Pooni me’angāue ‘a e Pule’anga ‘i Vava’u Featured
3 ‘Aokosi, 2017. Na’e fakahā ‘e he Ministā Pa’anga Malōlō Dr. ‘Aisake Valu Eke lolotonga ‘a e feme’aki ‘a e Fale Alea ‘i he ‘aho Mōnite 1 ‘Aokosi 2017 ‘a fiema’u ke fakatokanga’i ‘a hono pooni ‘e he kau ngāue ‘a e ngaahi me’angāue ‘a e Pule’anga.
Ko me’a foki ‘eni ‘a Dr. Eke lolotonga ‘a hono alea’i ‘a e Lipooti ‘a e Potungāue ‘Atita ‘a ia ‘oku hā ai na’e ‘i ai ‘a e me’angāue ‘a e Pule’anga na’e pooni ‘i Vava’u.
‘Oku mahino mei he feme’a’aki ko’eni koe me’angāue ‘eni ‘a e Potungāue ki he Ngaahi Ngāue Lalahi pea na’e fakatokanga ai ‘a Dr. Eke ki he felekeu ‘a e ngāue ‘a e Potungāue ko ‘eni ‘o kau ai ‘a e fiema’u ke palani mo ‘enau ngāue ki he tanu hala mo e ngaahi me’a kehe pe.
Na’e toe fakamamafa’i foki ‘e he Minisitā Polisi Mateni Tapueluelu ‘a e mahu’inga ke tokanga’i lelei ‘a e koloa ‘a e Pule’anga pea ne fakatātā ‘aki ‘a e ngaahi me’alele ‘oku tau fuoloa pe he ngaahi Potungāue ‘o ‘ikai maumau kae ‘ohovale pe kuo lele ia pea lēsisita palaiveiti ia.
'E malava pe ke faka'uhinga 'eni na'e pooni 'ehe kau ngaue ki tu'a pe ko hono matu'aki kaiha'asi pe ia 'e he kau ngaue ma'a kinautolu.
‘Oku mahino mai foki ‘oku fakahoko ‘a e ngaue ki hono pooni ko’eni ‘o e me’angaue ‘a e Pule’anga ‘i he Vahefonua Vava’u.
2 comments
-
Ka kuo fai ha me'a ki he 'u naunau fale (furiniture) 'o e hotele Dateline na'e tili ai e kau ma'olunga 'o e Pule'anga ? Fefe 'a e fu'u loli uta maka na'e 'ave 'e Lavulavu 'o fai'aki 'ene kemipeini tanu hala pea to ia ki tahi pea tutu. 'Oku fakalongolongo'i pe ia ?
K a'e fai koaa 'a fe hono tautea 'e 'Akilisi 'a Lavulavu ? -
Na kuo fa'ifa'itaki e kau ngaue fakapule'anga ia ki he Fakatau atu e u asset mo e shares a e Pule'anga ki tu'a, pea nau pehee 'e kinautolu kenau fakatatau ee.