Menu
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Kei fakalolongo Pasifiki ki hono fakaanga’i ‘e ‘Aositelēlia tokoni ‘a Siaina Featured

Saint George Palace koe tokoni 'a Siaina Saint George Palace koe tokoni 'a Siaina

14 Sanualu, 2017. ‘Oku te’eki ke fu’u ‘asi mai ha ngaahi lau mei he ngaahi fonua ‘o e Pasifiki fekau’aki mo hono fakaanga’i ko’eni ‘e ‘Aositelēlia ‘a e ngaahi tokoni ‘a Siaina ki he ngaahi fonua ‘o e Pasifiki o kau ai ‘a Tonga ni.

Na’e tuku mai foki ‘e he Pule’anga ‘Aositelēlia ‘o fakafou mai ‘i he’enau Minisitā ki he Pasifiki Concetta Fierravanti pea poupou kiai ‘a e ngaahi setisitika ‘o pehe tokua koe tokoni ‘a Siaina ‘oku ta’e’aonga pea 'ikai ke fakapotopoto.

‘Oku ‘uhinga ‘eni ki he ngaahi hala mo e ngaahi fale mo e ngaahi poloseki kehe pe pea ‘oku ne fakafihia’i tokua ‘a e ngaahi fonua ‘o e Pasifiki kenau tā mo’ua ki Siaina.

Na’e fakafepaki’i mamafa foki ‘eni ‘e he Pule’anga Siaina ‘i hono lipooti ‘e he ongoongo ABC ‘a ‘Aositelēlia ‘aki ‘enau fakahā mahino koe fakaanga ko’eni ‘a ‘Aositelēlia ‘oku ‘ikai ke mo’oni pea ‘oku nau feinga e nau pule’i pe ‘a e ngaahi fonua ‘o e Pasifiki pea kenau fakahoko ‘a e faka’amu ‘a ‘Aositelēlia he taimi kotoa.

Na’e toe poupou foki mo e Minisitā Ki Muli ‘a ‘Aositelēlia Julie Bishop ki he’enau Minisitā ki he Pasifiki ‘aki ‘ene pehē ‘oku fiema’u ke faka’ai’ai ‘i he Pasifiki ‘a e ngaahi polokalama ‘inivesimeni pea kene fakatupulekina ‘a e langa faka-‘ikonōmika pea ke mo’ui pe ‘a e ngaahi fonua ‘o e Pasifiki ‘iate kinautolu ka ‘oku ‘ikai ko hono faka’ai’ai kenau nofo popula mo e ngaahi mo’ua lalahi pea faingata’a ke totongi fakafoki.

‘Oku malie ‘eni he na’e fakahā ‘e he taki ia ‘o e fa’ahi fakaanga ‘a Fisi ka koe Palēmia malōlō ‘o Fisi ki he ongoongo a e Letiō ‘Aositelēlia ko Sitiveni Rabuka ‘oku hoko ‘a e hū mai ‘a Siaina koe fakakoloa he koe taimi pe ‘oku tāpuni mai ai ‘e he ngaahi hoa ngāue angamaheni mo tukufakaholo ‘o e ngaahi fonua ‘o e Pasifiki a e matapā hangē ko ‘Aositelēlia, kuo hū mai leva ‘a Siaina ia ke tokoni pea ‘oku hoko ‘eni he taimi lahi hangē koe taimi na’e hoko ai ‘a e ngaahi liukava ‘i Fisi.

'I he tu'unga 'o e tokoni 'a Siaina ki Tonga ni 'oku mahino  'oku lahi ange 'a e tokoni (grant) 'i he nō mo e mo'ua 'o e fonua ki Siaina.

Kaikehe 'oku kei hokohoko atu pe 'a e fakafetongi 'uhinga 'a e ongo fonua ni fekau'aki mo e kaveinga ni .

 

1 comment

  • Tangata Malanga
    Tangata Malanga Sunday, 14 January 2018 18:13 Comment Link

    Malo fau mo malie atu Nepituno! 'Oku malava ke ua 'a e 'uhinga 'o e "longo" 'a e ngaahi fonua Pasifki ko e 'uluaki ko e 'ilo ka e longo pe mo e ua ko e ta'e'ilo mo e longo pe. Ko e 'ilo ka e longo pe ko e mo'ui-ngalo mo e mo'ui-siome'a ka e 'ikai ko e mo'ui-manatu mo e ta'e'ilo mo e longo pe ko e mo'ui-munoa mo e mo'ui-angaanganoa..

    Na'e 'ilo lelei pe 'e Pita ko Sisu ko 'ene faiako 'iloa mo e fakamo'ui ongoongoa ka e longo pe hono faka'eke 'e he pule'anga 'o a'u ki he'ene fakafisinga'i tatu'otolu kimu'a he 'u'ua fakaholo 'a e moa ko 'ene ta'e'ilo tokua ka e ngali ko 'ene siokita ke haofaki 'ene mo'ui ka e hoko ia ke kau hono kalusefai hono 'eiki mo hono taki!

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top