Holomui 'a Tonga mei he PACER Plus hili 'a e fakamo'oni 'a e Pule'anga 'i he 2017 Featured
Ko e Palemia 'i hono fakamo'oni'i 'a e PACER PLUS 'i Nuku'alofa ni 'i Sune 2017
29 Ma'asi, 2018. Kuo fakaha ;e he Palemia ki he ngaahi autaha ongoongo 'a e holomi 'a Tonga ni mei he Aleapau fefakatau'aki PACER PLUS hili ia 'a e fakamooni kiai 'a e Pule'anga Tonga 'i he fakataha ;a e Kau Minisita Fefakatau'aki 'o e Pasifiki na'e fakahoko mai ki Tonga ni 'i Sune 2017.
Ko e Alepau ko'eni na'e fakamo'oni'i 'i Tonga ni 'i he 'aho 14 'o Sune 2017 pea na'e fakamo'oni kiai 'a e fonua 'e 10 'o kau kiai 'a 'Aositelelia, Nu'usila, Niue, Samoa, Solomon Islands, Kiribati, Tuvalu, pea mo Cook Islands.
'I he fakamatala 'a e Palemia koe Aleapau ko'eni 'e 'ikai 'aonga ia ki Tonga ni pea 'oku makatu'unga mei ai 'a e holomui ko'eni 'a e Pule'anga.
Kuo ma'u foki 'a e fakamatala ia mei he Potungaue ki Muli 'a 'Aositelelia 'oku te'eki ke nau ma'u 'e kinautolu ha fakaha faka'ofisiale mei Tonga ni 'e 'ikai kenau hoko atu ki hono fakapapau'i (ratify) 'a e Aleapau ko'eni.
Na'e kau foki 'a e PACER PLUS 'i he ngaahi kaveinga na'e alea'i 'i he folau mai 'a e Minisita ki Muli 'a 'Aositelelia Julie Bishop ki Tonga ni 'i he uike kuo maliu atu.
'I he taimi tatau 'oku ngaue atu 'a e Potungaue Ki Muli 'a 'Aosielelia ke fakahoko hono fakapapau'i 'a e ngaahi fonua 'e 11 kuo nau tukupa ke fakapapau'i 'a e Alepau ko'eni.
Na'e 'ia pe foki 'a e ngaahi fonua ia na'e 'ikai kenau kau atu ki fakamo'oni ko'ni 'o kau atu kiai 'a Fiji, Papua New Guinea and Vanuatu pea ko'eni kuo kau atu kiai mo Tonga ni.
2 comments
-
MAHA E 'OA FAKAKAUKAU 'A E KI'I PULE'ANGA KO 'ENI...
'Ikai ha fakamatala faka-potopoto 'a e ki'i pule'anga ko 'eni ki he 'enau me'a 'oku fai. Tukuatu 'a e kaniseli 'o e Sipoti Pasifiki Soute 2019 mo e kumi 'uhinga ta'e fe'unga holo. Ko e PACER PLUS eni 'oku 'ikai pe ha 'uhinga pe fakamatala mai ki he kakai pe ko e ha 'a e ngaahi 'uhinga kuo kaniseli ai.
Mahino ai 'a e pakupaku honau 'atamai ke 'omai ha ngaahi faingamalie ma'a e fonua.
Hokohoko atu 'a e lele faka-moli-Tonga ko e sio ki langi ki ha ngaahi me'a'ofa ta'e totongi, pea 'ikai fiema'u ke fai ki ai ha ngaue. Leleianga 'a e mohe pe 'a e 'atamai kae tanaki e vahenga mei he ngaahi 'ofa mei muli 'a e kakai Tonga, moe tokoni 'a e ngaahi pule'anga (foreign aids). -
Masi’i, fai ai pe lea fulihi ka. Koe cedaw taofi ia kae vivili pe, koe mea ena ia ku taofi pe ia he media kae ikai kaniseli ia mei he tefito. Koe casino io i Tonga ikai i Nuusila, pe koe lea fulihi koeni e osi fakaku?