"'Ikai mo'oni tukuaki'i he Facebook": Clive Edwards Featured
15 Tisema, 2016. Kuo fakaha ‘e William Clive Edwards koe Loea ma’olunga mo mataotao (Senior Counsel [SC]) ‘oku ‘ikai fie fakamoleki hano taimi ke lau ‘a e ngaahi tukuaki’i loi mo fa’u kuo fakahoko kiate ia ‘i he mitia fakasosiale koe Facebook.
‘I ha fakamatala ‘a Edwards, na’a ne fakaha ai ‘oku faka’ofa ‘a hono takihala’i ‘o e kakai pea ‘oku tokolahi moe kakai ‘oku ‘ikai si’a nau ngaue ‘e fai ka koe nofo pe foki ‘i he facebook ‘o polave ai ‘o iku ki hono lau’i mo tukuhifo ha taha.
“Ko e tekinolosia koeni ‘oku mahu’inga fakasosiale foki ki he feohi ka ‘oku lau ‘e he tokolahi ko honau faingamalie ke lea pea ko’enau lea tokua ‘oku nau pehe ‘oku ‘i ai ‘a e ngeia ai moe langilangi ai ka koe pango ‘oku nau lea ‘aki ‘a e ngaahi me’a ‘oku ‘ikai ha’anau ‘ilo kiai mo e ngaahi me’a kuo fakakonahi ‘aki honau ‘atamai ‘e he ni’i hi”, ko e fakalea ia ‘a Edwards mo ‘ene malimali.
‘I he fakamatala ‘a Edwards na’a ne fakaha ai ‘oku te’eki ke tautea tu’otaha ia ‘i ha Fakamaau’anga ‘i muli pe ko Tonga ni tupunga ‘i ha’ane ngauehala ‘aki ha mafai pe ko hano ngaue hala ‘aki ha pa’anga pea ‘oku te’eki kene mo’ua hano lau’ikovi’i ha taha pea ‘oku ‘ikai kene loto ke laui’i kovi’i ha taha ka ‘oku ne lea ‘aki pe ‘a e ngaahi mea’ ‘oku mo’oni mo mahino pea ‘oku te’eki ke launga’i ia ha’ane lea.
“’Oku tau’ataina ‘a e kakai ke lea kae lea ‘i he mo’oni pea ko’etau nofo faka-Tonga ‘oku ‘iai ‘a e ngaahi faiva ‘oku tau takitaha lava hange koe toutai, ngoue, lalanga, kokanga’anga, tufunga langafale, tufunga vaka, pisinisi moe ha fua pea ‘oku tau takitaha ‘ilo lahi ki hono takitaha faiva”, koe lau ia ‘a Edwards.
Na’a ne hoko atu foki mo ‘ene kata ‘o pehe “kapau ‘e lea pe tama ngoue he ngoue he koe me’a ‘ia ‘oku ‘ilo lahi kiai pea ‘oku faka ‘ofo’ofa ka kuo takitaha fehopokaki holo he ngaahi seakale pea ‘oku fakaoli fau. 'Oku 'ikai ngata ai ka koe ma'u hala tokua 'oku 'ia ai 'a e ngaahi totonu pea koe taimi ia 'oku faka'ofa 'a e ma'u hala ki he temokalati 'o iku si'i mo'ua ai e ni'ihi mo faingata'a 'ia ka e hao pe 'a e kau faka'ai'ai ia mo kinautolu 'oku nau fai 'a e takihala”, koe fakatokanga mai ia ‘a Edwards.
Na’e fakamahino ‘e Edwards ‘oku ‘ikai ke tapu ia kete lea ki ha mala’e kehe ka ‘oku hoko foki 'ete lea ke tuku mai pe folahi mai ai pe ki loto tautautefito ki he ngaahi feohi’anga faka-soisale pehe ni hoto kita mo hono puipuitu’a pea ‘oku ‘ilo ngofua 'a e ngata'anga 'oe tangata takitaha.
“‘Oku ou femou’ekina ki he’eku ngaue faka-lao pea ‘oku ou fakahoko ‘a e sevesi koia ki he kakai tokolahi ‘o e fonua ‘o mahu’inga ange ia kiate au. ‘Oku ‘ikai keu tokanga ki he ngaahi tukuaki’i kuo fa’u ‘e he ni’ihi koe taumu’a ke tukuhifo au mo e ni’ihi kehe pea ‘oku ‘ikai ke puli ‘iate au ‘a e 'asenita ‘a si’i kakai koia 'a 'oku me'angaue'aki kinautolu 'e he ni'ihi kehe pea 'oku fu'u faka'ofa foki”.
Na'e faka'osi 'aki 'e Edwards 'ene na'ina'i mo 'ene faka'amu ke ngaue 'aonga'aki 'a e mitia fakasosiale ki he feako'aki moe langa fonua pea 'oku fakatu'utamaki he taimi kotoa kapu he'ikai kete fakapotopoto mo fakakaukau lelei.
![](http://pinterest.com/pin/create/button/?url=https://nepituno.to/index.php/opinions/item/1775-ikai-mo-oni-tukuaki-i-he-facebook-clive-edwards&media=https://nepituno.to/media/k2/items/cache/c8f29fc99996dfa78f964234a3f76283_XL.jpg&description="'Ikai mo'oni tukuaki'i he Facebook": Clive Edwards "Pin It")
4 comments
-
Ko e taimi ni foki ia ko e mahaki lahi ia I Tonga ni ko "leanoa'ia" he kapau te tau takitaha nofo pe o lea pe he'etau ngaah ngaue oku tau poto hono fai heikai ke palopalema ia.
-
Koe ha me'a 'oku fai ai 'ae Loto Mamahi???
Koe mo'oni e mo'oni koe Tangata Loea Mataotao mei he 60's o kei a'u mai kihe aho ni.pea kuo ofi pe ke retire mei he ngaue fklao.
Pango pe koe 'ikai ke tau ilo ae ng tukuaki'i 'oku fai kihe Siana ni kae ifo 'etau hu mai 'o pakipaki he Kave'inga ni.
Mou Tokanga pe he va'inga moe Afi na'a mou vela ai ? isa, he talanoa kia Clive he koe Tufunga Lao, na'a ne ave moutolu kihe Fkma'au'anga ?................................ -
The people of Tonga needs to be critically literate! Everyone needs to be able - on their own - to recognize what's bogus and what's not.
Lahi e veve mo e loi 'oku fetuku holo ho tau kakai! Pea 'oku fakamamahi e sio atu ki he fu'u tokolahi e kakai 'oku nau fili ke tui ki he loi, kae 'ikai 'uluaki takitaha tai hono fatongia ki hono toe vakavaka'ii e tu'unga falala'anga e ongoongo 'oku nau ma'u. Koe pehee mai pe ha motu'a politiki ia 'oku pehee, pea tui kotoa atu ai pe tokolahi koe 'uhinga pe ko 'enau fanongo mei he motu'a politiki.
Kuo tau pango'ia he founga ni: Fa'u ha fo'i loi 'o fakatefito ha fo'i fakamahamahalo pea poupou atu kiai moha loto 'oku 'ikai hangamalie. Pea fakamafola leva e loi ko'eni hange ha mo'oni pea tuku atu ha faingamalie 'ae tokotaha/kakai 'oku fa'u fakapatonu kiai e loi ha'anau ke nau faka'ikai'i (he fakamaau'anga pe mitia). -
'Oku mooni lahi 'a e tali ko'e i 'a CLive pea fielau pe ia koe tali 'a e pto. 'Oku ou fiu e feinga keu 'ilo pe koe ha koaa 'a e ngaahi kovi 'oku tukuaki'i kiai e tangata ni he 'oku ou fekumi he lekooti fai hia 'oku te'eki keu sio hano mo'ua. Koe kau poupou foki 'o e palemia 'o e 'aho ni 'oku nau tu'u kaivi hono tukuaki'i 'o e tangata ni pea koe me'a pe 'oku 'ilo mei he kau tolomaka ko'eni koe ni'ihi na'e ngata pe he lautohi Pule'anga pea 'au moe toko ni'ihi ki he hauisukulu ka na'e mutu 'o 'ikai fai ha lau ki he pango 'a e tu'unga faka-molale.