Faka'ataa toko 238 mei hono Kolonitini Featured
Hotele Tano'a
31 Sanuali, 2021. Kuo lava kakato hono kolonitini 'o e toko 238 'a ia na'a nau folau mai mei Nu'usila mo Ha'amoa 'i he polokalama fakafoki mai hotau kakai 'a ia 'oku fokotu'utu'u 'e he Pule'anga.
Ko e toko 238 ko'eni kuo 'osi fakahoko hono sivi mo tesi kinautolu 'o mahino 'oku 'ikai ha taha 'iate kinautolu 'e ma'u 'e ehhe mahaki covid-19.
Fakatatau ki he fakamatala 'a e Toketa Pule ki he va'a ki tu'a 'o e Potungaue Mo'ui Dr. Reynold 'Ofanoa na'e fakahoko honau sivi faka'osi 'i he 'aho Tu'apulelulu 'o e uike ni 'o mahino ai 'oku nau hao kotoa pe.
Dr. Reynold 'Ofanoa
Na'e kau foki 'i he ni'ihi 'o kinautolu na'e kolonitini 'a e Kuini 'o Tonga Nanasipau'u Tuku'aho pehe kia Pilinisi Atat pea kuo 'osi faka'ataa foki kinaua.
'I he fakamatala 'a Dr. 'Ofanoa 'oku toe fiema'u ke toe hoko atu 'a e nofoma'u 'a e ni'ihi ko'eni 'i honau takitaha 'api 'i ha 'aho 'e 7 kimu'a pea nau toki 'ata faka'aufuli.
'Oku 'amanaki foki ke tu'uta 'a e kulupu hoko mei Fisi 'i he 'aho 4 'o Fepueli..
