Toe malōlō mo e Tiuta Lahi Fefine Kolisi Mailefihi Siu’ilikutapu Featured
Tiuta Lahi Fefine Kolisi Mailefihi Siu'ilikutapu
2 Sanuali, 2017. Kuo toe ma’u moe ongoongo fakaloloma mei Nu’usila ‘o fakapapau’i kuo toe pekia moe Tiuta Lahi fefine ‘o e Kolisi Mailefihi Siu’ilikutapu Leotisia Malakai 'i he 'aho 'aneafi 1 Sanuali 2017 'i he Falemahaki Waikato 'i Hamilton.
Ko Leotisia Malakai foki na’e kau ‘i he kau lavelavea lalahi ‘i he fakatu’utamaki na’e hoko ki he kau folau ‘a e Kolisi Mailefihi Siu’ilikutapu ‘i he mafuli ‘a e pasi ‘ofi ki Gisbonre ‘i he pō 24 ‘o Tisema 2016.
Kuo mahino foki koe pekia ko’eni ‘a si’i Leotisia koe tupu mei he lavelavea lalahi na’a hoko kiate ia mei he fakatu’utamaki ko’eni.
Na’e kau foki ‘a Leostisia ‘i hono fakapuna helekopeta mai mei he feitu’u na’e hoko ai ‘a e fakatu’utamaki ki Hamilton tupu pe mei he lavea lahi na’e hoko kiate ia.
Ko e pekia ko’eni ‘a Leotisia ‘oku ‘alu hake ai ‘a e kau pekia ‘i he fakatu’utamaki ko’eni ki he toko 3 ‘a ia ko Talita Fififta, Sione Taumalolo pea mo Leotisia Malakai.
Kuo ‘osi ‘i Tonga ni foki ‘a e sino ‘o e ongo pekia ko Talita Fifita mo Sione Taumalolo pea kuo fakafolau at hona sino 'i he pongipongi 'o e 'aho ni ki Vava'u.
'I ha fakamatala 'a e ongoongo 'a Letio Nu'usila 'oku mahino mai 'oku lolotonga tokoto 'a e toko 4 he Falemahaki Middlemore 'i 'Aokalani pea 'oku 'i ai moe tokotaha 'oku tokoto he Falamahaki Hasting.
‘Oku ‘i ai ‘a e manatu melie 'a e kaunga ako, kaunga Kolisi Tutuku, moe kaunga ngaue ki he Tiuta Lahi tonunga ko’eni ‘o e Kolisi Mailefihi Siu’ilikutapu.
Kuo laka hake he ta’u ‘e 30 ‘a e fai fatongia 'a Leotisia Malakai ma’ae Kolisi mo e Siasi Uesiliana Tau’ataina ‘o Tonga.
6 comments
-
Ko e ngaahi áho malolo ko e taimi fakalata e feohi'ánga ki he ngaahi famili he fakamanatua hono áloí mai hotua Éiki, malolo lelei e fanau meihe ngaahi feinga ako maú ha kií taimi mo e famili kotoa ke nau feohi mo palani e mouí ki he taú foóu. Óku sií feilaulau e ngaahi matuá ke nau folau mai mei muli ke fakataha mo honau famili heni, folau atu e ngaahi famili ke éva ki muli. Mo e fakakaukau ko e ngaahi áho malolo maáe famili mo ekainga. "Oku tau vakai ange óku íkai ke toe fakamahuíngaí e tukufakaholoo ia koia, óku ngaueáki ia tautefito ki he meá koéni ne toki hoko, pehe ki he ngaahi siasi foki ko e o ó feingaí mai ha paánga. Ko e fakakaukau, ko e fe óku mahuínga? Moóni e $$ óku fiemaú, ne mei fai holo pe í Tonga ni kae kei maú pe éhe ngaahi famili ha ngaahi áhomalolo fakataha mo énau fanau!! Kai kehe kuo mole e moúi pea tomui ka óku mahuínga ke tau úluaki sio ko e fe mea óku mahuínga taha he moúi. Ne íai nai ha maluí e kau folau he taimi ne fakatau ai 'enau ngaahi tikite? Pe ne sio nounou pe kau pule ó kumi ha founga nounou mo maámaá he ko étau meá ia e koloa pe ke lava!! Fiemaú e ngaahi famili ke nau fuú tokangaí lelei énau fanau ifi he taimi te nau foki mai ai he óku nau kei lelea honau loto he sio ki he fktamaki ne nau kafo ai. Ko kinautolu kotoa neongo ne nau hao tokolahi, ko e ngaahi kafo lahi í honau loto pea ko e lavea pelepelengesi ke tau tokanga kiai. Nau sií nofo atu ke fakakakato énau misiona aki á e loto mafasia mo e tautea he folau taéámenekina. Óku nau sio loto pe he áho mo e po ki honau kaunga fononga mo e fakaánaua, peheange mai neu lava fai atu ha tokoni ???. Kuo taimi ke fakamalohia e tafaáki falei á e ngaahi ako ki he énau fanau he ko e uesia éni óku lahi. Heíkai ke tau toe tuhu holo ka tau ako heni he tuú ki he kahaú. Mate ófa lahi atu ki he ngaahi famili óku huki tonu ai e fakatamaki, ke mou maú éne nonga mo e kelesi.
-
Oku ou tui koe kau Taki or SUTT nae tonu ke nau over rule e Puleako ko eni mo ene faituutuuni kae fkfoki e fanau ki honau ngaahi famili ... Oku ikai ko honau fatongia ae tanaki pa'anga ko eni, ko enau tokoni pe pea ka kuo hoko o mole ai ha moui pea koe fkpotopoto taha koe foki ki api... Ko e moui honau kii tehina pea moe tiuta lahi oku mahuinga ange ia he kilu oku nau sio kiai ... Mahalo kuo tomui ke toe fai ha foki he ne ikai ha taha ke muimui folau he pekia kimua .. mou alu ai leva.. Hhhhh.. Ko e oho ae pakupaku oku ikai kene toe ilo e ia ha mea oku sai ke fkkaukau kiai ... Ofa atu ki he pekia mo siono famili
-
Kou tui oku Teeki ke tokolahi fe'unga e kau mate ke makatu'unga ai e kaniseli e feinga pa'anga ae Kolisi i he anga e fakakaukau a e Pule Ako. Kae vakai'i na oku kau ia he kau Apositolo a Esita Smith oku konisenisi mate pehee ai ee
-
Fakafoki mai a fanau he kuo fe'unga e kafo. Tuku e kumi ongoongo ia 'a Felo he ko'ena kuo kole mai e Tokoni Palemia ke fakafoki aa fanau ki Tonga mo e faka'ofa. Faka'ofa moe matu'a.
-
Ko fe'ia e Puleako he hoko 'a e me'a ni, Folau e kau ifi ki Nu'usila kae folau ia moe tanaki kava 'a e ako ki 'Amelika. Hoko e me'a ni ke toe fakakaukau e kainga e lolo ki he founga 'a e Pule. "Ha'u 'o heka kuo totongi ho'o ako" pea liunga 5 leva e kavenga ia he lahi e totongi ako. Vava'u kumi ha Puleako fo'ou kei taimi pea tuku e longo he koe toka'i atu he 'oku toka'i mai.....
-
Mau 'ofa atu Tiutalahi, kohai na ne 'ilo 'e hanga 'e he feinga pa'anga koeni 'o fakangata ho'o mo'ui Leotisia.