Fakanofo 'e he 'Eiki Tokoni Palemia kau Pule Fakavahe mo 'Ofisakolo 'o Niuatoputapu
29 Siulai, 2023. Na'e fakanofo 'e he Tokoni Palemia, Hon. Samiu Kuita Vaipulu 'a e kau Pule Fakavahe mo e kau 'ofisakolo 'o e Vahefonua Niuatoputapu 'i he 'aho Tusite 25 'o Siulai, 2023, 'i he Fale Fakataha'anga 'o e Ako Ma'olunga Niuatoputapu.
Ko e Pule Fakavahe 'e taha(1) mo e kau 'ofisakolo 'e toko 4 na'e fakanofo 'o kamata lau mei he 'aho 1 'o Siulai, 2023 ki he ta'u 'e fa ka hoko mai.
Ko e Pule Fakavahe ko 'Aisea Tupou Ta'ofi; 'Ofisakolo 'o Hihifo- Tevita M Lino; Vaipoa- Kailomani Tangimausia; Falehau- Viliami Maea; Tafahi- Tou'anga He Vaha Folau Faka'osi.
Na'e fakamanatu 'e he Tokoni Palemia, Hon Samiu Kuita Vaipulu ki he kau 'ofisa 'a e mahu'inga ke nau ngaue fakataha ki he lelei fakalukufua 'a e fonua.
Na'a ne fakaha 'a hono tali ke foaki ha monu'ia penisoni ki he kau 'ofisa hili 'enau ngaue he teemi 'e taha, 'a ia ko e ta'u 'e fa pe 'i ha vaha'a taimi pe 'i loto he ta'u 'e fa 'ene ngaue.
Na'a ne talamonu ki he fatongia 'oku hanganaki mei mu'a ki he ta'u 'e fa ko eni ka hoko.
Na'e 'i he ouau mahu'inga ni 'a e ni'ihi 'o e kau Minisita 'o e Kapineti, Lord Fohe mo Hon Sevenitini Toumo'ua; Kau taki ngaue 'a e Ngaahi Potungaue 'a e Pule'anga 'i Niuatoputapu pehe ki he taula'eiki na'a ne tapuaki'i e ouau fakanofo, Faifekau 'Asipeli Moala, 'o e Siasi Tokaikolo 'Ia Kalaisi.
