Ikuna 'e Junior Fa hau 'o Nu'usila he fuhu Featured
Junior Fa 'oku ne faka'ali'ali hono leta
20 Ma'asi, 2017. Kuo ikuna ‘e he matapule mei he Kolofahina mei Vava’u kae nofo Nu’usila ko Junior Fa ‘a hono fuofual leta he mala’e ‘o e fuhu polofesinale ‘aki ‘ene ikuna ‘a e hau ‘o Nu’usila (New Zealand Professional Boxing Association).
Ko ikuna ‘eni ‘e Fa ‘a e hau ‘o Nu’usila hili ia ‘ene maohi ‘i he‘ene fuhu takai 10 mo e tangata fuhu Nu’usila ko Daniel Tai.
Ko e sitepu mahu’inga foki ‘eni kia Fa pea na’e ‘amanaki foki ‘a e tokolahi ‘e tamate’i (knock out) ‘e Fa ‘a Tai ka na’e ‘ikai hoko foki’eni.
Na’e fakamatala foki ‘e Fa hili ‘ae fuhu ko’eni neongo ‘a e ‘amanaki hono kau poupou tene fakapa’ulu ‘a Tai ka ko Tai ‘a e tokotaha fuhu lelei taha kuo ne va’inga moia ‘i he’ene ngaahi fuhu ki mui ni mai.
Na’e akamatala foki ‘a Fa na’e vavaofi ‘a e taimi ‘o ‘ene fuhu mo Keith Barr ‘i Fepueli mo’ene fuhu ko’eni mo Tai pea na’e toki mahino pe foki ‘a e fuhu ko’eni he ‘aho nai ‘e ua pea toki fakahoko ‘a e fuhu.
‘Oku poletaki foki ‘a Fa kene a’u ki he tumutumu pea ‘oku ne kole ‘a e poupou ‘a e kakai mo e kau manako fuhu.
‘I he fakamatala ‘a Fa ‘oku ne loto kene ako ‘a e me’a fo’ou he taiami kotoa.
2 comments
-
Malie masi'i. 'Ofa atu moe lotu ki he visone ki he kaha'u.
-
Íkai maú ha lea feúnga ke fakahoko atu áki émau fiefia kií tamasií mei he Kolofahina, Kolomotuá mo e Tuá Koloa, tuetuetue!!! Ko e totoí Kaisa Siamane ia, ófa lahi atu pea ke faitapuekina ai pe hoó fononga!