Talitali lelei Sekelitali Seniale Pule’anga Fakatahataha (UN) Palēmia ‘o Tongá Featured
Sekelitali Seniale Pule’anga Fakatahataha Ban ki Moon mo e Palēmia ‘o Tongá 'Akilisi Pohiva
Nuku'alofa, 6 'Okatopa 2015. Na’e fakataha ‘a e Palēmia ‘o Tonga/, Hon. Samuela ‘Akilisi Pōhiva mo e Sekelitali Seniale ‘o e Kautaha ‘a e Ngaahi Pule’anga Fakatahatahá, Mr. Ban ki Moon, lolotonga ‘a e ngaahi fakataha mo e kau Taki ‘o e Tukuifonua Pasifiki ‘i he ‘aho 2 ‘o ‘Okatopa 2015.
‘I he’ene fuofua me’a ko eni ki ha fakataha ‘a e Pule’anga Fakatahataha/ ‘i hono lakanga ko e Palēmia ‘o Tonga/, na’e talamonū ai ‘a e Sekelitali Seniale/ ki he Palēmia ‘o Tonga/ ‘i hono fili ia ko e Palēmia ‘o Tonga ‘i Tīsema 2014 pea ne talitali lelei ai pē ia ki he Fakataha’anga ‘a e Ngaahi Pule’anga Fakatahataha/.
‘Ikai ngata ai/, na’a na alea’i he fakataha/ ni ‘a e ngaahi taumu’a ola lalahi ‘o e mo’ui fakapotopotó (SDG) pehē ki he feliuliuaki ‘a e ‘ea/. Na’e fakamalo’ia’i ai foki heni ‘e he Sekelitali Seniale/ ‘a e kau taki ‘o e Pasifiki/ ki hono fakatahataha’i ‘o e ngaahi alēlea fakapolitikale/ ke nau felotoi ai ki ha aleapau ke tuku atu ki he Konifelenisi ki he Feliuliuaki ‘a e ‘Ea/ ‘e fakahoko ki Palesí he faka’osinga ‘o e ta’u/.
Na’e fakatokanga’ia foki ‘e he Sekelitali Seniale/ ‘a e ngaahi ngāue ‘a Tonga ki he pule lele/ mo hono hakeaki’i ‘o e kakai fefine/.
 Palēmia ‘o Tongá "Pin It")