Fakafeta'i kuo tau hao meia Saikolone Keni Featured
11 'Epeleli, 2018. Ko e ongoongo fakafiefia ia ki he fonua 'a e mahino kuo mavahe atu 'a e Saikolone Fakatalopiki ko Keni pea kuo kaniseli foki 'a e fakatokanga afaa ko'eni ki Tongatapu mo 'Eua.
Neongo 'a e maumau na'e hoko ki he Falemahaki Niu'eiki 'i 'Eua ka na'e 'ikai ha mo'ui 'e mole pea ko hono fakakatoa kuo tau hao mei he ta'au 'o e matangi ko'eni.
Kuo hoko foki 'a hono 'ahia 'e Gita mo e fakaofiofi mai 'a Keni ki Tongatapu mo 'Eua ke toe tesi ange ai 'a e mateuteu 'a e fonua ke talia 'a e ngaahi fakatamaki fakaenatula pehe ni pea 'oku ne 'omai 'a e ngaahi lesoni ke ako mei ai 'a e fonua.
Kuo foki 'a e fonua 'o nomolo kae tautautefito ki Tongatapu pea mo 'Eua pea 'oku tau fakafeta'i ai foki.
