonua he Social Media fekau’aki mo e ngaahi me’a na’e ‘ohake ‘i he ‘emau fakataha mo e kau faiongoongo.
Teu feinga pe ke fakanounou pea ‘ofa pe ‘e tokoni kiate kinautolu kuo nau lau ‘ene tali.
Na’a ne fokotu’u mai e Lao Polisi Tonga 2011 ke fai ha tokanga ki he kupu 18(1) ‘a ia ‘oku ne tu’utu’uni ‘a e ngaahi mafai ‘o e Minisita Polisi ‘oku pau ke fakaongoongo mo talangofua ki ai ‘a e Komisiona Polisi. ‘Oku kau ki heni e
a) Fakahoko ngaue fakakatoa ‘a e Polisi Tonga
b) Ngaahi me’a fakalukufua fakangaue mo e ngaahi tefito’i ngaue mahu’inga ‘a e Polisi Tonga ki he
i. ta’ofi’o e faihia;
ii. malu ‘o e kominiuti mo e maau ‘a e kakai; mo e
iii. ngaahi me’a fakalukufua fekau’aki mo hono fakahoko e lao.
Na’a ne toe fakamanatu mai ‘oku fakamahino’i ‘e he kupu 18(3) kuo pau ke ‘ikai ‘oatu ‘e he Ministaa ha tu’utu’uni ki he Komisiona fekau’aki mo e ngaahi me’a ‘oku ha ‘i he kupu 20. Pea ko e ngaahi me’a eni ‘oku ha ‘i he kupu 20 a) ki he d).
a) Tauhi ‘o e maau felave’i mo ha taha pe kulupu ngaahi kakai;
b) Fakahoko ‘a e lao felave’i mo ha taha pe kulupu kakai;
c) Fakatotolo’i ‘o e ngaahi hia; mo e
d) Ngaahi tu’utu’uni fekau’aki mo e kau memipa ‘o e Polisi Tonga;
Mou kataki ‘o fakatokanga’i ange ‘oku ‘ikai ko eku hoha’a fekau’aki mo e ngaahi tu’utu’uni ‘oku ikai ngofua ke fokotu’u atu ‘e he Minisita ki he Komisiona fakatatau ki he kupu 18(3) mo e kupu 20.
Ko ‘eku hoha’a ko e ‘ikai malava ke fakahoko ‘e he Komisiona ‘a e ngaahi tu’utu’uni (policy) na’e fokotu’u atu ke talangofua ki ai fakatatau mo e kupu 18(1) ke “ta’ofi e faihia”, mo “malu’i e kominiuti mo e maau ‘a e kakai” mei he ngaahi me’a hange ko e faito’o konatapu.
Te u fakataataa aki ‘eku hoha’a ni e me’a ne hoko ki he ‘ave ta’efakalao e paasipoti Tonga ki he kau Siaina. Talu e feinga ‘a e motu’a ni mei he 2013 ki he Palemia malolo, Lord Tu’ivakano mo e Komisiona Polisi kena fakahoko hona fatongia ki hono “ta’ofi e faihia” fakatatau ki he kupu 18(1)(b)(i) fekau’aki mo e hu atu ta’efakalao ‘a e Paasipooti Tonga ki ha kakai Siaina.
Na’aku toutou tohi ki he Palemia malolo, Tu’ivakano fekau‘aki mo e me’a ni mo e ‘ikai ha tali. Na’aku toe tohi foki ki he ‘Ateni Seniale malolo (Neil Adsett) pea ‘ave e tatau ki he Solisitoa Seniale ‘o e ‘aho ko ia, ‘Aminiasi Kefu. Ko e ngaahi fetu’utaki tohi kotoa ko ‘eni na’e fakahoko ia ‘i he 2013.
‘I he ‘eku tohi ki he ‘Ateni Seniale malolo, Neil Adsett na’a ku fakaha ai teu ‘ave ‘a e Pule’anga ki he Fakamaau’anga kapau he ’ikai fai ha ngaue “ke ta’ofi e faihia” ko eni.
Na’e tohi mai ‘a Neil Adsett ‘o kole mai ke tatali e faka’ilo kau ngaue fakataha mo e kau Polisi pea ka a’u ki ha tu’unga ‘oku ‘ikai teu fiemalie pea u toki hoko atu ki he Fakamaau’anga. Na’e toki fakahoko e faka’ilo ko ia ‘e he Komisiona Polisi ‘i Ma’asi 2018, hili ia ha fo’i ta’u ‘e nima!
Ko e tupu’anga ia ‘eku hoha’a. ‘’Oku ou loto mo faka’amu ke faka’apa’apa’i ‘a e tau’ataina ‘a e Komisiona Polisi ‘o fakatatau ki he kupu 18(3) mo e kupu 20. Ka ko e ‘osi e ‘a e ta’u ‘e 5 pea toki fakahoko e me’a na’a ku tokanga ki ai. Pea ko e me’a tatau pe ‘oku hoko ki ‘eku tokanga ki he lahi ‘a e faito’o konatapu, kae tautautefito ki he “ice”.
‘Oku ou loto mo faka’amu kemau ngaue fakataha mo e Komisiona Polisi mo e Polisi Tonga ke fakafepaki’i fefeka e palopalema ni. Ka ‘oku ngata pe homau mafai he toutou fakamanatu atu kiate kinautolu ‘a e policy ke “taofi e faihia”,fekau’aki mo e faito’o konatapu. Ka ‘oku ‘alu pe e ‘aho mo e toe fakautuutu ange e palopalema.
Faka’osi na’e pehe ‘e Sione Fonua ke fiemalie aa e Pule’anga he kuo ‘osi fakahoko ‘e he Komisiona hono fatongia fekau’aki mo e paasipooti. ‘Oku ou tui na’e toki lava hono ‘ave ki he Fakamaau’anga e Palemia malolo hili e fakafisi a’e Minisita Polisi ko e ‘osi ia ‘ene kataki ‘i he to’ohi e fakahoko fatongia.
Malo ‘aupito e ma’u faingamalie!
Samuela ‘Akilisi Pohiva
Palemia ‘o Tonga
6 comments
-
Kapau na’e poto a Akilisi mo Mateni, tena ave hingoa e kau tila ki he Komisiona pea tuku mo ha taimi ke fai ai e fakatotolo, pea ka ikai e tonu leva ena tukuakii e Komisiona pea fekau atu aa ke foki ki honau api.
Koe toe sio atu he tafa’aki e taha i hono tae omai e hingoa e kau tila, na koha foi faka’amanaki he koe Tu’i ena e LOI a Akilisi, pea ko Mateni oku na fetaulaki lelei he LOI, pea ka iku o tuli e Komisiona pea eke atu e kau tila e talamai leva e Akilisi ia nae ikai haane lea pehee aana ia. -
'Etita, 'e lava ke 'omai ha setisitika ke tau sio kiai:
1) Faka-kalakalasi mai e faito'o konatapu 'oku ma'u 'i Tonga;
2) Tokolahi e kakai 'oku ngaue'aki;
3) 'Omai mo e hingoa koia e kakai 'oku nau ngaue'aki;
4) mo e ngaahi me'a mahu'inga kehe pe.
Pea 'omai moha fakamatala 'oku toe sai ange. He ko e tu'u 'a e lao, 'e toki fai ha faka'ilo pe koe maumau lao kapau 'e fai ha launga pe ko hono launga'i kita 'e ha taha ki he kakai 'oku malumalu ai e lao hange ko e kau Polisi etc.
Kapau koe tukuaki'i kovi pe ia hange ko e lau 'a e 'Atikolo ni: "Pea ko e me’a tatau pe ‘oku hoko ki ‘eku tokanga ki he lahi ‘a e faito’o konatapu, kae tautautefito ki he “ice”, ta'e 'omai ha faka-mo'oni pau ketau sio kiai, pea 'i he'ene tu'u 'a e lao, 'oku 'ikai ko ha maumau lao ia. 'E ui leva eni ia he kau faka-'uhinga lao ko e ngutulau, lau'ikovi'i, ngutungutu ua, tukaki'i hala, takihala'i, loi etc.
Pea kapau 'oku nau pehe ko e mo'oni, koe ha 'oku tuai ai hono ta tikite'i e motu'a muli, kae melino e tau? -
Malo 'Akilisi e poupou kakato (150%) ki he hoha'a 'a Sione Fonua fekau'aki moe malu 'a e fonua 'o ka to'o 'a e Komisiona Polisi mei he malumalu 'o e Tu'i 'o 'ave ki he Kapineti. Kataki pe Akilisi 'o toe lau pea ke toe 'analaiso pe ho'o tohi tali kia Sione Fonua.he 'oku hanga 'e ho'o tohi tali 'o toe faka'ata lahi mai 'a e nunu'a na'e feinga 'a Sione ke tuku mai 'I he 'ene tohi'.
Na'e anga fefe ho'o tuku mai ho'o hoha'a kihe lahi hono ngaue 'aki 'a e faito'o kona tapu kake 'omai 'e koe 'a e fakatata 'o ngaue 'aki 'a e paasipooti. 'Oku ou manavasi'i na'a 'oku mou 'ilo pe ki he kau tila faito'o kona tapu ka mou longo pe ka mou toki longoa'a kimoutolu tokua 'oku to nounou e faifatongia 'a e Komisiona. Kataki kapau 'oku mou 'ilo ki he kau tila pea mou kataki 'o 'ave honau hingoa ki he Komisiona kae 'oua e longo, (tokua 'oku 'ikai 'iai ha'a mou mafia), he 'oku ui ia koe kaunga hia.
Kole atu kapau 'oku mou kei ta'efiemalie ki he Komisiona pea mou 'ave ki falehopo 'o faka'ilo koe tuai 'ene ngaue.
Faka'apa'apa atu
Lowe -
Koe MINISITA POLISI pe (fakatatau kihe kupu 18(1) ‘oku ‘iai e mafai kene fai atu ha tu’utu’uni kihe Police Commissioner (PC) fekau’aki moe ngaahi kaveinga (a & b).
Koe pehe ‘e Akilisi ne talu ‘ene feinga meihe 2013 ke fakahoko ha ngaue kihe paasipooti. ‘Oku ‘iai e palopalema e 2: 1- Ne ‘ikai, pea ‘oku te’eki ai ke Minisita Polisi ‘a Akilisi ia ke ne ma’u ai ha mafia ke faitu’utu’u ni kihe PC, 2 – Ne toki kamata ngauepe ‘ae PC ko ‘eni (oku fai ai e longoa’a ‘I ‘Epeleli 2015. Anga fefe leva ke tukuaki’I e PC ko ‘eni kihe me’a na’e hoko ia ‘oku teeki ai ke ngaue ia.
‘Oku ke lave koe ‘Akilisi ki ho’o fetohi’aki mo Neil Adsett, Tu’ivakano mo ‘Aminiasi Kefu ne fai ‘is ta’u 2013 – anga fefe ha kaunga ki ai ‘a Caldwell? Ko ‘eni kuo fai ‘e Caldwell ia e ngaue kouke ‘ITA koe ia? ‘ikai ke fu’u ‘uhinga malie ho’o me’a ‘oku fakamatala.
‘Oku ke faka’amu ke mou ngaue fakataha moe PC moe Polisi ke fakafepaki’I fefeka e palopalema, kae hili ia na’ake tala ‘I ho’o Press Release, ‘oku mou ‘ilo ‘ae kautama ‘oku fai hia fekau’aki moe Drugs pea ‘oku ‘ikai ke ‘iai ha mou mafia ke puke pe fai ha ngaue kihe kakai ko ‘eni… Koe fehu’i! - Koeha ‘oku ‘ikai ai ke mou ‘ave ‘ae information ko ia kihe PC moe kau Polisi ke nau ngaue ki ai? Koe mo’oni ia ‘oku ‘ikai ke ‘iai ha mou mafia fakalao ke mou puke (arrest) ha taha. ‘Oku hange ia ‘oku mou loto kimoutolu ke mou toe ma’u moe mafia e kau Polisi. Mo’oni ‘a S.Fonua, ko ‘ena kuo fai e ngaue kihe me’a na’ake fiu kole ki ai talu meihe 2013, toki kamata pe ‘a Caldwell he 2015 pea ko ‘ena kuo ne fai e ngaue ki ai. Fiemalie a! -
SHAKESPEAR: Ko e koto loi.
-
This is Mateni's lips chewing!!! It's sickening these people have been screaming about working together/ngaue fakiataha for ages, and yet they refuse to get down from their high horses and talk professionally with the PC to find solutions to the rising crime rate. They keep on pulling out the passport card which is the only card left for them. They've beaten on the Tongasat card so they deliberately "forgot" to mention it here. They are raving on about the Police working for too long on the passport issue, but didn't they read the AG's explanation about the processes and legal procedures that had to be followed before anybody is charged? MoP and the Primary Minister definitely have memory problems. I think it's called dementia, but Mapa can correct me.
Their idea of working together is do what we want. So pathetic. The more they try to defend their idiotic actions the more they show the world how stupid they are.