'Ulungia 'Ikale Tahi 'i Irerland 59-16
17 Sepitema, 2023. Na'e fakamahin 'e he timi hau 'a 'Ailani ko kinautolu 'oku fika 'uluaki 'i he fakahokohoko 'o e ngaahi timi 'akapulu 'Iunioni 'a mamani 'aki 'enau ikuna 'a e 'Ikale Tahi 'aki 'a e kai ko e 59 ki he 16.
Ko e fetaulaki foki 'eni 'a e ongo timi 'i he hengihengi 'o e 'aho ni 'a ia koe Pool B ia 'i he fe'auhi ki he Ipu 'a Mamani 'i he mala'e 'akapulu 'Iunioni.
Na'e mahino pe foki 'i he fetaulaki ko'eni 'a e tu'unga ma'olunga ia 'oku 'i ai 'a 'Ailani pea mo e fakafepaki na'e fakahoko 'e he timi 'a e 'Ikale Tahi na'e 'ikai fe'unga ke matu'uaki 'a e mafi moe mateuteu 'a e timi hau ni 'i he mala'e Stade de la Beaujoire in Nantes 'i Falanise.
Koe fuofua va'inga foki 'eni 'a e 'Ikale Tahi pea 'oku kau mai foki ki he Pool B 'a South Africa, Scotland, Ireland kae pehe ki Romania.
Na'e fakahoko foki 'e Ireland 'a fo'i tata'o 'e 8 mo e 'akatautea 'e 1 ki he tata'o 'e 1 mo e 'akatautea 'e 3 'a e 'Ikale Tahi.
'I he fakamatala 'a e Faiako 'a e 'Ikale Tahi Toutai Kefu, koe va'inga ni na'e matu'aki mahino 'a e lelei ange 'a 'Ailani 'i he tafa'aki kotoa pea koe ako lahi ia ki he 'Ikale Tahi 'i he hoko atu ki he toenga 'o e fe'auhi.
