Fakafo’ou ‘o e Tapuni Fakataputapui Fakafonua Featured
3 'Epeleli, 2020. Kuo tu'utu'uni 'e he Palemia 'o fakatatau ki he kupu 36 mo e 37 ‘o e Lao ki hono Pule’i ‘o e Me’a Fakafokifa 2007 ke toe fakafo’ou ‘a e Fakataputapui Fakafonua ‘o e ‘aho 26 Ma’asi 2020 ke ngaue’aki ki he kotoa ‘o e fonua mo e ngaahi potutahi ‘o Tonga.
'I he'ene pehe leva 'e hoko atu 'a e Fakataputaui ‘o kamata ngaue’aki mei he 1:00 pongipongi ‘o e ‘aho Sapate 5 ‘o ‘Epeleli 2020 ki he 1:00 pongipongi ‘o e ‘aho Sapate 12 ‘o ‘Epeleli 2020, tukukehe ka toe fakafo’ou.
'I he'ene pehe leva kuopau ke fakahoko 'a e ngaahi tu'utu'uni ko'eni;
(1) Kuo pau ke hoko atu hono ngaue’aki ‘o e ngaahi tu’unga mo e ngaahi makatu’unga ‘o e Fanongonongo Tapuni Fakataputapui Fakafonua ‘o e ‘aho 26 ‘o Ma’asi 2020.
(2) Kuo pau ke tanaki ‘a e ngaahi ngaue ko eni ki he Tepile A ‘o e Fanongonongo Tapuni Fakataputapui Fakafonua ‘o e ‘aho 26 ‘o Ma’asi 2020 'a ia koe ngaahi me'a ia 'e fakangofua 'o fakaua kiai 'a e;
(n) Kau fakamaketi mo e ngaahi maketi fe’ave’aki ‘i he ngaahi kolo (ngoue mo e toutai);
(o) Ngaahi ngaue hü atu ki muli ‘o e ngoue mo e toutai;
(p) Ngaahi poloseki langa lolotonga;
(q) Fefononga’aki tahi ‘i loto ‘i he Ngaahi Tukui Motu ‘o Ha’apai;
(r) Fefononga’aki tahi ‘i loto ‘i he Ngaahi Tukui Motu ‘o Vava’u;
(s) Fefononga’aki tahi ‘i loto ‘i he Ngaahi Tukui Motu ‘o Niua; mo e
(t) Kotoa ‘o e Kau Fakafofonga Lao ‘oku ‘i ai ‘enau ngaahi hopo felave’i mo hono maumau’i ‘o e Lao ki hono Pule’i ‘o e Me’a Fakafokifä 2007 pe Lao ki he Mo’ui ‘a e Kakai 2008.
(3) Kuo pau ke kamata ngaue’aki ‘a e palakalafi –si’i (n) ‘i he ‘aho Tokonaki 4 ‘o ‘Epeleli ‘i he 1:00 pongipongi.
(4) Kuo pau ke kamata ngaue’aki ‘a e palakalafi –si’i (o) ki he (t) ‘i he ‘aho Monite 6 ‘o ‘Epeleli 2020 ‘i he 1:00 pongipongi.
Ko e tu'utu'uni ki hono fakafo'ou 'o e Fakataputapui Fakafonua na'e fakahoko ia hili 'a e fakataha 'a e Kapineti 'a 'Ene 'Afio 'i he hooua efiafi 'o e 'aho ni.
