Ikuna ‘eke ‘a Lord Lasike ki hono fakamalolo’i ia mei he Sea Fale Alea 2012 Featured
Lord Lasike
3 Fepueli, 2017. Kuo tali ‘e he Fakamaau’anga Lahi ‘i ha tu’utu’uni tohi ‘a e Tu’i Fakamaau Lahi Owen Paulsen 'i he ‘aho 2 Fepueli 2017 ‘a e ‘eke ‘a Lord Lasike fekau’aki mo hono fakahifo ia mei he lakanga Sea ‘o e Fale Alea ‘i he 2012.
Na’e fakamalolo’i foki ‘a Lord Lasike mei he lakanga Sea ‘o e Fale Alea ‘o Tonga ‘i Siulai 2012 hili ha’ane mo’ua $500 ‘i he Fakamaau’anga Lahi ki he tauhi ha mahafu ta’e fakalao 'i ha tu'utu'uni 'a Fakamaau'anga lahi 'i he 'aho 9 Siuai 2012.
Ko e mo’ua foki ko’eni na’e laka hake ‘a e tautea ngaue popula ‘i he ta’u ‘e 5 ‘a ia na’e pau ai ‘o fakatatau ki he Konisitutone ke mole ‘a e hingoa Nopele tukufakaholo ko e Lasike pea fakahifo ai ia mei hono lakanga Sea ‘i he Fale Alea ‘o Tonga 'i he 'aho 17 Siulai 2012.
Ko e fakahifo ko'eni 'o Lord Lasike mei he lakanga na'e fakafou mai ia 'i ha tohi mei he 'Ofisi Palasi 'i he 'aho 17 'o 'Okatopa 2012 'o fakatatau mo e faka'uhinga ki he mafai faka-Konisitutone 'o 'Ene 'Afio.
Na’e tangi ‘a Lord Lasike ki he Fakamaau’anga Tangi pea ‘i he mahina ko ‘Okatopa 2012 na’e tu’utu’uni ‘e he Fakamaau’anga Tangi ‘oku tonuhia ‘a Lord Lasike.
Na’e fakahoko ai ‘a e ‘eke ko’eni ‘e Lord Lasike pea a’u ai ki he tu’utu’uni ko’eni ‘a e Tu'i Fakamaau Lahi Owen Paulsen 'i he Fakamaau’anga Lahi na’e ‘ikai fakalao hono fakahifo ‘o Lord Lasike mei he lakanga Sea he Fale Alea ‘o Tonga.
Na’e toe tu’utu’uni foki ke totongi huhu’i ‘a e veahenga ki he taimi na’e malolo ai ‘a Lord Lasike mei he lakanga ‘o lau mei he ‘aho na’e fakahifo ai ia ki he ‘aho na’e ngata ai ‘a e to’u Fale Alea 2010-2014.
‘Oku fakafufofua ki he pa’anga ‘e 250,000 ‘a e vahenga ko’eni ke totongi kia Lord Lasike pea tanaki atu kiai mo e totongi tupu (interest) ‘o lau mei he ‘aho na’e fakamalolo’i ai ia.
Na’e fakafofonga’i ‘a Lord Lasike ‘e William Clive Edwards Sr pea Sione Sisifa ma’a e Kalauni.
4 comments
-
Oku totonu ke totongi e hai e 250,000 ki a Lasike? E he tokotaha na'a ne fai e tu'utu'uni taefakalaó pe Falealea?
Kaekehe, Ko e ngulungulu feiumu pe hhhhhh -
Ikai keu 'ilo pe koeha 'oku toki ma'u ai e result 'o e 'u 'eke kotoa he Pule'anga 'o 'Akilisi? Matamata na 'oku mea'i pe 'e he kau Fakamaau ko e Pule'anga tu'umaalie eni.
Kaikehe mapuni ai pe ho'o no au he Bank he fu'u fo'i pa'anga koena e! -
Koe puleanga oe Aho koia, na'a nau fkhoko ae fai tu'utu'uni pea taha eni ha me'a fkma he Falealea o Tonga.
Kuo ha ae Fale'i Fklao ae Pulesnga ihe aho koia ?
Fu'u si'isi'i ae compensation! ! .Mole hono Ngeia, ng monu'ia kehe mei he Lakanga Sea.
Oku fiema'u ehe Kakai ha Hou'eiki pehe ni ke fkfofonga Falealea. Tali mai 2018 -
Talamonu atu Eiki Nopele Lasike.. ta na'a ke nofo ai pe koe o malolo he na'a ke 'ilo teke tu'umalie mei he kau fakaehaua ko 'eni e ..
Ofa atu