‘Oku ‘ikai koha fakalotokovi ka koe fatongia faka-faiongoongo pea 'oku mo'oni Featured
6 Sanuali, 2016. Kuo fakaha ‘e ‘Etuate Lavulavu ‘i he ongoongo ‘a e Letio 87.5 koe fakalotokovi tokua ‘a hono paaki atu ‘e he ongoongo ni ‘a ‘ene ngaue kakaa mo ‘Akosita Lavulavu fekau’aki moe penisini na’e fakafolau ki Vava’u lolotonga 'a e honge penisini 'i he mahina ko Sepitema 2016.
‘Oku ‘ikai foki kene ‘omai ha fakamo’oni ke fakahalaki ‘aki ‘a e ongoongo ko’eni ka ko 'ene tala pe koe fakaloto kovi mo 'ene feinga ke takihala'i 'a e kakai mo fai ai pe si'onau lohiaki'i.
Na’e ma’u hangatonu ‘e he ongoongo ni ‘a e fakamatala mei he Fakafofonga Vava’u 14 fekau'aki moe tokoni 'a Vava'u 14 ki hono fakafolau atu 'a e ngaahi talamu penisini ki Vava'u. Na'e toe ma'u moe fakamatala mei he Potungaue Leipa fekau’aki mo hono fakatau ta’efakalao/'ikai ha laiseni ‘o e penisini.
Ko e tokolahi ‘o e kakai 'o e Vahenga Vava’u 16 moe kakai 'o Vava'u kuo nau fakamo'oni fekau’aki moe mahu’inga na’e fakatau’aki ‘a e penisini ko’eni ko e $4.00 ki he $5.00 ki he lita ‘o kau ai moe ngaahi ‘ata mei hono fakatau ‘o e penisini mei he ‘api ‘o e ta’okete ‘o Lavulavu ‘i Leimatu’a pehe ki he'enau lipooti hangatonu mai ki he ongoongo ni moe mitia fakasosiale.
Na'e toe lele'i atu pe 'e he ngaahi mitia 'o kau ai 'a e Nusipepa Kele'a moe ngaahi mitia fakasosiale 'a hono fehu'ia 'o e ngaue pango ni 'o kau ai 'a e ngaahi fakamatala fakamo'oni ki he tu'unga moe mahu'inga na'e fakatau'aki 'a e penisini ko'eni moe founga na'e fakahoko 'aki pehe ki hono fehu'ia 'a e tu'unga fakalao.
Na'e toe tali ki heni 'a Akosita Lavulavu 'i he feisipuka 'i he mahina pe ko Sepitema 2016 pea paaki atu 'e he ongoongo ni 'i he mahina tatau 'o fakamahino kuopau ke mamafa ange 'ena penisini he 'oku lahi 'ena fakamole kiai pea ke ma'u mo 'ena fakamole ka koe mahu'inga 'a e tokoni ki Vava'u. Na'a ne toe fakamahino foki 'i he tali tatau 'oku 'ikai ke fai ha hoha'a ia ki he 'isiu ko'eni he na'e lahi hono 'ohake 'e he mitia.
‘Oku fifili ‘a e ongoongo ni pe ‘e ngata ‘afe hono takihala’i ‘o e kakai mo e ‘ikai ufi ‘a e tokotaha ni ('Etuate Lavulavu) hono fakakikihi’i ‘a e ngaahi ongoongo ‘oku talaki 'i he founga tau'ataina pea na’e fakahoko he founga totonu faka-faiongoongo pea mahu'inga ke 'ilo kiai 'a e kakai 'o e fonua.
Na’e tukuaki’i foki ‘e Lavulavu ‘a e ongoongo ni pehe ki he ‘Etita Dr. Viliami Latu ki he’ene fekau ‘a e Potungaue ‘Atita ‘i he funga 'o e fakalotokovi ke ‘atita’i ‘a e ‘Apiako ‘Unuaki ‘o Tonga ‘o ‘ilo ai ‘a hono ngauehala'aki mo kakaa'i 'a e tokoni 'a e Pule'anga na'e 'ova he vaeua miliona.
Na’e fakamahino mei he Potungaue ‘Atita ‘oku ‘ikai mo’oni ‘eni pea ‘oku ‘ikai ha mafai ‘ia Dr. Latu kene tu'utu'uni ki he Potungaue ke fakahoko ha ngaue faka-'atita pehe ni hange koe tukuaki’i na'e fai ‘e Lavulavu.
‘Oku ‘i ai foki ‘a e feitu’u ke fakatonutonu kiai koe Fakamaau’anga kapau koe fakalotokovi mo e loi ‘eni ka koe me’a ‘e hoko foki heni koe toe ‘asi mai ai mo e ngaahi me’a kehe mo lahi mo pango ange ‘o hange kuo ‘osi hoko ki mu’a pea iku ai pe ki he lesoni faka'osi koe kole fakamolemole moe tangi laulau pea koe lesoni anga maheni ia 'oku ngaue he taimi lahi ki he ongo 'a e si'i kakai 'oku 'ikai kenau mahino'i lelei 'a e founga 'a e to'a ni.
Ko e me'a tatau na'e hoko 'i hono faka'ilo faka-Fale Alea 'a e tangata pau'u ni 'i he ta'u 2015 na'a ne tala mo lea ta'e maloloo mai he Letio moe feme'a'aki 'a e Fale Alea koe fakaloto kovi ka na'e iku ai pe ki he tangi mo 'ene kole fakamolemole koe mo'oni pe 'a lipooti 'a e 'atita.
Na'e toe hoko moe me'a tatau 'i he fakatonutonu hili 'a e fili Fale Alea 'o e 2014 pea lele mu'a 'a e tangata ni he mitia 'o tala ai pe fakalotokovi ka na'e 'iku ai pe ki he tu'utu'uni aofangatuku 'a e Fakamaau'anga ke to'o hono sea mei he Fale Alea pe ki mu'a ia na'e fai ai pe 'a e tangi laulau moe kole fakamolemole pea ne 'ilo kiai 'a e tokolahi he mitia fakasosiale.
Koe fatongia faka faiongoongo ke fakatotolo (investigative journalism) mo fakahoko ki he kakai ‘o e fonua ‘a e ngaahi ngaue hala ‘a e kau taki pea ke fakatokanga foki mo tu’uaki ‘a e pule lelei he koe laumalie ia ‘o e Temokalati pea 'oku 'ikai ko Lavulavu pe ka 'oku tatau pe 'a e ngaue 'a e ongoongo ni ki ha taki pe 'o kau ai 'a e Palemia, Hou'eiki Minisita, Kakai ma'u tu'unga, kau pisinisi, Hou'eiki 'o e fonua pe koha taha pe 'oku ne ngaue hala'aki 'a e mafai mo ngaue kakaa 'o kaunga kovi ki he fonua mo hono kakai pea mole ai 'a e koloa moe pa'anga 'a e fonua.
'Oku tau tangane 'ia he kau Fakafofonga Fale Alea 'oku nau loto lahi ke lipooti 'a e ngaahi ngaue hala 'oku hoko hotau ki'i fonua ni he 'oku 'Afio hifo 'a Sihova.
30 comments
-
Hange hangeee tama tiny oku ke pule koe he company o e peni lolooa mo e helepelu kae ceo a oua e fiu
-
tiny oku ke toe mama'o atu koe he ki tu'amamani, ko ho'o ngatata mai he kongalao koeni oku ikai ke iai hano title pea oku ikai kaunga ia ki he'etau lavelave. Ku alu alu atu pe ho'o tekefili noa'ia pea ke iku tau he finemotu'a e kaunga'api. Foki ki he vao he taimi ni kini kini ai he la'aa keke poto pea ke toki ha'u 'o kau he taalanga 'a e kau poto iooooo
-
Okusi! nofo mai pe ko ho'o lele fkvavevave he na'aku fkafe'i ko e lol! 'Osi pe ho'o lau 'ena pea takai ho fala 'o fetukutuku ki motu lol!
Accused not to be convicted of offence not charged.
3. Except where otherwise provided in this Act no person charged with an offence shall be found guilty of any other offence on the evidence submitted to the Court, if such evidence is insufficient to establish the offence with which such person is charged. (Added by Act 15 of 1935, Amended by Act 9 of 1958.)
PART I-ATTEMPTS
Definition of attempt.
4. (1) An attempt to commit an offence is an act done or omitted with intent to commit that offence forming part of a series of acts or omissions which would have constituted the offence if such series of acts or omissions had not been interrupted by the voluntary determination of the offender not to complete the offence or by some other cause. -
Ko e lahi ange 'a e fakamatala 'a tiny ko e lahi ange ia ene mama'o mei he poini. Kataki pe tiny 'oku 'ikai keu tui ki ho'o fakamatala he 'oku 'ikai keke 'omai 'e koe ha Lao ke taukapo'i 'aki e fakatau ta'elaiseni 'a e ongo Lavulavu. Ko e lavelave mai 'a Moneata 'oku 'iai e Lao ia 'oku maumau'i. Ko ho'o fakamalanga it is very poor indeed, 'oku ke hanga 'e koe 'o poupou'i e faihala. Kae sai kuo mahino e paoni ia mo e ma'ama'a 'oku ke 'i ai kae hiki 'emau laukonga 'amautolu ki he talanoa 'a e kaupoto.
-
Malo e lelei ‘a Okusi Niu’ila pea mo ‘Eneasi Fuka pea malo e lave mai ki he ‘etau kaveinga pea lolotonga ‘etau fkoli kuo mo fkmaatoato kimoua pea ko ho’o mo fai pehee mai faifai pea lavea ha taha lol!
Sai tuku pe mu’a ke momosi atu ee kaveinga hei’ilo na’a tokoni atu he ‘oku ki’i poipoila ‘e ulo ‘ae maama he loki ni pea fe-tomokaki mo feululufi e nofo! Lol!
Ko e kaveinga ko e “Fk’ilo ‘a e ongo Lavulavu ko e fktau penisini ta’e Laiseni.
‘Oku te’eki fai ha fkfekiki ia ke fktupunga ai hano fkmaau’i pe ko hai ‘oku totonu ke ‘ave ki ai e poini ko e fkmatala ‘oku ou fai atu ‘oku ui pe ia ko e (Opening Statement) kasete pe haha! takitaha fai hono tukuingata ke fkmatala ‘ae tu’u’anga (ground) ‘o ‘ene ngaahi totonu, maumau pe tu’u fefeka pea kapau ‘e fefeka ai pe he lolotonga ‘ae lele ‘a hono fkmaau’i ‘e iku leva ia ki he malohi (pevail).
Ko e ‘uluaki me’a te tau vakai ki ai ki he feinga fk’ilo ko ‘eni ‘oe ongo lavulavu ko hono siofi pe ‘oku ‘i ‘ai ha totonu ‘ae tokotaha ma’upausa kene fai ‘a e fk’ilo. ‘Oku mahu’inga leva kete ma’u ‘ae mahino he ‘oku kehekehe ‘ae totonu fk’ilo moe totonu launga. Ko e totonu ia ‘ae ma’upusa ‘oku nofo ia ‘i he ‘ene launga’i ‘ae ongo lavulavu, pea tenau omi leva ‘o fktotolo’i ‘ae launga, pea ko e totonu ki he fk’ilo ‘oku nofo ia ‘ihe tokotaha kuo ‘osi pani ‘e he pule’anga kene fai ‘ae fk’ilo, pea ko vaihi ee hano fk’ilo, pea ko e ‘uhinga ia ee me’a ‘oku kei fkfepaki mai ‘ae ongo Lavulavu ki he Nepituno he na’e ‘ikai ke puli he tama fai-fk’ilo ‘ae me’a na’e hoko ‘o tupunga ai ‘ae fktau ta’e laiseni.
Ko hono ua ko e tu’unga ‘o e fkfekiki (Legal Argument) ‘oku nofo ia he lao ‘oku ne pule’i ‘ae business fefaktau’aki ‘oe penisini pea tatau ai pe pe na’ake sio atu koe na’e fktau atu ‘ae penisini ‘e he ongo Lavulavu pea ‘oku ke ‘ilo’ilo pau ‘oku ‘ikai ha’ana laiseni, ka ko hono fkfehoanaki ki he fiema’u ‘ae lao ‘oku ‘i ai ‘ae ‘elemenite ia hono ua, oku fiema’u ia (fktata pe) ke tu’uaki atu ‘e he ongo lavulavu ‘ae penisini he Nepituno pe ko ha fa’ahinga news media pe ‘oku na fkatau atu ‘ae penisini pea kapau na ‘e ‘ikai kena tu’uaki atu, ‘oku ‘ikai leva ke lava ‘ehe fkfekiki fklao ia ‘o prove na’e fai ha fktau ta’e laiseni ‘oe penisini. Pea ‘i he ‘ene pehe teu fai atu leva ‘ e au ‘ae lau ‘a lavulavu, sio ki he malie pea toe le-lesoni haha! -
Oatu e poini oe takai uluaki moe 2 maa Moneata. Pehemai koe tiny ka oua e fiu kemou akoako tuki ke malohi homo tuke ke iai ha foi poini. Kaikehe toatu e taalanga pea ifo e laukonga.
-
Maalie lahi e column koeni. Oua toe afe tiny kihe fakailo oku tonu ke ha mo ha. Oatu hoo poini ke fakafepakii a Moneata mo Masunu he oku hange oku na tuki poini mai kinaua. Tuki mai naua he Lao puke e koe hona tuke o talaatu ke tuki pehei mo pehei, ai ha foi lafo masii ke oua e ngata etau maalie'ia.
-
Malo mu’a Masunu ‘ae lave mai ki he kaveinga pea ‘oku ke mo’oni ‘aupito ‘oku ne maumau’i ‘ae lao ko e fktau atu ‘ae penisini kae ‘ikai ha laiseni. Pea ke fkmolemole pe na kuo hala ‘ae ‘ullungaanga ‘ete fkfotunga atu pea heheva si’ota ia ‘ata ‘oku te poupoui’i e faihala. Ko ‘eku fk’amu ka fk’ilo pea tokanga ki he anga hono fk’ilo hange pe koe me’a na ‘e lave ki ai ‘a Moneata, ‘ai ke ma’opo’opo ‘ete ngaahi fkmo’oni ke lava ‘o pipiki he fkmaau’anga. Ko ‘eku fk’amu ‘aku ke fk’ilo, pea hopo’i pea mo’ua, pea ngaue popula, pea li ‘ae ki ia ki tahi! Lol! Pea te u lave atu pe fekau’aki mo e fk’ilo ki he fktau penisini ta’e laiseni. Ko e normal ko ee ‘oe fk’ilo ‘i mamani ha taha ‘oku ‘ikai ke ‘i ai ha’ane laiseni ‘oku nofo ia ‘i he malumalu ‘oe pule’anga,ko iaa. Hange ko ‘eni ‘e ikai teke lava ‘e ko e ia ‘o fk’ilo ‘a Lavulavu ki he fktau ta’e laiseni, he ko e ivi (authority) ko ee ‘oku ne fkngofua (authorize) ‘ae fk’ilo ‘oku nofo he kakai kuo ‘osi foaki kiatekinautolu ‘ehe pule’anga ke fai ‘ae fk’ilo. Fktata mahino taha pe ko e fk’uli ta’e laiseni, he’ikai teke lava ‘e ko e ia ‘o fk’ilo ha taha ‘oku fk’uli ta’e laiseni ka ‘e lava ia ‘e he polisi ‘ae pule’anga he kuone ‘osi fkpapau (swear under oath) ke ne fai ‘ae fatongia ko ia ‘aki ‘ae lelei taha. Mahalo ko e ki’i toko ni pe ia ‘e lava fai atu. Have a good day! Pea malo 'ae lave mai Masunu!
-
Malie lahi pea fkmolemole atu ki hono ui hala’i ho hingoa Moneata ‘asili ai moe matasio’ata ko e cheap atu ia ‘aki e malohi taha lol! ‘Oku mo’oni ho’o fkmatala fekau’aki mo e State of Emergency pea na’e ‘ikai ke tau a’u kitautolu ki ha tu’unga pehe pea ‘oku totonu pe keke invoke ‘e ko e ia ‘ae EMA-2007 kene lotua ho tu’u ‘anga! Lol! He ko e fatongia ‘o ‘oku ke u ‘afa’i ‘ae me’a na’e hoko ke poupoua ‘ae ngaahi faingata’a ‘e fehangahangai mo e kau ma’upausa ‘oka pau na’a nau fk’ilo ‘a e ongo Lavulavu, ki he fktau penisini ta’e laiseni ka ‘oku ou tui pe au ‘oku ke tau’ataina pe ke liliu ho’o fkkaukau!! Lol! Pea na’e tatau ai pe, pe ko e ha ‘ae fa’ahinga level na’e ‘i ai ‘ae State of Emergency, ‘oku ‘ikai ko ha elemeniti (elements) pe ko ha aofangatuku (deciding factor) ia ‘oe fk’ilo ki he fktau ta’e laiseni ‘o e penisini! Malo mu'a 'ae okooko Moneata Malie Lahi!
-
Mooni ko e Moneata, oku maumau heni a e lao ki he laiseni fefakatau'aki he kuopau ke iai ete Business License kae lava kete toki trade. Fakaulia ko e poupou'i e tiny e faihala, ai ke vakaii na ku ke kau pe mo koe ia tiny he tuku e lao ki he tafa'aki kamou faluku.