Ikai mo'oni e ongoongo 'e toe nō 'a Tongá mei Siaina Featured
Edgar Cocker, Sekelitali Pule & Sekelitali ki he Kapineti
11 Me, 2020. Kuo faka'ikai'i mei he ‘Ofisi’o e Palēmia ‘oku ‘ikai ke mo’oni ‘a e ongoongo na’e hā he mitia fakasosiale ‘i he uike kuo ‘osi ‘o pehē, na’e fakahā ’e he Sekelitali Pule & Sekelitali ki he Kapineti, ‘oku fatu ‘e he Pule’anga ha nō fe’unga mo e US$30 miliona, ki Siaina ‘i he Polokalama Belt & Road.
Ko e fakamatala ko ení ‘oku ‘ikai ke mo’oni pea ‘oku tapou 'a e Pule'anga kiate kinautolu ‘oku ‘ulungaanga mo angamaheni ‘aki, hono tukuange ‘a e ngaahi ongoongo loi ke ta’ofi e loi ke tataki hala’i ‘a e kakai ‘o e fonua pea maumau’i ‘a e nofo melino mo e ma’uma’uluta ‘a e fonua, tautefito ‘i he taimi faingata’a fakamamani lahi ko ‘eni.
'Oku lahi hono faka'ikai'i mei he 'Ofisi 'o e Palemia 'a e ngaahi ongoongo kuo tukuatu tautautefito ki he mitia faka-sosiale fekau'aki moe ngaahi ngaue mo e fokotu'utu'u 'a e Pule'anga.
1 comment
-
FAKAMĀLŌ SEKELITALI EDGAR COCKER...Ko e ongoongo lelei ia ke holoki 'etau fakamo'ua mei Siainá CCP. Ko 'enau polokalama Belt & Road ko hono ui 'e tahá ko e "debt diplomacy" (alea faka-mo'ua) . 'Oku fakamafola 'e he China Communist Party (CCP) 'enau fie tokoní 'aki 'enau pa'angá ke mo'ua ange 'a e ngaahi pule'anga masivá, pea tenau toki pule'i kinautolu.
Ko e paati CCP ko e kau Kominiusi, 'oku 'ikai ko e temokalati. 'Oku totonuange 'etau ngāue mo e ngaahi pule'anga temokalati 'o hangē ko Taiwan China, mo Hong Kong, Singapore, Siapani, pea mo Kōlea Tongá.