Totongi 'e ‘Akilisi Pohiva $36,000 mo'ua 'i he hopo lau’ikovi’i Featured
'Akilisi Pohiva
19 Sanuali, 2019. Kuo totongi ‘e he Palemia ‘Akilisi Pohiva ‘i he kamata’anga ‘o e ta’u ni 2019 ‘a e fakamole (cost) ‘o e hopo ki he’ene lau’ikovi’i ‘a William Clive Edwards ‘i he Nusipepa Kele’a ‘i he ta’u 2012.
Na’e tuku mai foki ha fakamatala ‘a ‘Akilisi Pohiva ‘i he Nusipepa Kele’a ‘i he ta’u 2012 ‘o pehe ko Edwards koe toitoi’anga ia ‘o e kau faihia.
Na’e faka’ilo foki ‘e Edwards ‘a Pohiva ‘i he ta’u 2012 ki he fakamatala loi mo 'eke hono ongoongo pea na’e vetehia pe ‘a Pohiva 'i he hopo ko'eni na’e 'ikai mo'oni pea hala ‘ene fakamatala ka na’e iku ke tukuange ia ‘i he Fakamaau’anga Polisi.
Na’e tangi ‘a Edwards ki he Fakamaau’anga Lahi pea na’e toki aofangatuku ‘a e hopo ko’eni ‘i he faka’osinga ‘o e ta’u 2018 'i he Fakamaau'anga Lahi.
Na’e toe tangi ‘a Pohiva ke fakafepaki’i ‘a e tu'utu'uni kene totongi 'a e ngaahi fakamole ki he hopo ko’eni ka na’e tu’utu’uni ‘e he Fakamaau’anga Lahi kene totongi ‘a e fakamole ‘a Edwards he koia foki na'e 'ulungia 'i he hopo ni.
Fakatatau ki he fakamatala na'e ma'u 'e he ongoongo ni mei he ‘Ofisi Lao ‘o Edwards (Edwardslaw) na’e totongi ‘a e pa’anga ko’eni ‘e $36,000-00 tupu ko’eni ki honau ‘ofisi ‘i he ‘uluaki uike ‘o Sanuali 'o e ta'u ni.
Ko Laki Niu na'a ne fakafofonga’i ‘a ‘Akilisi Pohiva 'i he hopo tangi pea William Clive Edwards pe na'a ne fakafofonga'i ia.
3 comments
-
'Oku ngali fu'u vave tama 'Etita hono totongi 'a e mo'ua ngutulau mo ngutu'ipiva mo lau'ikovi 'o Samuela 'Akilisi Pohiva PM 'he'ene loi'e'elo mo loita'ekakato mo loita'ekemo 'o Misa Clive Edwards, SC? 'Oku 'i ai nai ha'ane fekau'aki 'eni mo e pa'anga TOP$74 miliona 'oku kei "unaccounted for" (pe "kai 'e he kuma" he lau 'a Mosese Niuafe) he Lipooti maau mo mahino mo lelei 'a e 'Atita? 'Oku to e 'i ai nai ha kaunga ki ai 'a e fakamole pa'anga fakatu'umalie mo fakapaipa mo fakamilionea tavale mo noa'ia 'a e kau muimui kuikui mo kaka 'o e PM mo e PTOA? 'Oku fokotu'u atu ke fefe ke to e veteki faka-Tu'i leva 'a e Falealea telia 'a e vanu ta'engata mo ta'etakele mo fakalilifu 'e homo ki ai 'a e fonua ka e fa'u fakavave ha Pule'anga fakataimi ke fakalelei 'a e fonua mo fakatotolo'i 'a e ngaue ta'efakalao mo e faihala 'a e PM Samuela 'Akilisi Pohiva mo 'ene kau Minisita ta'e'atamai mo ta'ekete mo ta'emahino mo ta'e'ofa 'o faka'ilo mo fakatonutonu he ko e feitu'u faka-temokalati totonu ia ko e Fakamaau'anga!!! Ko e me'a nai 'eni 'oku 'uhinga ki ai 'a e PM ko e li 'a e lao ki tu'a ka e fai 'a e ngaue 'o ta'efakalao 'a ia ko e pule fakatikitato mo fakapopula mo fakaaoao mo fakaleveleva nai ia ka e 'IKAI ko e pule fakatemokalati mo fakalao mo fakatau'ataina.
-
'Oku to e mahino lelei heni 'oku 'ikai 2 'a e fa'ahi he taukave hala 'a e kau mitia tokua koe FAKA'IO mo e FAKA'IKAI ka 'oku 3 koe FAKAMO'ONI, 'a ia ko e fatongia ia 'o e Fakamaau'anga ko e fakahokolao ('o tanaki ki he Falealea koe fa'ulao mo e Fakatahatokoni ko e fakamo'onilao (fakamo'onihufafa). 'Oku TA'Ekoka'i, TA'Efaka'apa'apa TA'Efieauna mo TA'Emalu'ia kotoa 'a e PM Samuela 'Akiliai Pohiva ki he tau'ataina mo e makehekehe 'a e vahe 3 lalahi 'o e mafai - Falealea, Fakatahatokoni mo e Fakamaau'anga - ko e mafutefua 'o e TEMOKALATI (tau'ataina, tauhilao), 'o hange ko 'ene taukave ke tukufakata'aki kotoa kae ngaue TA'E-Falealea, TA'E-Fakatahatokoni mo TA'E-Fakamaau'anga, 'ai a ko e to'oto'onga kotoa ia 'a e TIKITATO [fakaaoao, fakaleveleva mo fakaehaua). Kuo loa kaliu 'a e fiema'u vivili ke to e veteki 'ae Falealea he kuo 'oange 'a e faingamalie 'o Samuela 'Akilisi Pohiva ke PM pea kuo fuatatau 'oku ma'ama'a fau!
-
Should be remove from the office and his position, straight away! All the position in parliament and its members should be faithful! In all things they do! Satan is running the country through their minds with out them knowing about it! Worship God on Sunday is by papacy and not of God! God want Tonga to worship God on Saturday(sabbath of the Lord).