Alea'i 'i he Fale Alea 'a e Fokotu’u ke Fakamaloloo’i ‘a e ‘Eiki Palemia
5 Sepitema, 2023. ‘Oku fakahoko he 'aho ni 'a e fakataha ‘a e Fale Alea ‘o Tonga ke alea’i ‘a e Fokotu’u ke Fakamaloloo’i ‘a e ‘Eiki Palemia, Hon. Hu’akavameiliku.
Ko e fokotu’u foki eni na’e fakahu mai ‘e he Fakafofonga ‘o e Kakai ‘o Tongatapu 5, Hon. Dr ‘Aisake Eke pea na'e fakamo'oni kiai mo e toko 9 kehe 'o fakatatau ki he tu'utu'uni ngaue 'a e Fale Alea 'o Tonga.
Na'e fakahu ki he ‘Ofisi ‘o e ‘Eiki Sea ‘o e Fale Alea, Lord Fakafanua, ‘i he ‘aho Falaite 1 Sepitema 2023 ‘a e Tali Tohi ‘a e ‘Eiki Palemia ki he ngaahi makatu’unga ‘o e Fokotu’u ko'eni.
‘Oku kamata he 'aho ni 'a hono lau ‘a e Fokotu’u ‘i Fale Alea kae pehe ki he Tohi Tali ‘a e ‘Eiki Palemia, pea toki hoko atu ki he feme’a’aki ‘a e Hou’eiki Memipa.
‘Oku fakamafola hangatonu atu ‘a e fakataha ko ‘eni ‘a e Fale Alea ‘i he tekinolosia (livestream) ‘i he peesi Facebook mo e YouTube ‘a e Fale Alea.
