Fana'i ha matapule 'i Kolonga kei fakaakeake 'i Vaiola Featured
19 Novema, 2018. Na'e leleaki'i ha matapule ta'u 23 mei Kolonga ki he falemahaki Vaiola 'i he po'uli 'o e 'aho Tokonaki 17 'o Novema makatu'unga 'i hano fana'i 'aki ia ha me'afana.
Na'e hoko 'eni 'i Kolonga pea koe lavea 'a e matapule ta'u 23 ko'eni fakatatau ki he fakamatala mei he falemahaki Vaiola na'e tupu ia mei hano fana'i tu'o 5 hono sino pea 'oku kei fakaakeake pe 'i he falemahaki Vaiola.
Na'e ma'u foki 'e he kau polisi ha lipooti mei he falemahaki Vaiola 'i he po Tokonaki ai pe fakafuofua ki he taimi 10:00 efiafi 'oku a'utaki ange ha matapule ko hano fana'i pea na'e pau ai ke puke mai 'e he kau polisi ha matapule Kolonga pe ta'u 27 mei ha 'api 'i Pahu 'o tukuaki'i ki he hia ko'eni.
'Oku kei tauhi pe 'e he kau polisi 'a e matapule 'oku tukuaki'i kiai 'a e hia ni pea 'oku kei hokohoko atu pe 'a e ngaue 'a e kau polisi ki he keisi ko'eni.
