Teu Ke Hihi Kae 'Ola Featured
28 'Okatopa 2015.
Tangata’eiki,
‘Oku ou nofo ‘ou fifili koeha ha toe fakanonga kiate au mo ‘eku fifili moe hoha’a koe’uhi koe kaha’u e fonua ni. Koe ngaue ne fai ‘e he Palemia mo ‘ene Kapineti moe kau fakafofonga Paati kiate au koe folofua ia e Kameli. Koe talu e lele ‘a e Faka’ilo Faka-Fale Alea ‘o Lavulavu moe faka’ikai’i ‘e Lavulavu mo tuli ‘ene tonuhia.
Hoko mai ki he Komiti moe kei tuli tonuhia pe ‘a Lavu mo ne tau toloi e ngaue ‘a e Komiti he fiema’u ‘e ne Tali. A’u mai ki he Momeniti Faka’osi kuo toki vetehia moe tangi. Koeha ne toe vetehia ai o tangi? Ne ‘osi tuku atu e faingamalie kae fakafefeka mai pe mo ‘ene totonu. Mole taimi moe pa’anga ‘a e Fale Alea. Koe Palemia, ‘oua na’a loi mai ne ‘ikai ha’ane ‘ilo ki he ngaue ko ia ‘a Lavulavu he ‘oku fakataha mo ‘ene Kapineti he ‘aho ‘oku memipa ‘a Vuna mo ‘Aisake he Komiti pea lavelave mo Mateni he kai efiafi mahalo na’a kau atu ki ai mo ha fakafamili he ‘oku memipa mo Mateni.
Kou tui koe ‘u pepa fakataha ‘a e Fale Alea ‘oku ‘ave kimu’a ki he kau memipa pea ne tonu ke mea’i ‘e he Palemia kimu’a kae ‘oua toki tu’u hake ‘o fakamatala hange nai ha fievaleloi (hufanga he fakatapu). Kaekehe ‘osi e laulau mahina moe ngaue ‘a e Fale Alea ki he Faka’ilo pea tu’u fakataha ‘a Vuna, Mateni mo 'Aisake moe Komiti ‘oku ‘i ai e case pea a’u mai ki he faka’osi kuo tu’u e Palemia ia ke ‘oange ke ne tautea. Hange koe lau “ Ke tautea he kuo fai ha hopo ke halaia?”
Koe fehu’i ‘e taha ke ‘oatu keke tautea he ne fai atu ha faka’ilo kia koe moe kapineti, ‘ikai koe Fale Alea? Koe toki mo’oni e ‘etau lea Tonga koe teu ke hihi kae ‘ola ne fai ‘e he Palemia mo ‘ene Kapineti. Toe feinga holo ke tulitonuhia he fakataha moe kau faiongoongo pea mahino ‘ikai ha toe felave, “‘Ikai toe lava ke ‘ufi’ufi’i” he ‘oku puli e Tokelau e sino kae tekeutua mai e konga ki he faka-Tonga. Ko eni toe ‘asi mai ‘a Mateni ia ‘o tala koe faka’ilo ia koe me’a he vakapuna MA60.
Pe koeha hono mo’oni e lau ko eni ka ‘oku tau sio atu pe kuo ne ‘atama mai pe he ‘aho langima’a. Koe fo’i paloti malie ne fai ‘oku hange ia koe paloveape “Kuhuu te’elo pato te ‘emo” pe koe tala 'oku kovi, namu ha'aha'a mo pango kae kei hepo pe (hufanga he fakatapu) ko e kei ‘ilo pe hala kae kei hiki nima pe. Mou ‘ofa mai aa tuku e sio mafai ka mou faitotonu ki ho’omou fuakava tukukehe ange ngaahi me’a kuo mei vaeua senituli hono teke ‘e ‘Akilisi koe Faitotonu moe pule ‘a e Lao. Ka koe ‘aho ni ‘oku nau toki fakahu ai e fo’i kupu koe “TUKUKEHE”. Hange ko eni temau tau’i e faihala TUKUKEHE ka hokomai ki homau taha, ‘E teke ‘a e pule lelei moe pule ‘a e Lao TUKUKEHE kapau te mau ngali lavea pea TUKU IA KI TAFA’AKI.
Faka'apa'apa Atu,
'Osi E Tumu
8 comments
-
Kuo oc mo'oni etau tumu ta'utu he ngaue 'ae ki'i PAATI ko'eni kuo fakahoko.. Ta koe anga ia etau ngaue ke fakafa'ahi pehe'i kae lava kete ai2noa'ia pe kita 'ihe paanga 'ae Puleanga pea toki hiki nima'i pe kita ke hao..................
-
Siaafafine, kapau ko ha veteki vave o e pule'anga koeni oku i he nima ia 'o e kau ngaue fakapule'anga 'i ha'anau walk out mei he ngaue'anga, kuo fai e tohitangi, fai e impeach fai mo e faka'ilo faka-fakamaau'anga 'oku hange 'oku tuai, ko e 'u fakakaukau ia a Sani 'oku lelei ke fakahoko ki he palani loloa 'o e kaha'u.
-
Sani, malo e fokotu'u fakakaukau. Ko eme'a ia 'oku tonu ke tau fai leva he taimi ni 'oua 'e toe toloi. Kumi ha solution. 'Oku lelei ho'o ngaahi fakakaukau ka 'oku ou tui 'oku totonu ke tau talanoa'i ha founga vave, 'oua toe toloi, 'e lava ke fakahifo ai e pule'anga ko eni. 'oku 'alu pe 'aho mo 'enau taki kitautolu ki he lilifa. Kuo nau 'asi tahataha mai ke toe fai hono loiaki'i mo fakaloto'i e kakai ke nau tali 'enau loi mo e kaakaa. Ko e temokalati mo'oni ena kuo 'omai 'e Vanuatu e sipinga ke tau muimui ki ai. Ta 'oku malava pe ke faakhu pilisone mo ngaue popula e kau taki 'oku pule kovi.
-
Kuo lahi si'otau mamahi, pea kuo taimi ketau sio atu ki ha solution.
'Oku ou sio atu ko e fakalelei lahi mo monomono ia 'oku fiema'u ki he'etau Lao ki he Fili Fale Alea, he 'oku 'ikai fiema'u 'a e kalasi kakai faihia ia koeni kenau ngaue 'i he levolo 'o e faitu'utu'u ni. He koena 'oku 'asi mei he PM ko e pavaki pe ha fakafekiki kuo talamai ia ke hopo he ko hono 'elia ia 'o'ona pea 'oku faingofua pe ia kiai, kae 'ikai fakakaukau ko 'ene uki hopo mei hono Sea ko e Palemia pea ka mo'ua e Pule'anga 'e fua ia 'e he fonua. Ko e ki'i tama koena ko Mateni, 'oku ne pehee ko e lea ta'eufi ko e politikale lelei, ka 'oku tonu ke sio 'oku hanga e he ulungaanga koia 'o fakahaa'i mai hono tupu'anga hange pe ko e PM ko e anga ia 'oku ma'ulalo mo ta'efaka'apa'apa o fakatatau ki he kuonga lotu oku tau iai. Pea kapau te tau toe fakakau atu, kapau e teu fili fale alea ha taha, fiema'u ke fakalao'i e level 'o e ako na'e ngata ai, he ko e kuonga ni kuo lahi e ngaahi fakataha 'a e fale alea 'oku fai ki muli, pea kuo ilo ha niihi oku ikai oo o fakataha ko e ilifia he lea fakapalangi. Fakakau atu pea mo e lava koeni ha taha he fili fale alea pea teu e fili palemia, takitaha ai haane palani ngaue ki loto ki he anga hono fakalele mo ngaue'i ha fonua pea fokotuu e taha oku sai taha ke Palemia, pea toki fili e he PM a ene kau Minisita mei he palani oku lelei, pea ai mo ha feauhi lea fakapalangi he kou tui ko e ngaahi me'a ia tenau 'ohake lelei'i kitautolu ki 'olunga. 'Ai atu mo ha medical ke hu pe ha kau mouilelei, pea ai atu pea mo e ta'u ngaue koia pe kuo 70 pea oua toe fili fale alea he ko e ta'u ia o e ngalongalo mo e 'afungi. -
Malo Fihaki...Na'e tu'utu'ni 'e he Fakamaau Polisi ko "Mateni Tapueluelu 'oku vale ngangau (ignorant)," pea na'e halaia 'i he 'ene hopo ko e loi mo e lau'i kovi 'o Samiu Vaipulu pea mo 'Eiki Nuku 'i he 2014. Ko e hopo halaia eni tu'o fiha kuo halaia ai 'a Mateni Tapueluelu mo e Kele'a ko e loi mo e lau'i kovi?
Clive Edwards kihe $14,000, ko ia ne tu'utu'uni 'e he Fakamaau Lahi ke fakahoko hono faka'ilo 'e he 'Ateni Seniale 'a Mateni Tapueleuelu -
'Oku ou tangane'ia 'ia Mateni si'ene 'oho pafua holo he fakahaofi 'ene Tamai 'i he fono. Kuo ke fakapipiki mai e MA60 ke fakapulou'i 'aki ho'o mou fo'i paloti ne fakakata mai aki ehe ongoongo FijiOne 'a e fakatonuhia'i e Corruption. 'E fefe leva e mamahi ia oe tama ko Loni Uata ne launga mai? Faka'ulia fai mai e tangi toupili 'a e si'i kakai masiva kamou fakangatangata atu 'ekimoutolu 'enau to'e. 'Oua teke feing koe keke fakahaofi holo ho'o Tamai i he fono he teke mahaki koe he feinga he'ikai toe tanu e ha taha e hisitolia pango kuo ne fokotu'u. Ka ke feinga koe keke tanu ho'o fokotu'u hisitolia 'a'au, ko koe pe 'i mamani kuo ke ta'aki ho'o tamai he Kele'a 'o fakatau atu ke lau 'e he kakai ko e tangata faitotonu koe. Pea kuo tala ko e halanga ki he tau'ataina ko e toutou hopo? Ko e temokalati fakasetane kuo taimi ke fakatatafi atu mei Tonga ni. Kuo lau mai e Ashika mo e ha fua, koeha ne 'ikai launga'i ai ke hopo'i? Ka e fekau mo e ngaahi famili enau toko 8 na'e mate he 16/11 ke launga'i moe kau uki tutu 'eke mo ha laulau miliona. Tuku e tulitonuhia holo kae o 'o kole fakamolemole ki he 'Eiki, he kuo mou tamoloki hono kakai 'o laku ki he afi. SA'A!
-
Kuo tau sio mata ki he 'ikai toe ha me'a noa'ia he'e nau 'ohoholo ai 'a e PAATI he taimini he feinga ke fktonuhia 'enau NGAUE PANGO na'e fai. Tuku a ho'omou tuli tonuhia he 'oku mau sio lelei atu pe ki he me'a 'oku mou fai.
Faka'ulia ko e sio atu pe kae lohiaki'i mai pe e kakai 'o e fonua. -
Fakamalo atu 'Osi E Tumu he ma'u tala lelei