Ko'ene tuku pe faihala ko e si'isi'i ange ia 'a e longoa'a Featured
Tohi ki he 'Etita
Ko'ene tuku pe faihala ko e si'isi'i ange ia 'a e longoa'a
'Etita,
'Oku ou kole keke anga lelei kae fakahu atu 'a e ki'i tohi nounou ko'eni ki ho'o kolomu.
'Oku tau a'u mai 'eni ki he taimi na'a tau pehe 'e si'isi'i ange ai 'a e longoa'a tautautefito ki he sipoti mo e me'a fakapolitikale.
Ko e me'a pe 'oku tau 'ilo 'oku toe fakalalahi ange 'a e longoa'a he 'aho ni pea 'oku faka'ohovale he na'a ku pehe 'e au 'e 'ikai toe fu'u fai ha longoa'a hili 'etau liliu fakapolitikale.
Na'a ku fiefia he toutou uki ke lotu e fonua mo 'aukai pea 'oku a'u mai ki he tu'unga 'oku ou fakakaukau fakaeau pe koe lahi ange 'a e lotu 'aukai koe lahi ange ia 'a e longoa'a mo hono tukuaki'i 'a e faihala 'a e kau ma'u mafai.
'Oku 'ikai keu tui au 'etita koha lotokovi hono fakaanga'i e kau taki pea 'oku ou tui pe au 'oku 'ikai ha taha 'e haohaoa ka koe tokoni ki he'enau fai fatongia pea fakatokanga kenau fakamam'o mei he faihala.
'Oku ou tui kapau 'e faitotonu pe fatongia pea fakamama'o mei he faihala koe nonga ia 'a e fonua pea tau melino he ko Tonga ko e fonua fiefia.
Fai e lotu ke mo'oni kae fakahinohino lelei mai 'e he 'Otua e hala ketau fou ai pea 'e si'isi'i ange ai 'a e longoa'a.
'Ofa Atu,
Taulanga Mei he Lolo
6 comments
-
Hala Taufa
Ko e tohi lelei pe e taha i mamani fulipe ko e TOHITAPU -
Ko e tohi lelei 'eni ia he koe na'ina'i pea 'oku 'ikai ke puli ia 'oku 'i ai e faihala he tapa kotoa pe mo'ui. Hange pe ia ko hono malanga'i 'ehe kau faifekau e folofola mo toutou fakatokanga mai ke tuku e faihala.
-
Taulanga mei he Lolo
Tuku e lea ia ki he lotu he 'oku ta'ekakato ho'o tohi 'a'au. 'Uluaki 'omai e kakai faihala pea ke toki fakaanga holo, tafoki pe 'o tukuaki'i noa'ia fakaanga'i mo e lotu ta'eta'e'uhinga. -
Kau eni he tohi ta'emita, 'osi pe hono lau 'oku te'eki ke talamai ia pe koe faihala ahai, anefe?
Ko Lavulavu eni na'e faihala pea faka'ilo 'e Viliami Latu, ko e faihala ia 'oku tau lau kiai. Ko Popua park ena na'e fakatotolo'i ko e launga'i 'oe faiahala pea 'oku tau kei tali ki he ola. Laka leva he taimi ni 'o launga'i e faihala 'oku ke 'ilo ke ma'u mai hano ola ketau sio kiai . 'OKU KE PEHEE 'OKU KE FAIHALA MO KOE HO'O 'ILO PE FAIHALA KAKE LONGO PE?
Temau talitali atu e -
Koeha koaa e faihala kautama .....momosi mai pea ka oku tonu ke fkilo pea oo ave ki falehopo, tau foi he lau e faihala kae hili koia oku lele lelei pe ngaue ia ae PULE'ANGA pea poupou atu kihe lotu moe aukai fkfonua.
-
Ko e tanaki atu pe 'eni Taulanga mei he Lolo ki he langa talanoa lelei. 'Oku 'ikai nai ko e tupu 'a e faihala ko e sio ki loto ki he kita ko e siokita (ta'e'ofa, kaka, loi, ta'eako mo e ta'elotu)? 'Oku 'ikai nai ke fehangahangai 'eni mo e sio ki tu'a ko e siokitu'a kihe fonua ('ofa, faitotonu, fai'ofa, faimo'oni, ako mo'oni, mo e lotu lelei)? Na'e 'iki nai siokitu'a kae 'ikai siokita 'a Sisu ki mamanı? Na'e 'irai nai to e lea pehe 'a Sione Kenetii ki 'Amelika 'oku 'ikai ko 'Amelika ma'au ka ko koe ma'a 'Amelika? 'Oku lau tokua ko e fonua ako mo lotu 'a Tonga. Ka e ta ko a ko e toki fonua ta'eako mo ta'elotu mo'oni. 'Oku 'i fe 'a e kau ako mo e kau lotu 'o Tonga he koveti-19? 'Oku 'ikai nai ko 'enau fakamafola 'a e maama mo e melino 'i Tonga mo mamani lahi ke tokoni ki he kau saienisi he fekumi ki he 'ilo mo e poto ki ha faito'o 'o e mahaki pipihi?