Ne ma'u faingamalie 'a e ongongo 'a e Nepituno ke fakahoko ha faka'eke'eke makehe mo e 'Eiki Minista Maloloo ki he Fakamaau'anga William Clive Edwards  ka koe mataotao 'i he mala'e 'o e Lao mo e Ngaue Faka Fakamaau'anga fekau'aki moe tohi kuo fakahu atu 'e he Palemia Samiuela 'Akilisi Pohiva ki he 'Ateni Seniale Le'ole'o 'Aminiasi Kefu fekau'aki mo ha'a ne ta'efiemalie ki he Tu'utu'uni 'a e Fakamaau'anga Lahi fekau'aki mo e Hopo 'a e 'Eiki Nopele Tu'ilakepa.

Na’a ku fanongo ‘i he taimi pongipongi ‘aho Monite ko hono 19 ‘o Sanuali 2015 fakafuofua ki he taimi ‘osi si’i nai e fitu ki hono faka’eke’eke ‘o ‘Akilisi Pohiva ‘i he letioo ‘a Katalina Tohi 89.5 FM fekau’aki mo ‘ene hanga ‘o fakanofo ‘a e taha ‘o ‘ene kau Minisitaa pea na’e tukuaki’i e Minisitaa ko ‘eni koe fekau’aki mo e fefine.

‘Oku ou faka’apa’apa mo kole ki he feitu’una ke angalelei kae ‘omai mu’a ha’o tali ki he ngaahi fehu’i ko ‘eni ‘oku ha atu ‘i lalo.