Tū’uta fuofua folau vakapuna mei Tu'apule'anga ki he 2021 ‘i Sanuali 14 Featured
5 Sanuali 2021. ‘Oku ‘amanaki ke tū’uta mai ki Tongá ni ‘a e fuofua folau vakapuna mei tu'apule'anga ki he ta’u 2021 'i he 'aho 14 'o Sanuali 'a ia koe uike kaha'u ia.
Ko e folau ia mei ‘Okalani Nu’usila ‘i he hokohoko atu hono fakafoki mai ‘a e kāinga Tonga 'oku nau kei tukuvakā ‘i he ngaahi fonua muli.
Ko hono fakahā ‘eni ‘i he Fakataha ‘a e Komiti Fakafonua ki he Ngaahi Me’a Fakatu’upake (NEMC) mo e Komiti Fakafonua ki he Covid-19 (NTF) ‘a ia na’e fakahoko ‘i he pongipongi ‘o e ‘ahó ni.
Ko e vakapuna ko ‘eni ‘oku fakafuofua ke ‘omai ai ‘a e kau pāsese ‘e toko 280.
‘Oku kau ki he toko 280 ko eni ‘a e toko 21 mei Ha’amoa ‘a ia ‘e fakafoki mai kinautolu ‘i he vakapuna ‘a e Kautaha Vakapuna Lulutai ‘i he ‘aho tatau pe.
‘E tū’uta foki mo e vakapuna (charter flight) mei ‘Aositelelia ‘i Sanuali 22, ke ‘ave ‘a e kau toli fua’i’akau mei Tongá ni ko e toko 152 ki ‘Aositelelia.
'I he taimi tatau 'oku fakahoko mai pe 'a e ngaue ki hono fakafoki mai hotau kainga 'oku nau kei fihia he 'otu muli.
