Fiema’u ha liliu ki he Fakamaau’anga: Minisitā Lao Vuna Faka’otusia Featured
Minisitā Lao Sione Vuna Faka’otusia
23 ‘Aokosi, 2017. Kuo fakahā ‘e he Minisitā Lao Sione Vuna Faka’otusia ki he ngaahi kautaha ongoongo ‘oku ne tui ‘oku fiema’u ha tokotaha Tonga ke hoko koha Fakamaau Lahi.
‘I hano faka’eke’eke ‘o Faka’otusia ‘e he ongoongo ‘a e Letiō Tonga na’a ne fakahā ai ‘oku tokolahi ‘a e kau loea kei ta’u iiki pea tenau malava kenau ngāue ‘o kamata mei he Fakamaau’anga Polisi ‘o ‘alu ai pe ki he Fakamaau’anga Lahi.
Na’a ne toe me’a foki ‘oku fiema’u ke fokotu’u leva moha Fakamaau’anga ki he fanau iiki (juvenile court) he ‘oku lahi ‘a e ngaahi keisi ‘a e fanau iiki ka ‘oku toutou tautoloi pea ‘oku fiema’u ha Fakamaau’anga makehe ia kiai.
Na’e fakamahino ‘e Faka’otusia na’e folau ‘a e Tu’i Fakamaau Lahi Owen Paulsen ki Nu’usila pea na’e fai ‘a e vakai ki he kaveinga ni pea ‘oku ‘i ai ‘a e ‘amanaki ‘e fakahoko leva ha ngaue kiai.
Ko e kaveinga foki ko’eni na’e toutou ‘ohake pe ki mu’a ka ‘oku ‘i ai ‘a e tui ko’ene hoko atu ‘eni ke mo’oni ‘a e misi ko’eni.
4 comments
-
KA 'OKU 'IKAI HA TAHA 'OKU MAHENI MO TAUKEI KI HE FAKAMAAU LAHI. 'Ikai ke taau 'a Minisita Faka'otusia ia ke fakamaau lai. Na'e fakamaau 'ife'ia? Kuo fakamaau Polisi, pe kuo fakamaau tangi? 'Alu ia ki muli 'o fekumi ha'a ne taukei pea toki foki mai 'o tohi-kole ngāue ke fakamaau lahi.
-
Poupou 100% Tongakiai... ikai ke toe loi
-
'Oku ou tui ko e 'uhinga ne 'ai ai ke fakamaau lahi palangi koe'uhi ke tau'ataina 'a 'ene aofangatuku 'i he ngaahi hopo lalahi he 'oku 'ikai ke kau ia ki ha tafa'aki pea 'oku 'ikai ke 'i ai ha'ane famili 'i Tonga ni ke ngali filifilimanako 'ene fai tu'utu'uni pea toe taukei ange foki. Ka fakamaau lahi ha Tonga ko 'ene toki corrupt ia 'a e fakamaau totonu he 'e kole'i 'aki pe ia ha fu'u loli 'ufi ke hao e tama fai hia lol
-
Poupou atu Eiki Minisita, ai ha kau Qualified Lawyers kenau Fakamaau, he 'oku fu'u mahu'inga ke fakamaau'i fakalelei e cases koe'uhi ko e totonu haohaoa 'a e Tangata mei hano tukuaki'i. Kou tui pe 'oku 'iai e kakai 'oku nau mo'ua ka na'e 'ikai tonu kenau mo'ua, pea 'iai e kakai 'oku tonu kenau mo'ua ka na'e 'ikai kenau mo'ua koe'uhi pe ko e kau Fakamaau. Ko e fo'i system he taimi ni oku osi tonu ia ke overhaul pea kuo motu'a e lao mo e policy.