Loi fakamatala Palēmia fakataimi 'Akilisi Pohiva 'i Ha'amoa? Featured
toTohi ‘a e Palēmia fakataimi ‘Akilisi Pohiva ki he Tokoni Palēmia Siaosi Sovaleni mo e Minisitā Pa’anga Tevita Lavemaau ‘o fakahā kuo ne ‘osi fokotu’u ki he Tu’i ke fakamalōlō’i kinaua
5 Sepitema, 2017. Kuo tukuange mai ki he mītia ‘a e ongo tohi ‘a e Palēmia fakataimi ‘Akilisi Pohiva ki he Tokoni Palēmia Siaosi Sovaleni mo e Minisitā Pa’anga Tevita Lavemaau ‘o fakahā kuo ne ‘osi fokotu’u ki he Tu’i ke fakamalōlō’i kinaua.
Na’e toe faka’eke’eke mai pe foki ‘a e Palēmia ‘e he ngaahi kautaha mītia pea na’a ne fakahā kuo ne ‘osi fokotu’u ke fakamalōlō’i ‘a e ongo memipa Kapineti ko’eni pea fekau kena fakafisi.
Kuo ‘osi fakahoko foki mo e fakamavae ‘a e ongo Potungāue ‘a e ongo memipa Kapineti ko’eni mo kinaua pea kuo 'osi talitali 'a Pohiva Tui'onetoa ki he Potungāue Pa'anga pehe kia Poasi Tei ki he MEIDECC.
Na’e faka’ohovale ‘a hono fakahā ‘e he Palēmia ‘aneafi 4 Sepitema 2017 ‘i Ha’amoa lolotonga ‘a e fakataha ‘a e kau taki ‘o e Pasifiki na’e ‘ikai kene fakamalōlō’i ‘a e Tokoni Palēmia Siaosi Sovaleni mo e Minisitā Pa’anga Tevita Lavemaau.
Ko e me’a ’oku mahino mai moe ngaahi fakamo’oni ‘oku ma’u 'o kau ai 'ene ongo tohi ko'eni kuo sitapa'i faka'ofisiale pea fakamo'oni hingoa kiai ‘oku ‘ikai ke mo’oni ‘a e fakamatala ‘a e Palēmia fakataimi ‘Akilisi Pohiva ‘i Ha’amoa.
2 comments
-
He'ikai pe toe tuku e loi moe mio'i he koe me'a ia na'e fa'u'aki hono kakano. Sio ai pe a Tonga ki he fakama hotau 'imisi ki tu'apule'anga he fa'ahinga to'onga moe fakakaukau 'ae motu'a pm ko eni.
-
Fefe ke recommend leva ehe toenga ia e kau Minister ki he Tu'i ke fakangata mo e appointment ia o Akilisi he kuo fuu folahi aupito ene LOI.