Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...

Ke foaki ‘e he Pule’anga konga ‘o e mala’e tapulu ma’ae kau va’inga Mate Ma’a Tonga Featured

Talēkita ‘o e kautaha ko e Meletoni Fresh Fruits ‘Etoni Afu Talēkita ‘o e kautaha ko e Meletoni Fresh Fruits ‘Etoni Afu

21 Nōvema, 2017. Kuo fakahā ‘e he talēkita ‘o e kautaha ko e Meletoni Fresh Fruits ‘Etoni Afu 'a e anga 'ene fakakaukau mo 'ene tui 'oku totonu ke foaki ‘e he Pule’anga Tonga ‘a e konga ‘o e mala’e tāpulu ‘i Popua ma’a e kau va’inga ‘a e Mate Ma’a Tonga.

Ko hono fakahā ‘eni ‘e ‘Etoni Afu ki he ongoongo ni ‘i he pongipongi ‘o e ‘aho ni mo ‘ene faka’amu ke a’u atu hono le’o ki he kau ma’u mafai 'i he funga 'ene fakakaukau tau'ataina pea 'oku makatu'unga pe 'eni 'i he'ene fiefia mo e mamahi'i fonua.

Ko e kautaha Meletoni Fresh Fruits foki ‘oku nau kau 'i he taaimu’a hono siponisoa fefeka ‘a hono fakamafola mai ‘o e ngaahi va’inga ‘a e Mate Ma’a Tonga ke mamata kiai ‘a e kakai ‘o e fonua ‘i he lolotonga ko’eni ‘a hono tau’i ‘o e ipu ‘a mamani ‘i he mala’e ‘akapulu liiki.

Fakatatau ki he fakamatala ‘a ‘Etoni Afu, ‘oku ne tui 'oku totonu ke foaki ha konga ‘apikolo ki he tokotaha kotoa ‘o e kau va’inga Mate Ma’a Tonga ke fakahounga’i ‘aki ‘enau mateaki’i ‘a e fonua he ‘oku mahino mai ‘e ‘ikai malava ‘e he fonua ke totongi fakapa’anga kinautolu neongo ko'enau pole pe kenau si'i foki mai 'o fakafofonga'i 'a honau fonua tupu'anga mo 'enau matu'a.

‘Oku tui 'a ‘Etoni Afu ko e feitu’u lelei taha 'i he anga 'ene fakakaukau ke to’o mei ai ‘a e ngaahi ‘apikolo ko’eni ko e mala’e tāpulu ‘i Popua he koe 'elia 'oku taumu'a ki he sipoti.

‘I he hoko atu ‘a e fakamatala ‘a ‘Etoni Afu ‘a ia ‘oku ne fefolau’aki pe ‘i he vaha'a 'o Tonga ni mo Nu’usila ‘i he’ene pisinisi ‘oku ta’e hano tatau ‘a ‘enau ongo’i ‘enau laukau ‘aki honau Tonga ‘i he lavame’a ‘a e timi Mate Ma’a Tonga pea ‘oku totonu ke fai ‘e he fonua ha me’a ke faka’ilonga’i’aki.

"Kapau ‘e foaki ‘a e konga ko’eni ke takitaha langa ai ‘a e kau va’inga Mate Ma’a Tonga he 'oku 'i ai 'enau pa'anga tenau toe lava kenau ‘omai ha kau ‘inivesitoa mei muli 'o ngāue'aki honau tu'unga 'iloa 'i he sipoti ke tokoni ki hono fakalakalaka’i ‘a e ‘elia ko’eni pea toe fakalakalaka'i 'o fakataumu’a foki ki he ngaahi sipoti kehe pe pe kau ai pe moe tāpulu," ko e lau ia 'a 'Etoni Afu ki he ongoongo ni.

‘Oku tui a ‘Etoni Afu ‘oku tau’atāina pe ke ‘oatu ‘ene fakakaukau he ‘oku ‘alu ma’u pe ‘o mamata ‘i he tau 'a e Mate Ma’a Tonga ‘i Nu’usila pea ‘oku ne ongo’i ‘e ‘ikai malava ke totongi faka-pa’anga ‘a e lavame’a mo e mateaki ‘a ‘etau fanau Mate Ma’a Tonga ma’a e fonua pea.

Na'e faka'osi 'aki 'e 'Etoni Afu 'a 'ene faka'amu ke fakamahino 'oku mole ke mama'o ha toe 'uhinga kehe ki he'ene fokotu'u ka koe anga pe 'ene fakakaukau 'i he funga 'o 'ene fiefia 'i he lava me'a 'a e Mate Ma'a Tonga pea 'ave ai 'a e fonua ki he langilau.

 

4 comments

  • sam
    sam Wednesday, 22 November 2017 10:27 Comment Link

    Fakaofoofa e fokotuu fakakaukau ia pea mo hoo ngaahi poupouu kae kataki pe oku ikai hoko ia ketau kolosi ai tautolu he mea a e puleangaa....tukuange aa foki ke fai e vaingaa pea tauataaina e fanauu pea tuku ki he puleangaa kenau fakahoungai katau fai pe e kitautolu e mea oku tau lavaa koe lotu moe poupou.
    Ka pehee mai e puleangaa he taimi ni tenau foaki e $$$ ne tanaki maae sipotii maae MMT pea ikai ketau ikuna e ipuu ikai ko etau toe hanga hake o kailangakii kinautolu koe fakavalevale moe hafua.Ko ia ai tau kataki o tuku e mea a Sisa kia Sisa pea tuku e mea atautoluu kia kitautolu pe.
    Fakamonuuia atu MMT e teu vainga he tokonaki ko enii moe toenga e tournament....ki he fainolo mo e Fiji Bati ai pe.

    Report
  • Feiloaki Ofa
    Feiloaki Ofa Wednesday, 22 November 2017 09:30 Comment Link

    'Oku kau 'eni he fakakaukau malie pea neongo koe ha'u volunteer mai pe 'etau fanau ke fakafofonga'i 'a Tonga ni ka 'oku 'iai pe moe fatongia 'o e fonua ke fakahounga'i.

    Report
  • Pilitauhala Nonu
    Pilitauhala Nonu Tuesday, 21 November 2017 17:33 Comment Link

    Ko e anga 'ena 'a e fakakaukau 'a 'etoni pea 'oku 'iai 'ene totonu kiai. Malie lahi 'a e fokotu'u ia 'a 'Etoni pea 'oku 'iai moe ngaahi poini mahu'inga ai.

    Report
  • Nepote T
    Nepote T Tuesday, 21 November 2017 16:03 Comment Link

    'Ai o lisi miliona atu ki tu'a ke ma'u ha seniti a e fonua, he e fiemau ha fuu kautaha malohi ia ke omai o toe taaki ke to'o e kemikale kona i lalo kae lava o ke ai fakalelei. Fakaofa e fanau MMT ia mo honau ngaahi famili.
    Sioatu ki he PM mo hono kau poupou enau anga'ifaikehe ko e lahi enau kaitunu he feitu'u kona ni.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top