Fekau’i ‘e Lavulavu ‘a Maile Niulala ke Fakamahu’inga’i Loi ‘i he founga Kākā ‘a e Ngaahi Me’angaue Tomifā Paea Featured
Ngaahi Me'angaue 'a e Vava'u Construction 'a Tomifā Paea
Nuku’alofa, 27 Novema 2015. Kuo ma’u ‘e he ongoongo ni ‘a e tatau ‘a e tohi ‘a e Pule ‘Enisinia ‘a e Potungaue Ngaahi Ngāue Lalahi Malie Niulala ki he ‘Eiki Minisitā Pa’anga ‘o fakahā kiai ‘a e mo’oni hono fekau’i fakamalohi’i ia ‘e he Minisitā ‘Etuate Lavulavu ke fakamahu’inga’i loi mo kākā ‘a e ngaahi me’angaue ‘a Tomifā Paea ke fakatau ‘e he Potungāue ‘a e Ngaahi Ngāue Lalahi.
Fakatatau ki he tohi ‘a Niulala ‘a ia koia ‘oku pule he va’a ‘Enisinia ‘a e Potungaue ‘i he ‘aho 19 ‘o Nōvema ki he ‘Eiki Minisitā Pa’anga ‘Aisake Eke na’a ne fakahā ai na’e fekau’i ia ‘e ‘Etutae Lavulavu ke ne fakahoko hono fakamahu’inga mai ‘o e ngaahi me’angāue ‘a e Kautaha Vava’u Construction ‘a Tomifā Paea ‘a ia ‘oku tau mo fokotu’u ‘i Poutaha.
Na’e ‘alu foki ‘a Niulala ‘o fakahoko ‘a e ngāue ni pea na’a ne foki mai mo’ene lipooti ‘oku hā ai koe misini pe ‘e taha ‘oku kei ngāue pea ko hono mahu’inga fakakatoa ‘o e misini ko’eni fakataha mo e toenga ‘o e ngaahi misini ‘a e Vava’u Construction ‘a Paea ‘oku ma’ulalo hifo ia ‘i he pa’anga ‘e 100.000 (tahakilu).
Na’e toe fekau’i ‘e he Minisitā Lavulavu ‘a Niulala ke foki ‘o toe fakahū mai ‘a e lipooti fo’ou pea ‘ai ‘a e mahu’inga ‘o e ngaahi misini ke pa’anga ‘e 1,000,000 (taha miliona). Na’e foki heni ‘a Niulala pea fakahū mai ‘a e lipooti fo’ou koe pa’anga ‘e 1,007,000 (tahamiliona fituafe) ‘o fakatatau mo e fiema’u ‘a e Minisitā.
‘Oku ‘i ai ‘a e fakatumutumu ‘i he founga ngāue ko’eni ‘a e Minisitā ‘a ia ‘oku lahi ai ‘a e longoa’a ai ‘a e fonua ni pea ‘oku mahino mai foki ‘oku ‘ikai ha teteki pe kohano tukupe ta’ofi ‘a e founga ngāue fakapapeliane mo hala ko’eni ‘a e Miniistā. ‘I he taimi tatau ‘oku ‘ikai pe ke fakahoko ‘e he Palēmia ha ngāue ki he Minisitā loi, kākā mo ongongata’a ni pea ‘oku tu’u fehu’ia ai ‘a e falala’anga ‘a e Pule’anga ko’eni he taimi kotoa.
‘Oku lolotonga ‘i Vava’u foki ‘a Lavulavu ‘i he’ene hopo mo Dr. Viliami Uasike Latu fekau’aki mo hono tukuakai’i ia ki he’ene ngāue hala mo totongi fakafufū lolotonga ‘a e Kemipeini ki he Fili Fale Alea 2014. ‘Oku ma’u foki ‘e he ongoongo ni ‘oku nofo pe foki ‘a Lavulavu ‘i Vava’u ‘i he Hotele Puataukanave ‘o Tomifā Paea pea ‘oku ‘ikai puli ‘a e felātani ‘i he vā ‘o e ongo tangata ni.
‘Oku ‘i ai mo e fifili pe koe pa’anga nai ‘e fiha ‘oku ma’u ‘e Lavulavu meia Tomifā Paea kapau ‘oku tu’ulāhoko ‘a e fakatau ko’eni makatu’unga ‘i he fakamahu’inga loi mo kākā ko’eni kuo tu’utu’uni ‘e he Minisitā ke fakahoko. Ko e hā nai ha ngāue ‘e fakahoko ‘e he Minisitā Pa’anga’Aisake Eke fekau’aki moe si’i tautapa ‘a Maile Niulala.
‘Oku mahino mai foki na’e tuku mai ‘e he ‘Ofisi Palemia ‘a e Ongoongo Tukuatu (Press Release) ‘o fakatonuhia’i ‘a e fo’i kākā ko’eni ka ko’eni kuo fakamo’oni’i mai ‘e Maile Niulala na’e fekau’i ia ke fakahoko ‘a e ngāue kākā mo loi ko’eni makatu’unga he’ene talangofua ki he tu'utu’uni ‘a e Minisitā.
‘Oku hā foki mo e hahanu ‘a Niulala he kuo ‘ave hono ongoongo he mitia fekau’aki moe ngaue ko’eni ka ko ‘ene fakahoko pe ‘a e tu’utu’uni ‘a e Ministā.
18 comments
-
Etuate Lavulavu
Malo koena kuo toe tuku atu ho faingamalie. Kaiha'a ai leva ki he lahi taha, pea ke kakaa'i e Palemia ki he ma'olunga taha, he 'oku lelei lahi pe ia kiate ia. 'Ave kotoa 'e koe 'u tokoni ki he Takimamata he kuo 'ikai toe 'iai ha me'a ia 'e tapui. 'Alu 'auha ai leva koe Ravu! he ko e Pule'anga tu'umaalie eni ia. -
Fakatatau ki he tohi 'a Niulala ki he Minisita Pa'anga, na'e hoha'a ki he "widely broadcast of my reputation through the social media". 'A ia kapau na'e 'ikai e me'a ko eni na'e mei longo ai pe ia. Koe fu'u hiki e mahu'inga mei he 1-kilu ki e1-miliona koe me'a ia 'oku ui koe hia fai'ilo, koe 'ilo lelei pe 'oku hala kae fai pe. Koe me'a leva 'oku hoko ko 'ene kaunga hia fakataha moe tokotaha fai tu'utu'uni. 'Oku masiva 'a Tonga he kakai lototo'a ke nau tu'uma'u he totonu kae lava ke tau 'unu ki mu'a. Koe case ko ena 'ae Kapiteni 'oe Ashika, kapau na'e tu'u ma'u he'ene taukei fakapalofesinale na'e mei iku 'o kaniseli e folau pea 'ikai mole e mo'ui 'ae kakai pea 'ikai mafasia ai e konisenisi 'oe kapiteni. He'ikai mole ha ngaue 'aha taha he taukave'i e totonu, tautefito kapau ko hono fakamalohi'i kita kete maumau'i e lao 'o e fonua.
-
Oku mahu'inga 'aupito ketau mahino'i e anga e founga ngaue 'I Tonga mo hono tukufakaholo pea tau toki sio ke tukuaki'i a Niulala ki he fatongia koia na'a ne fakahoko pea mo 'ene hopo mai ko 'eni ke fakama'ala'ala hono ongooongo mo e 'uhinga na'a ne fai ai e ngaue ko'eni.... koe Palopalema ko 'eni koia 'eni ne fihia ai e Eikivaka o e Ashika he ngaahi ta'u kuo maliu atu,,, Ko e faitu'utu'u ni 'a e kau taki oku 'ikai lava hano toe fehu'ia.. Ne 'ilo'i pe 'ehe Eikivaka oku ikai taau e vaka ke folau ka ko hai ia ke ta'ofi e folau 'a e vaka.. E toe kumi mai 'ehe Pule ia ha taha ke ha'u 'o folau pea 'osi ai mo 'ene ngaue mo e ha fua.. Ko 'eni ia koe Eiki Minisita 'eni 'o e Potungaue oku fai tu'utu'uni pea ko hai a Niulala ke fakafepaki'i ka ko 'ene fai e fatongia pea ne toki fakaha leva 'a e uhinga na'a ne fai ai 'aia oku kei 'I loto pe o teeki ke fai e fakatau koia ne 'amanaki kiai a Hon Lavulavu... koia oku ou kei tangane'ia pe 'I he fai 'a Niulala.. He ka mole 'ene ngaue e ma'u mei fe ha fo'i ma ke kai e fanau... Moe faka'apa'apa kia Niulala
-
Kou fakamalo atu heni kia Maile Niulala he'ene lea 'o tala e ngaue pango 'ae siana kakaa moe loi lahi ta'eufi mo ta'etoka'i ko eni, Ka koe fehu'i, koe ha koaa na'e 'ilo ai pe 'e Niulala na;e hala e tu'utu'u ni na'e 'oatu meia Lavu kae 'alu pe 'o fai? Koe ha na'e 'ikai pehe atu ai kia Lavu 'oku hala 'ene tu'utu'uni pea 'oua tene fai 'e ia. Koe ha kuo toki lea ai he taimi ni he'ene 'ilo kuo 'ave holo hono hingoa he ko ia na'a ne fai e fakamahu'inga loi ko eni. 'A ia kapau na'e 'ikai 'ave holo hono hingoa, 'e longo ai pe ia he mahalo na'e palomesi ange 'e Lavu hano 'inasi. Kakai Tonga, mou 'ofa mai 'o lototo'a ka mou tu'u he totonu tatau ai pe pe koe tu'utu'uni atu 'aha minisita pe palemia. 'Oku kei lahi e tatanu holo 'ae kovi ko 'ilo pe me'a hala kae fai pe tokua koe talangofua ki he tu'utu'uni. Mou talangofua ki he lao mo homou konisenisi ka tau lava 'o tau'i e faihala moe faikovi 'ae pule'anga ko eni. Kuo taimi ke lea moe ni'ihi koena 'oku fakafe'ao holo he palemia, nau 'ilo lelei pe hala mo fehipakaki e ngaahi faitu'utu'uni 'ae palemia ka nau longo pe, mahalo pe kuo fu'u ngako e fo'i me'a na'e mono'i ange.
Ko ia ai, Maile Niulala, kuo tomui ho'o ifi me'aifi. Na'e totonu keke ifi pe he taimi na'e talaatu ai 'e Lavu keke kakaa 'o fakamahu;'inga loi e ngaahi motu'i ukamea. Kuo ke 'osi halaia fakataha pe koe mo Lavu, he na'e puli 'ia koe e totonu kake mo'usioa koe he fu'u miliona na'a mou mei vahe mo Lavu. Koe ha kuo mou toe lea ai??? -
KUO TAIMI KE TAU TU'U 'O FAI HA ME'A KE TA'OFI E FAKAOAO 'A E PULE KOVI 'I HOTAU FONUA. fu'u LAHI 'ETAU KEI VALAU MO E TALANOA KA 'OKU 'IKAI HANO 'AONGA. KUO FAKALELE FAKAMAFIA E PULE'ANGA.
-
Oku hala aupito hono ikai kd tukuatu a Lavulavu ki tu'a. Asi mai hono poupou'i pe e Akilisi e kaka, loi moe kaiha'a meihe ivi oe kakai moe fonua koe me'a pe ia oku sai. Koe toki taki hala aupito pea oku tonu kemou fkfoki homou fatongia he oku ikai kemou fai fakatatau kihe fuakava ne mou fai kihe Otua, Tui o Tonga pea moe kakai.
Mea kotoa pe oku fou ihe kovi moe kaka koe fua peia oku tau sio kiai he taimi ni.
Mou sidestep hake ki api o tafi mo huongoue mo fktomala homou fakakata'aki mo ha'i kapa homou la'e homou vainga'aki e ivi oe kakai.....TImi kenau sio kia Mapa. -
Oku hala aupito hono ikai kd tukuatu a Lavulavu ki tu'a. Asi mai hono poupou'i pe e Akilisi e kaka, loi moe kaiha'a meihe ivi oe kakai moe fonua koe me'a pe ia oku sai. Koe toki taki hala aupito pea oku tonu kemou fkfoki homou fatongia he oku ikai kemou fai fakatatau kihe fuakava ne mou fai kihe Otua, Tui o Tonga pea moe kakai.
Mea kotoa pe oku fou ihe kovi moe kaka koe fua peia oku tau sio kiai he taimi ni.
Mou sidestep hake ki api o tafi mo huongoue mo fktomala homou fakakata'aki mo ha'i kapa homou la'e homou vainga'aki e ivi oe kakai.....TImi kenau sio kia Mapa. -
'Akilisi Pohiva
Koeha e me'a 'oku te tatali kiai? Ko e Tangata koe na'a ke mu'omu'a ki he me'a kotoa pe 'i hono tau'i 'o e faihala. Fekumi ki he fakamaau totonu. Koeha 'oku ke kei pukepuke ai a Etuate? Oku fakamamahi 'emau sio kuo ke maliu mei ho taumu'a ngaue. Koeha, kuo ke vahe lahi koe pea ngalo e me'a netau tu'u fakataha hono teke?
Ko fe a Mateni, koeha 'oku ke popou'i ai a Lavulavu kuo kuloa 'aho'aho ene faihia?
Akilisi mo Mateni, koeha e lahi mo e matolu e hia a lavulavu ka mo toki ui e hia koia ko e faihala? Pea koeha kuo mo vakavakaua ai kimoua he fakatikitato?
TUKUKEHE ANGE KAPAU KUO MOU FEONGO'AKI TA 'OKU MOU ANGATATAU.