Fakahoko Konifelenisi 95 Siasi Uēsiliana Tau’atāina ‘o Tonga ki Ha’apai Featured
Falelotu SUTT Pangai Ha'apai
6 Siulai, 2017. Kuo lava lelei atu ‘a e Konifelenisi ‘a e hono 94 ‘a e Siasi Uēsiliana Tau’atāina ‘o Tonga pea na’e faka’osi ki he ‘aho 4 ‘o Siulai ki hono fakamanatu ‘a e ‘aho ‘alo’i ‘o e Tama Tu’i Tupou VI.
Ko e Konifelenisi fakamafana foki ‘eni mo fakafiefia pea kuo mahino mai foki mo hono tali ‘e he Konifelenisi Kakato ke fakahoko ‘a e Konifelenisi hono 95 ki he Vahefonua Ha’apai.
Kuo ‘ova he ta’u ‘e 10 hono ta’e fakahoko ‘a e Konifelenisi ‘a Siasi Uēsiliana Tau’atāina ‘o Tonga ki Ha’apai ka koe fakakoloa ‘eni ki he kainga Fo’i ‘One’one ‘a e ‘amanaki kenau talia ‘a e puha ‘o e fuakava ‘i he 2018.
‘Oku ‘ikai foki puli ke tapuaki ‘eni ki he kainga Ha’apai ‘o ‘ikai ngata ‘i he faka-laumalie ka ko e ngaahi lelei kehe ‘o kau ai ‘a e lelei faka-‘ikonōmika mo faka-sosiale tenau ave monu ai.
Ko e lelei mo e tapuaki ko’eni kuo toutou fakamo’oni kiai ‘a Tongatapu mo Vava’u foki.
