Fakataufolofola 'a e 'Eiki Palēmia mo e Kapineti ki he Tama Tu'i
Tama Tu'i Tupou VI mo e 'Eiki Palēmia pehe ki he Kapineti 'a 'Ene 'Afio 'i he Funga Vailahi 'i Niuafo'ou
10 Ma'asi 2024. Na'e me'a atu 'a e 'Eiki Palēmia Hon. Hu'akavameiliku mo e toko 5 'ene Kapineti ke fakahoko 'a e fakataufolofola ki he Tama Tu'i 'i he Funga Vailahi 'i Niua Fo'ou 'i he uike ni.
Ko e folau ko'eni na'e fakahoko ia 'i he efiafi Pulelulu 6 'o Ma'asi pea fakahoko leva 'a e fakataufolofola ki he Tama Tu'i he houa pongipongi 'o e 'aho Tu'apulelulu 7 'o Ma'asi ai pe.
Na'e mavahe mai 'a e folau mei Niua Fo'ou 'i he efiafi Tu'apulelulu ai pe hili ia 'a e fe'iloaki mo e fakataufolofola 'a e 'EIki Palēmia mo e Kapineti mo e Tama Tu'i.
'Oku te'eki foki ke tukuange faka'ofisiale mai 'a e kakano 'o e fakataufolofola na'e fakahoko ka 'oku mahino mai mei he ngaahi 'ata na'e talitali lelei 'a e folau ni pea na'e fakahoko mo e 'ilo 'a e 'Eiki Palēmia mo e Hou'eiki Minisitā 'i he Funga Vailahi 'a ia na'e 'afio ai 'a e Tama Tu'i.
Na'e kau atu ki he folau 'a e 'Eiki Palēmia Hon. Hu'akavameiliku, Lord Tu'i'afitu ko e 'Eiki Minisitā Fonua, Lord Fohe 'Eiki Ministā Ngoue, Hon. Fekita 'Utoikamanu 'Eiki Minisitā Ki Muli mo Takimamata, Hon. Dr. Viliami Uasike Latu 'Eiki Minisitā Fefakatau'aki mo Hon. Dr. Siale 'Akau'ola 'Eiki Ministā Mo'ui pehe ki he Fakafofonga Fale Alea 'o Tongatapu 6 Hon. Tulusi Tei mo e Sekelitali Pule mo e Sekelitali ki he Kapineti Paula Ma'u.
'Oku mahino pe foki ia ko e konga 'eni 'o e femahino'aki 'a e 'Eiki Palēmia mo e Kapineti m oe Fale Alea 'o Tonga 'e fakahoko 'a e folau ko'eni.
