Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...

Fakahāloto kainga Tonga ‘Aokalani 'i hono kaiha’asi ‘o e ikuna mei he Mate Ma’a Tonga Featured

Fakahāloto kainga Tonga ‘Aokalani 'i hono kaiha’asi ‘o e ikuna mei he Mate Ma’a Tonga

27 Nōvema, 2017. Na’e laungauea ‘a e kainga Tonga na’a nau fakatefua hake ki he loto kolo ‘o ‘Okalani 'ane afi Sapate ko hono 26 'o Nōvema  ‘o fakahoko ‘a e fakahāloto fekau’aki mo ‘enau ta’efiemalie ki he tu’utu’uni ‘a e fakamaau ‘i he semifainolo ‘a Tonga mo ‘Ingilani.

Na’e iku laka foki ‘a e kakai ko’eni ‘i he hala Queen Street ‘i loto ‘Okalani mo nau hiva himi pea ke fakahā ki mamani mo e Komiti ‘Akapulu Liiki ‘oku nau fakalele ‘a e Ipu ‘a Mamani ‘a ‘enau ta’efiemalie ki he tu’utu’uni ‘a e fakamaau ‘i he va’inga ni.

Fakatatau ki he ngaahi fakamatala ‘i he mītia faka-sosiale, ‘oku lolotonga ngāue foki ‘a e kau loea Tonga mo e kau mau mafai ‘i Tonga ni ‘o taki ‘e he loea Tonga ko Nalesoni Tupou pehe ki he Palesiteni ‘o e Kautaha Liiki ‘a Tonga Semisi Sika ke ‘oatu‘a e le’o ‘o e kau poupou ‘a e Mate Ma’a Tonga pehe ki he Komiti Liiki ‘a Tonga mo e timi foki fekau’aki mo e me’a ni.

‘I he taimi tatau kuo fakaha faka’osiale ‘e he Palesiteni ‘o e kau fakamaau ‘i he fe’auhi ipu 'a mamani Tony Archer ‘a ‘ene poupou ki he tu’utu’uuni na’e fakahoko ‘e he fakamaau ‘i he va’inga ni Matt Cecchin.

Ko e fo’i poupou koia ‘oku ne toe tafunaki ‘a e loto mamahi ‘a e kau poupou ‘o e Mate Ma’a Tonga pea ‘oku hokohoko ai pe ‘a e feinga ke fakahoko ha fakatonutonu fekau’aki mo e me’a ni.

‘Oku te’eki foki ke fu’u malona hifo ‘a e hoha’a ‘a e kakai mo e kau poupou ‘o e timi Mate Ma’a Tonga neongo ko e tokolahi taha na’a nau fiefia he tu’unga ma’olunga kuo a’u kiai ‘a e Mate Ma’a Tonga.

Leave a comment

Make sure you enter all the required information, indicated by an asterisk (*). HTML code is not allowed.

back to top