Hoko 'a Lotomo'ua Tu'ungafasi ki he lakanga 'Atita Seniale
18 Sepitema 2025. Kuo tali ‘e he Fale Alea ‘o Tonga 'i he pongipongi 'o e 'aho ni ke fili ki he lakanga ‘Atita Seniale ‘a Lotomo’ua Faleafaa Tu’ungafasi.
Ko hono fili 'eni 'o Lotomo'ua kene fetongi ‘a e ‘Atita Seniale mālōlō, Sefita Tangi hili 'a e 'osi hono taimi mei he fatongia ni.
'Oku fakamalumalu foki 'a e 'Ofisi 'o e 'Atita Seniale 'i he Fale Alea 'o Tonga.
Ko e konituleki ngaue 'a Lotomo'ua 'e fakahoko ia 'i he ta’u ‘e 5 ka hokó pea ke kamata lau eni mei he ‘aho 20 ‘Okatopa 2025.
Na’e paloti’i ‘eni ‘e he Fale Alea ‘o tali kotoa 'eni 'e he Hou'eiki Memipa na'a nau me'a 'i he Fale Alea 'o Tonga.
