Hala Kuini Elizabeth II 'o Pilitania Lahi
9 Sepitema, 2022. Kuo fakaha faka'ofisiale mei he Palasi Burkingham mei London 'i Pilitania 'a e hala 'a e Ta'ahine Kuini 'o Pilitania Kuini Elizabeth II.
Ko e hala 'eni 'a e Ta'ahine Kuini 'i Balmoral 'i hono ta'u 96 'i he taimi ho'ata 'o e 'aho ni 'i he taimi 'a Pilitania.
Na'e 'alo'i 'a Kuini Elizabeth II 'i he ta'u 1926 pea na'a ne hoko ki he taloni 'i hono ta'u 26.
Ko e pule faka Tu'i loloa taha 'eni 'i he hisitolia 'o Pilitania he koe hala 'eni 'a e Ta'ahine Kuini hili 'a e ta'u 'e 70 'ene 'i he taloni 'o Pilitania.
Na'e hoko 'a Kuini Elizabeth II ki he taloni 'i he a'u 1952 pea lolotonga 'ene pule kuo a'usia ai 'e Pilitania mo e ngaahi fonua Kominiueli 'a e ngaahi liliu lahi mo e fakalakalaka 'i he tapa kehekehe .o e mo'ui.
'Oku 'i ai 'a e fekau'aki makehe 'a Tonga mo Pilitania 'o 'ikai ngata koe ongo fonua 'oku fa'unga pule faka-Tu'i ka 'oku 'i ai 'a e va fengaue'aki fakatipilomeika kuo laka he ta'u 'e 100 hono motu'a.
