Foaki tokoni ngaahi misini tuki kava ki he Vahefonua 'Eua

Ko e konga 'eni 'a e tokoni 'a e Potungaue Fefakatau'aki mo e Langa Fakalakalaka Faka'ikonomika ke fakaivia 'a hono tuki mo e teuteu atu 'o e kava ke hu atu ki he ngaahi maketi 'o tatau he fakalotofonua mo muli foki.

Fakatatau ki he me'a 'a e 'EIki Minisita 'oku mahino mei he fengaueàki à e Puleànga mo e ngaahi pisinisi tuki kava à ènau fiemaù ke hu atu e kava ki he ngaahi maketi fakafaitoò ì Amelika.

Ko e pole èni ki he Potungaue mo e Puleànga pea òku mahino à e ngaahi fiemaù à e maketi koèni è toe lahi ange mo e ngaahi fiemaù kehe ke fakakakato kimuà pea lava ke hu atu e kava ki he maketi fakafaitoò.

Ko hono lelei faka`ekonomika ki he fonua `e lahi `aupito ka `oku fiema`u ha inivesimeni moha poupou `a e Pule`anga ke fakaivia e ngaue ko`eni ke fakakakato e fiema`u `a e maketi ko`eni.

Na'e fakafofonga mai 'e Manase Siua 'a kinautolu na'e ma'u faingamalie he tokoni ko'eni 'a e fakamalo mo e hounga'ia mo'oni 'a e kau pisinisi tuki kava 'o 'Eua ki he Potungaue Fefakatau'aki mo e Langa Fakalakalaka Faka'ikonomika 'i he tokoni taimi totonu ko 'eni.

Na'e toe fakaha foki 'e Siua ko e toki a'usia 'eni 'e he kau ngoue kava ha tokoni mahu'inga 'i he 'elia ko'eni pea 'oku 'i ai 'a e 'amanaki lelei ki he fengaue'aki mo e Pule'anga 'i he kaha'u.