Fakanofo Lord Fakatulolo ke Kovana Vava’u Featured
Lord Fakatulolo
27 Fepueli, 2018. Kuo fakaha faka'ofisiale 'a hono fakanofo ‘o Lord Fakatulolo kene hoko koe Kovana ‘o e Vahefonua Vava’u.
Ko hono fetongi ‘eni ‘e Lord Fakatulolo ‘a Lord Fulivai ‘a ia na’a ne hoko ko e Kovana ‘o e Vahefonua Vava’u talu mei he ta’u 2015.
Kuo fakamo’oni huafa foki ‘a e Tama Tu’i Tupou VI ki he fokotu’u ko’eni na’e fakahoko atu mei he Palemia ‘o Tonga.
Ko Lord Fakatulolo ko e Nopele Ma’ufoti’a ia ‘o Falevai ‘i Vava’u pea na’a ne ‘osi hoko foki ko e Fakafofonga Nopele ‘o e Vahefonua Vava’u ki he Fale Alea ‘o Tonga.
