Tohi Fehu'i Hono Ua 'a 'Eliesa Fifita ki he Palemia
Kuo ma'u 'e he ongoongo 'a e Nepituno 'a e tatau 'o e tohi fehu'i hono ua 'a 'Eliesa Fifita 'o Kolomotu'a ki he 'Eiki Palemia Samiuela 'Akilisi Pohiva 'a ia na'a ne fakahoko 'eni 'i he 'aho 23 'o Sanuali 2015.
Fakatatau ki he fakamatala 'a 'Eliesa Fifita 'oku te'eki kene ma'u ha tali ki he'ene Tohi Fehu'i hono Ua pea 'oku ne kei fakaongoongo mo e faka'amu 'e fakahoko mai ha tali ki ai he vave taha. Na'e 'osi fakahu foki 'e 'Eliesa Fifita 'ene Tohi Fehu'i Fika 1 ki he 'Eiki Palemia 'i he 'aho 14 'o Sanuali pea kuo ne fakamalo'ia kuo 'osi fakahoko mai hano tali. "'Oku ou faka'amu ke vave pehe pe mo hano tali mai 'a e Tohi Fehu'i Fika Ua he 'oku mahu'inga lahi ke 'ilo ki ai 'a e kakai 'o e fonua" koe fakamatala ia 'a 'Eliesa 'i hano faka'eke'eke 'e he Nepituno.
Na'e paaki atu foki 'e he Ongoongo 'a e Nepituno 'a e tatau 'o e Tohi Fehu'i Fika 1 'a 'Eliesa Fifita pehe ki he tali ne fakahoko mai mei he 'Eiki Palemia Samiuela 'Akilisi Pohiva pehe ki he 'Eiki Minisita Lao Sione Vuna Faka'otusia.
'Oku fakapipiki atu foki heni 'a e Tohi Fehu'i Fika 2 'a 'Eliesa Fififta.
