Tokangaekina ‘e he Pule’anga tu’unga malu ‘o e Fanau Tonga ‘i Vanuatu Featured
PULE’ANGA TONGA
ONGOONGO TUKUATU
(19 Aho 5 Fepueli, 2015)
‘I he ‘aho si’i kuo maliu atu, ne fakahoko ai ‘e he Pule’anga Tonga, ‘a hono vakai’i ‘a e tu’unga ‘oku ‘i ai ‘a e fānau ako Tonga ‘oku nau lolotonga ako ‘i he ‘Univēsiti ‘o e Pasifiki Tonga, ‘i Vanuatu, hili ‘a e Saikolone Fakatalopiki ko Pam.
Ne fakahā‘e he Potungāue Ako moe Ako Ngāue, ‘oku lesisita ‘a e fānau ako Tonga ‘e toko hongofulu mā fa (14) ‘i he va’a Ako Lao ‘o e ‘Univēsiti ni, ‘a ia ko e fānau ako sikolasipi ‘e toko taha (1) mei he Pule’anga Tonga, fānau ako ‘e toko tolu (3) mei he Sikolasipi ‘a e Pule’anga Nu’usila; fānau ako sikolasipi ‘e toko tolu (3) mei he Pule’anga ‘Aositēlia pea pehe ki he fānau ako private pe taautaha‘e toko fitu (7).
‘Oku ‘osi ‘i Tonga ni foki ‘a e fānau ako ia, ne nau ma’u sikolasipi mei he Pule’anga Nu’usila kae’uma’ā ‘a e Pule’anga Tonga.
‘I he ‘aho 14 ‘o Ma’asi, 2015, ne fakahoko atu foki ‘a e tohi fekaungāongo’i‘a e ‘Eiki Palēmia, Samuela ‘Akilisi Pohiva ki he Palēmia ‘o Vanuatu, Hon. Joe Ratuman, hili ‘a e fakatamaki ni,
NGATA’ANGA
Tukuatu mei he: ‘Ofisi ‘o e Palemia, Pule’anga Tonga, Nuku’alofa, Tonga. Tu’asila: Taufa’ahau Road, P.O. Box 62. Tel: (676) 24 644
Fax: (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.
1 comment
-
Malie e tokangaekina 'a Tonga, he kuo 'osi hifo e fanauako ia 'a Ha'amoa, Fisi, etc ki honau ngaahi fonua takitaha !!!!!