Fakamalōlō’i kau Polisi ‘e toko 9 tukuaki'i ki he maumau lao Featured
19 Siulai, 2017. Kuo a’u ‘eni ki he kau Polisi ‘e toko 9 kuo fakamalōlō’i fakataimi mei he ngāue koe tukuaki’i ki he ngaahi hia na’a nau fakahoko.
Ko e ‘ofisa polisi fakamuimui ke fakamalōlō’i na’e hoko ia ‘i he uike ni makatu’unga ‘i he’ene konā pea fakahoko ‘a e ngaahi to’onga ‘oku tukuaki’i koe pe 'oku natula hia.
Kuo ma’u foki mo e fakamatala mei he Potungāue koe konga ‘eni ‘a e feinga ‘a e Minisitā mo e Komisiona Polisi ke fakapapau’i ‘oku fai totonu ‘e he kau ‘ofisa polisi honau fatongia fakatatau ki he lao.
‘Oku kau ‘eni ia he ngāue lelei lahi pea ‘oku ‘i ai mo e faka’amu ‘e hokohoko pehe ai pe ‘o ‘ikai ngata pe he kau ‘ofisa polisi kae hoko atu kiate kinautolu kuo tukuaki’i ki he ngaahi hia mafatukituki ka ‘oku te’eki mahino pe kuo fai ha ngāue kiate kinautolu.
Ko e faka’ilonga leva ia ‘o e pule lelei mo e ngāue ‘a e lao pea ke tatau ki he tokotaha kotoa pe..
1 comment
-
Ka 'e feefee 'a e tuku fakatafa'aki 'a e lao 'e he Palemia mo e kau minisitaa ? 'Oku 'ikia nai ko ha maumau lao ia ? 'Oku kei mama'o ke tau ofi ki he sai he 'oku te'eki ngaue 'a e lao ki he kau ma'olunga, kamata pe eni mei he fo'i kakaa 'a e PM mo e kau memipa Fale alea na'a nau fakahaofi 'a Lavulavu. K
o e me'a ia ko e tukufakatafa'aki ka e fai honau loto. Pea 'e fefee ai ha'atau falala ki he te u liliu konisitutone kuo talaki. 'E kei fai ai pe 'a e tauhi vaa ia mo e fakapone kapau te nau a'u 'o memipa he Privy Council.