Hoko 'a Faifekau Dr. Tevita Kolo'ia Havea ko e Palesiteni fo'ou SUTT Featured
Faifekau Dr. Tevita Koloa'ia Havea mo Faifekau 'Alifeleti 'Atiola
22 Sune. 2021. Kuo fili 'e he Konifelenisi Kakato 'a e Siasi Uesiliana Tau'ataina 'o Tonga 'a Faifekau Dr. Tevita Koloa'ia Havea kene hoko koe Palesiteni ia 'o e Siasi Uesiliana Tau'ataina 'o Tonga.
Ko hono fetongi 'eni 'e Faifekau Dr. Tevita Koloa'ia Havea 'a Faifekau Dr. 'Ahio 'a ia na'a ne hoko ko e Palesiteni 'o e Siasi talu mei he ta'u 2009.
Ko e fili ko'eni na'e fakahoko ia 'i he 'aho ni 22 Sune 2021 'i he Konifelenisi hono 97 'a e Siasi Uesiliana Tau'ataina 'o Tonga 'a ia 'oku lolotonga fakahoko ki he Vahefonua 'Eua.
Na' e hoko foki 'a Faifekau Dr. Tevita Koloa'ia Havea koe Sekelitali Lahi 'o e Siasi talu mei he ta'u 2009 pea ko 'ene hoko ko'eni koe Palesiteni fo'ou 'o e Siasi kuo fili leva 'e he Konifelenisi 'a Faifekau 'Alifeleti 'Atiola kene hoko koe Sekelitali Lahi ia 'o e Siasi.
Ko Faifekau 'Alifeleti 'Atiola ko e Puleako Lolotonga ia 'o e Kolisi ko Tupou.
