Fakafuakava’i ‘Eiki Minisitā Potungāue Mo’ui Hon. Dr. Siale ‘Akau’ola
12 Fepueli 2024. Kuo fakafuakava’i 'i Fale Alea he houa efiafi ‘o e ‘aho ni ‘a e ‘Eiki Minisitā fo’ou e Potungāue Mo’ui, Hon. Dr. Siale ‘Akau’ola.
Na’e tukupā ‘a e ‘Eiki Minisita fo’ou Hon. Dr. ‘Akau’ola ke talangofua mo’oni ki he’ene ‘Afio Tupou VI, ko e Tu’i ‘o Tonga pea ke ne tauhi e Konisitūtone ‘o Tonga.
Pea ke fakahoko ‘ene ngāue ki he ngata’anga ‘ene mafaí ki he lelei ‘a e Tu’i mo e fonuá.
Koe fili eni ‘o Dr. Siale ‘Akau’ola ki he lakanga Minisitā Mo’uí hili ‘a hono fakanofo ia ‘e he Tu’i ki he lakanga ni ‘o kamata lau mei he ‘aho 27 Sanuali 2024.
Ko hono fetongi eni ‘e Hon. Dr. ‘Akau’ola ‘a e 'Eiki Minisitā Mo’ui mālōlō Dr. Saia Ma'u Piukala kuo ne hoko atu ‘o faifatongia ko e Talekita Fo’ou Fakafeitu’u ‘a e Kautaha Mo’ui ‘a Māmani (WHO) ma’a e Feitu’u Hihifo ‘o e Pasifiki.
