‘Ulungia ‘Ikale Tahi ‘i Fisi 23-18 Featured
Ben Volavola on attack for the Vodafone Flying Fijians side against Tonga in the World Rugby Pacific Nations Cup in Suva.
13 Sune, 2015. Ko e ‘ulungia fakamamahi ia ki he timi ‘a e ‘Ikale Tahi ‘a hono toki hamusi ‘a e malohi mei honau ‘aofinima ‘i he miniti ‘e 6 faka’osi ‘o e va’inga.
Na’e taki foki ‘a e ‘Ikale Tahi he malōlō ‘a e va’inga ‘aki ha kai ko e 15-0 'i ha fepaki fakaholomamata 'i he pa'ake ANZ 'i Suva, Fiji 'i he efiafi Tokonaki 11 Sune 2016 'a ia ko e Tokonaki ia 'o e uike kuo 'osi.
‘Oku mahino foki ko e timi ‘Ikale Tahi na’e fakahoko hono siofi mo e teuteu lelei kiai ‘a e timi ‘a Fisi he na’e mahino mei kamata ‘a e va’inga ‘a e faka’ohovale ‘a hono tataki lelei ‘e he timi ‘Ikale Tahi ‘a e va’inga pea fakahoko ai ‘e he Haafe ‘a Tonga Sonatane Takulua ‘a e tata’o mo e ngaahi ‘aka tautea ‘o taki ai ‘a Tonga ‘i ‘osi ‘a e konga ‘uluaki.
Na'e toki fakahoko ‘e he peleki’auei ‘a Fiji Eremasi Radrodro ha tata’o ‘i he toe miniti ‘e 6 pea ‘osi ‘a e taimi ‘o ikuna ai ‘a Fisi ko e 23 ki he 18. Ko e takai ‘uluaki foki ‘eni ‘o e fe’auhi kualifai ki he Ipu ‘a Mamani 2019 pea ‘oku kei ‘i ai pe ‘a e ‘amanaki ki he ‘Ikale Tahi. Na'e fepaki foki he 'aho tatau 'a Georgia mo Samoa pea na'a na mahanga ko e tau'aki kai 19.
Fiji 23 (Tata'o 'a Ben Volavola, Neemia Soqeta, Eremasia Radrodro. Seremaia Bai: 'akahi tata'o 'e 1 'o hu mo e 'akatautea 'e 2)
Tonga 18 (Tata'o 'a Pila Iongi, mo Tane Takulua. Tane Takulua: 'akahi loua ongo tata'o 'o hu mo e 'akatautea 'e 2)
