Feinga Pule'anga ke kamata ngaue ki Teufaiva Featured
Pa'ake Teufaiva
14 Sanuali, 2017. Kuo fakaha 'e he Tokoni Palemia Siaosi Sovaleni 'oku 'amanaki ke fakahoko hano talaki pe koe fe 'a e kautaha tene kafahoko 'a hono fakalelei 'o Teufaiva Tonga's he uike kaha'u.
Ko e ngaue foki ko'eni 'oku 'amanaki fakahoko koe konga foki ia 'a e teuteu 'a e fonua ki he Sipoti 2019 pea kau lahi kiai mo e teuteu hono tali 'o e timi 'akapulu fakafonua 'a Uelesi 'oku 'amanaki kenau folau mai 'i Sune ki Tonga ni.
Kuo fuoloa ta'u mai foki 'a e 'ikai fakafiemalie 'a e tu'unga 'oku 'i ai 'a Teufaiva pea kuo laka hake he ta'u 'e 10 'a e 'ikai fe'unga ke fakahoko mai kiai 'a e ngaahi fe'auhi 'akapulu fakavaha'a Pule'anga.
'I he'ene pehe leva kuo pau ke fakahoko ha ngaue kiai ka 'oku faingamalie foki 'eni ko'ene 'alu fakataha moe teuteu 'o e Sipoti 'a e Pasifiki 2019 ' ia 'oku 'i ai leva ai 'a e tokanga makehe ki heni 'a e fonua.
'I he fakamatala 'a e Tokoni Palemia Siaosi Sovaleni na'a ne me'a 'o pehe 'oku ngaue lahi 'a e Pule'anga ke fakahoko 'a e ngaue ko'eni.
Na'a ne toe me'a foki 'oku faka'osi'osi 'a e ngaue ki he kautaha tene fakahoko 'a e ngaue fakalelei ki Teufaiva pea 'oku mau fengaue'aki mo e 'Union 'Akapulu 'a mamani pehe ki Uelesi ke 'ohake 'a e tu'unga 'o Teufaiva ki he tu'unga fakavaha'a Pule'anga.
Kuo tokoni mai 'aki 'e he Pule'anga Nu'usila 'a e pa'anga 'e 1.4 Miliona 'Amelika pea kuo 'i ai foki 'a e femahino'aki mo Papua New Guinea ke nau tokoni 'i hono teuteu'o Teufaiva ki he Sipoti 'a e Pasifiki 2019.
