Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Tatau 'o e tohi fehu'i 'a 'Eliesa Fifita ki he 'Eiki Palemia Featured

Eliesa Fifita Eliesa Fifita

‘Oku ou faka’apa’apa mo kole ki he feitu’una ke angalelei kae ‘omai mu’a ha’o tali ki he ngaahi fehu’i ko ‘eni ‘oku ha atu ‘i lalo.

Koe’uhi ‘i he ngaahi ta’u lahi ho’o ngaahi ngaue fakapolitikale na’a ke taukave’i mamafa ai ‘a e kaveinga ‘o e ‘ata ki tu’a (transparent ) ‘a e fai fatongia ki he kakai ‘o e fonua. Ko e ha ‘a e ‘uhinga ne fai fakapulipuli ai ‘a e paloti ki he fili Palemia? Kapau ko e tu’u pe ia ‘a e lao ‘oku ngofua ko e ha ne ‘ikai teke taukave’i ai ke fai he founga ‘oku ‘ikai ke fakapulipuli ‘o hange ko ia ‘oku ke fa’a malanga ‘aki ki he kakai ‘o e fonua?

Na’e ‘iai ha kaunga ‘o e fai fakapulipuli ‘o e paloti keke ikuna ai ‘a e fili palemia?

‘Oku ke taukave’i mamafa ‘a e pau ki he kau taki kenau ‘ulungaanga ma’a. Ko e ha ‘a e ‘uhinga kuo ke foaki ai ‘a e taha ho’o ngaahi Port Folio ki he taha ho’o kau Minisitaa hili ko iaa ‘oku ke ‘osi mea’i lelei pe ‘oku lolotonga ngaue ‘a e fefine ‘i he potungaue ko ‘eni ki he Minisitaa ko ‘eni pea ‘oku ‘iai ‘a ‘ena fanau ‘e toko tolu pea ‘oku na lolotonga nonofo pe te’eki kena mali? Ko e ha ‘oku ke fakangofua ai ‘a e ngaahi me’a ko ‘eni ke hoko hili ko iaa ko e ngaahi me’a ‘eni ‘oku ke taukave’i pea ke loto ke ta’ofi?

Na’e ‘iai ‘a e ongo Minisitaa ‘i ho’o kau Minisitaa na’e fai e ngaue kiate kinaua koe’uhi ko e tukuaki’i ki he corruption in the first degree koe ha ‘a e ‘uhinga ne foaki ange ai ‘a e Port Folio kiate kinaua? Ko e ha ‘a e tu’unga ‘oku ‘iai ‘a e case ko ‘eni hili ‘a e ngaue ‘a e ongo ‘atita tau’ataaina ki he fakatotolo na’a na fai?

Na’a ke taukave’i mamafa ke ‘oua ‘e fakafamilii’i pe fai filifilimanako ‘a e ngaahi ngaue ‘a e pule’anga ‘i he ngaahi ta’u kuo hili ka ‘i he ‘aho ni kuo ke Palemia pea kuo tuku e ngaahi me’a ia na’a ke fa’a taukave’i ka ke fai ‘e koe ‘a e me’a kehe ‘aia ko ho’o fakangofua ho foha Po’oi Pohiva kene hoko ko e PA-Personal Assistant kiate koe ‘o ngaue fakataha pe mo koe ‘i he ‘ofisi ‘o e palemia. Kuo ha e tuku e ‘ai pone mo e fakafamili’i e ngaue ia? Fefe ‘a e conflict of interest? Ko e ha kuo kehe ai ‘a e ngaahi me’a na’a ke taukave’i ‘i he kuohili mo e ngaahi ngaue ‘oku ke fakahoko ‘i he lolotonga ni mo e ‘aho ni? Na’e ‘uhinga pe koaa ho’o taukave’i mo kikivoi hono talaki ‘o e ngaahi me’a ko ‘eni keke ma’u ai ‘a e tu’unga palemia ka ‘oku ‘ikai teke ngaue’aki ‘e koe ‘a e ngaahi tefito’i tui ko ‘eni?

Ko Hon. Fe’ao Vakataa ‘i he hopo lau’ikovi’i ‘i he vaha’a ‘o e pule’anga motu’a ‘o Tu’ivakano pea mo Solomone Palu na’a ke kole ki he fakamaau’anga ke fakakau e ngaahi e-mail ‘a Fe’ao mo e fefine ‘osi mali mei Nu’usila ‘i he hopo ko ‘eni pea na’a ke ‘ilo ‘oku ta’efe’unga e tokotaha ko ‘eni ki he lakanga Minisitaa ka ko e ha ko aa ‘oku kei foaki ange ai ‘a e Port Folio ki he tokotaha ko ‘eni? ‘Oku ke mea’i lelei pe ‘a e ngaahi me’a ko ‘eni ka ko e ha koaa ‘oku ke fakangofua ai ho pule’anga ke ngaue ai e kakai ko ‘eni? Ko koe pe ‘eni ‘oku ke taukave’i e faitotonu, ‘ata ki tu’a, vahevahe taau mo e ngaahi alaa me’a pehe pea ko koe pe ‘eni ‘oku ke fihia lahi taha ‘i he ngaahi me’a kovi ko ‘eni. Ko e ha ‘oku ke fakangofua ai e ngaahi me’a kovi ko ‘eni ke hoko kiate koe ‘osi ko e me’a ‘eni ‘oku ke taukave’i?

Ko e ki’i motu’a Minisitaa ia ‘e taha ne tu’utu’uni e fakamaau’anga kimu’a he fili ‘i he ta’u kuo ‘osi 2014 ke hiki mei he Tonga National Centre koe’uhi ko e ta’u e 5( nima ) ne ‘ikai kene totongi ‘e ia ha seniti ‘e taha ki he pule’anga ‘o hange ko e aleapau na’e fai mo iaa pea ne to e fokotu’u ‘apiako foki ia he senitaa ka ne toki ‘ilo pe ia kimui na’e kau hono toe foaki ange ‘a e senitaa ki he motu’a ko ‘eni ‘i he ‘uhinga ne fili ‘iate koe keke hoko ko e palemia. Ko e mo’oni ‘a e talanoa ‘oku ou lave ki ai ‘i ‘olunga? Kapau ‘oku mo’oni e me’a ko ‘eni ko e ha ‘a e ‘uhinga ‘oku ke fakangofua ai e me’a ko ‘eni ke hoko?

Kapau ‘oku ke kei tui ‘oku totonu ke ‘oua ‘e fakapulipuli’i ha me’a kae ‘ata ki tu’a ho’omou faifatongia ko e ha ‘oku ‘ikai ke pulusi ai ho’omou MOU ke ‘ilo ‘e he kakai fakataha mo e ngaahi condition ne mou felotoi ki ai.

Ko ‘eku ‘amanaki ia mo ‘eku faka’amu keu ma’u ha tali meiate koe ki he tohi fehu’i ‘oku ou fai atu.

 

Faka’apa’apa atu.

____________________.

‘Eliesa Fifita Tufuenga Kolomotu’a.
CC- KANIVA NZ
CC- A3Z
CC- TALAKI
CC- NEPITUNO MEDIA WEBSITE

Leave a comment

Make sure you enter all the required information, indicated by an asterisk (*). HTML code is not allowed.

back to top