Pēseti 42.7% fānau lava‘i Sivi Hū ki he Ngaahi Kolisi 2019 ^Featured

Ko hono fakahā ‘eni ‘e he ‘Eiki Minisitā ki he Potungāue Akó mo  e Ako Ngāué Siaosi Sovaleni ‘i he efiafi ‘aneafí ‘i ha fakataha makehe mo e kau faiongoongó.

Ko e lesoni ‘e fā ‘oku fakahoko ai ‘a e sivi hú, ko e Lea Fakapilitania, Fika, Tala ‘o Tonga mo e Saienisi. ‘A ia ko e maaka ‘e 400 ‘oku fakahoko ki ai ‘a e sivi pea ko e maaka 200 leva ‘oku kamata mei ai ‘a hono lau ‘o e kau lavá.

Ko e maaka lelei taha ‘o e Sivi Hū ki he Ngaahi Kolisí 2019 ko e 364 ‘a ia na’e ma’u ia ki he ‘Apiako Lautohi Nuku’alofá.

 Maaka M’olunga ‘i he ngaahi lēsoní

‘Oku hā atu ‘i he tepile ‘i lalo ‘a e maaka mā’olunga ‘i he ngaahi lesoni takitaha mo e ‘apiako na’e ma’u ki aí. Ko e lesoni Lea Fakapilitāniá mo e Lēsoni Fiká na’e māhanga ‘a e ongo ‘apiako ‘e ua ‘i he maaka mā’olungá.

Pēseti ‘o e Kalasi 6 na’a nau lava ‘i he lēsoni takitaha

Fakatatau ki he me’a ‘a e ‘Eiki Minista Hon. Sovaleni, ‘oku mahino mai mei he peseti ‘o e kau lava ‘i he ngaahi lēsoni takitaha ‘a e mahino mai ‘oku lelei ange ‘a e maaka lava ‘i he lēsoni Tala ‘o Tongá mo e lēsoni Saienisí. ‘A ia ‘oku ‘i ai ‘a e tokanga makehe ki he lēsoni Lea Fakapilitāniá mo e lēsoni Fiká. ‘Oku hā atu ‘i he tēpile ‘i laló ‘a e pēseti ‘o e kau lavá ‘i he ngaahi lēsoni takitaha mo hono fakafehoanaki ki he ta’u kuo ‘osí.

Na’e kau atu ki he Sivi Hū ‘o e ta’u ni ‘a e ‘Apiako Lautohi fakakatoa ‘e 113 ‘a ia ko e ‘Apiako Lautohi ai ‘e 98 ‘a e Pule’angá pea ko e ‘apiako ai ‘e 15 mei he ngaahi siasí.