Menu
cache/resized/c1d7347f32fea599f55f08e27a9cd901.jpg
'Oku lahi 'a e ngaahi 'uhinga fekau'aki mo e ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

‘Amanaki tu’uta mai Ama ‘o e Sipoti Komoniueli ki Tonga Featured

Koe ama 'o e Siooti Kominiueli mo e Kuini 'o Pilitania 'a ia koe 'Ulu ia 'o e Kominiueli Koe ama 'o e Siooti Kominiueli mo e Kuini 'o Pilitania 'a ia koe 'Ulu ia 'o e Kominiueli

2 'Okatopa, 2017. Kuo fakapapau’i mei he ‘Ofisi ‘o e Komiti Sipoti Fakafonua mo e ‘Olimipiki ‘a Tonga (TASANOC), ‘e tu’uta mai ‘a e Ama ‘o e Sipoti Komoniueli (pe ‘oku ‘iloa pe ko e Queen’s Baton Relay) ‘i he ho’ataa ‘o e ‘aho Falaite 17 ‘o Novema.

Kuo fokotu’utu’u ai ‘e he ‘ofisi ha polokalama talitali ‘o e Ama ‘o fakahoko pe he mala’e vakapuna Fua’amotu kimu’a pea nau toki foki mai ki Nuku’alofa.

‘Oku ‘amanaki ai pe ke fakataufolofola ‘a e kau folau mo fakahoko ‘a e Ama ki he ‘Ena ‘Afifio he efiafi Falaite ai pe fakafuofua nai ki he taimi 4 efiafi. Kuo ‘osi fakahoko foki mo e fakaafe ki he Tama ko Tungi ke ne talitali ‘a e Ama ‘i he mala’e vakapuna Fua’amotu ‘o fakafofonga’i ‘a e hakotupu mo e kakai ‘o e fonua.

Kuo maau foki mo e fokotu’utu’u ki hono lelei’i ‘a e Ama ‘i he pongipongi Tokonaki, 18 ‘o Novema ‘o kamata eni mei he pausa ‘a e Kolisi Tonga (Ha’ateiho) ‘o fou he hala Taufa’ahau ki loto Nuku’alofa.

‘E afe ‘a e lele ‘i he mangafa ‘o e Positi ‘Ofisi ‘o fou faka-Hahake he Hala Salote ki Ma’ufanga ‘o afe ai he Hala ‘Alaivahamama’o (By-pass) ki he Hala Vuna.

‘E fononga mai ai ‘a e Ama he Hala Vuna ‘o faka’osi ki he Uafu ko Vuna ‘o fakahoko ai ‘a e ouau mo e polokalama faka’osi.

Kuo ‘osi ‘oatu foki ‘a e fakaafe ki he ngaahi Pisinisi pea pehee ki he ngaahi Komiti Sipoti Fakafonua mo e kau tangata’i fonua mo e fefine’i fonua sipoti ‘o Tonga ke nau kau hono lele’i ‘o e Ama lolotonga ‘ene ‘i Tonga ni.

Ko e fou mai eni ‘a e Ama he ngaahi fonua memipa ‘o e Komoniueli ke toki faka’osi ki he ‘Aositelelia ‘a ia ‘oku nau fakafoko ‘a e sipoti hono XXI ‘a e Komoniueli ‘i he Gold Coast ‘i he konga kimu’a ‘o ‘Epeleli ‘o e ta’u fo’ou (2018).

Leave a comment

Make sure you enter all the required information, indicated by an asterisk (*). HTML code is not allowed.

back to top