Hokohoko lelei hono tokoni’i ‘e he Pule’anga Siaina Fale Alea ‘o Tonga Featured
Eiki Sea ‘o e Fale Alea Lord Tu’ivakanō mo e ‘Amipasitoa Siaina ki Tonga Wang Baodong 'i hono foaki ‘o e me’a’ofa Pule’anga Siaina ki he Fale Alea ‘o Tonga. 'Oku 'asi he taa ni 'a e Kalake 'o e Fale Alea Gloria Pole'o mo e Sekelitali 'a e 'Amipasitoa
26 Sune, 2017. ‘Oku kei hokohoko atu ia pe hono tokoni’i fakame’angāue ‘e he Pule’anga ‘o e Kakai ‘o Siaina ‘a e Fale Alea ‘o Tonga.
Na’e fakamo’oni ‘a e ‘Eiki Sea ‘o e Fale Alea Lord Tu’ivakanō mo e ‘Amipasitoa fo’ou ‘a Siaina ki Tonga Wang Baodong mo fakahoko hono foaki ‘o e me’a’ofa fe’unga mo e pa’anga Tonga ‘e $160.000 ‘a e Pule’anga Siaina ki he Fale Alea ‘o Tonga.
Ko e ngaahi me’a ngāue ko’eni ‘oku kau kiai ‘a e ngaahi komipiuta, scanner, misini photocopy mo e ngaahi naunau faka ‘ilekitulonika kehe pe.
Na’e fakamālō’ia ‘e he Sea ‘o e Fale Alea Lord Tu’ivakanō ‘a e tokoni ko’eni pehe ki he vā fengāue’aki ‘o e ongo fonua.
Na’e toe fakapā foki ‘e he Sea ‘o e Fale Alea Lord Tu’ivakanō ki he ‘Amipasitoa Siaina Wang Baodong ‘a e faka’amu na’a lava ke tokoni ‘a Siaina ki hano langa ha Fale Alea fo’ou ma’a Tonga.
