Ikuna Highlanders 'a e Moana Pasifika fuofua va'inga Super Rugby 'i Tonga ni

Ko e va'inga fakahisitolia foki 'eni pe a neongo koe va'inga 'eni na'e fakahoko 'oku 'alotamaki ka na'e mahino 'a e 'aukolo mai 'a e kau mamata sipoti ke mamata tonu ki he va'inga ko'eni 'i he Siteitiume Teufaiva.

Na'e ikuna 'e he Highlanders 'a e va'inga ni 'aki 'a e kai koe 28 ki he 17 pea na'e mahino 'a e pule'i lelei ange 'e he timi Highlanders 'a e va'inga 'i he 'alotamaki 'uha.

Ko Tanielu Tele'a 'oku lele moe pulu lolotonga 'a e 'oho kai 'a e Highlanders

'Oku mahino foki koe timi Moana Pasifikakoe timi ia 'a e 'Otu Motu Pasifiki pea 'oku kau mai foki kiai 'a e fanau va'inga polofesinale mei Ha'amoa pehe ki Tonga ni foki ka koe tokolahi taha koe fanau va'inga Tonga.

Ko e fuofua va'inga mai ko'eni ki Tonga ni koe konga pe ia hono fakahoko mai 'a e ngaahi va'inga 'a e Moana Pasifika ki hono fonua totonu pea koe konga pe foki kia hono fala'ai'ai 'a e fakalakalaka 'a e va'inga ni 'i Tonga ni.

'Oku 'ikai ngata heni ka koe faka'ai'ai lelei 'eni ki he hakotupu 'o e fonua 'e malava ke 'i ai ha nau faingamalie 'i he sipoti ni.